المشاركة الأصلية كتبت بواسطة Ahmed Anwer (المشاركة 349201)

يا جماعة أنا لسه متعلق هنا في باريس

و خلاص أعصابي باظت و بطني اتقلبت

كل ما اكلم مراتي ألاقيها هتعيط و أولادي خايفين

و تقولي كل شوية نسمع ضرب نار و بلطجية

و رجالة العمارة و الشارع قاعدين طول الليل في الشارع بيحموه

و دخلت عربية المنطقة ،، الجامع نده علي الناس ،،،

الناس راحت الجامع و هيا بتهتف الله أكبر ،، الله أكبر و طاردوا العربية لحد ما خرجت

و الجامع مش بيقفل و الناس قاعده فيه

ملحوظة ده في منطقة هادية نسبيا ،،، النزهة الجديدة

أسرتي مش عارف هيعملوا أيه بعد ما الأكل يخلص في البيت و مفيش محلات فاتحة

أو الفلوس تخلص و البنوك قافلة ،،، الفلوس مش مشكلة ،،، بس مشكلة المحلات و الأكل و الشرب



إختلافي الوحيد معاها ،، إنها مش مقتنعة خالص إن ده بترتيب من الأمن أو علي الأقل جزء منه


عشان لينا قرايب كتير ضباط شرطة ،،، واحد منهم اتخطف ،، و التاني قسمه اتحرق و واقف مع الناس في الشارع بتاعه يحميه

أنا عايز ارجع مصر بأي طريقة ،،،




يا أ / شريف ،،، الناس دي أنا مقتنع تماما إنهم من فلول الداخلية

الموضوع مش منطقي و التزامن اللحظي ما بين اختفاء الشرطة و ظهور سيارات و موتسكيلات الارهابيين غير منطقي

أكيد طبعا فيه نسبة من الغوغاء و العشوائيات

بس الموضوع بتنظيم تام من الدولة ،،،

المشاركة الأصلية كتبت بواسطة Ahmed Anwer (المشاركة 349209)

التجمع الخامس و الرحاب لم يحدث بهم اي نهب او عنف
و الوضع هادئ علي عكس ما يشاع
و حتي واجهات مولات شارع التسعين الزجاجية
لم يحصل لها شئ
و السوبر ماركت شغال بس زحمة شديدة جدا و البضاعة قربت تخلص
نتيجة لحظر التجول و قلق الناس
المصدر واحد جاري في التجمع الخامس