رد: عضو جديد
 

رد: عضو جديد
 

اهلا اهلا بيك يا باشا نورت مصر موتورز ptmnlo123per122

رد: عضو جديد
 

السلام عليكم
متشكر جدا والله يا شباب على الاستقبال الجميل ده
انا حسيت انى فى مصر بين اهلى و ناسى بعد ما شفت ردودكم الحلوة
ان شاء الله نكون اصدقاء داخل و خارج المنتدى و انا اللى اكون عند حسن ظنكم

بالنسبة للأستاذ سمسم للاسف أنا مش فى قطر أنا فى الكويت
بس عادى يا باشا ,, النت بيقرب كل بعيد

رد: عضو جديد
 

اهلا بيك يا باشا اعتبر نفسك فى بيتك واحنا اخواتك

انا ابو نورا (وائل مجدى) انا لسه مقيم فى مصر (على اعتبار ان شكل الناس كلها هتهج برة مصر )

لو محتاج اى حاجة من مصر كلنا تحت امرك وطمنا عليك عامل ايه فى الحياة برة والعربيات عندك عاملة ايه وانت عامل ايه مع عربيات الكويت

رد: عضو جديد
 

يا ريس منور المنتدى و اى حاجه هاتحتاجها فى اى مجال مش لازم العربيات بس هتلاقى اخواتك فى الخدمه

رد: عضو جديد
 

الف شكر يا رجالة مرة تانية على الترحيب الجميل ده

رجالة و طول عمر ولادك يا بلدنا رجالة ptmnlo123per171
و بالنسبة لأبو نورا ربنا يخليهالك يا رب و يبارك لك فيهاو تفرح بيها ان شاء الله
الحياة برة يمكن اريح من مصر شوية بالنسبة للفلوس دطبعا قبل الجواز
اما بعد الجواز و الخلف فا جوا مصر و برا مصر كله خراب بيوت :) ربنا يعيننا جميعا
اما عربيات الكويت فهى بصراحة حاجة تتعب
فى مصر مثلا لما الواحد بيشوف الجاجوار بيضرب لها تعظيم سلام ... هنا عددها اكتر من عدد القطط و الكلاب اللى فى الشوارع :)
هنا العربيات ارخص من مصر طبعا بس مش زى مصر تحب تبيع العربية تجيب لك فلوس.. هنا لما تحب تبيع العربية مش هتجيب لك حاجة
يعنى مثلا لو جبت اودى A8 تمنها 40 الف دينار يعنى 800 الف جنيه( اقل من نص تمنها فى مصر) لما تيجى تبيعها بعد 5 سنين مش هتجيب لك 100 الف جنيه (5 الاف دينار)
فا احنا بقى بنستغل الفرص و نركب احسن عربيات بس بنجيبها مستعملة لو غالية قوى و هى جديدة :)
و هنا تقدير العربيات مختلف ,,, اكتر عربيات محبوبة هنا و ماسكة سعرها هى تويوتا مع انى بكره التويوتا كلها بعد ما جربت اسوق كتير منها.. اما الالمانى هنا مثلا مش واخد نفس النتشار و فيه عربيات مش واخده حقها هنا خالص
زى البيجو و الفولفو و اوبل.
هنا بتشوف العربيات الجديدة فى الشارع الأول و بعدين ممكن تشوفها على النت
يعنى من العربيات الموجودة هنا عادى و بشوفها فى الشارع على طول و اللى كنت بسمع عنها بس
maybach
lamorghini glardo, murcelago
mercedes slr
ferrari all types
porsche all types
bmw m5
bmw m6
bmw alpina all types
rolls roys phantom
bently
maserati
bugati veyron 16.4
ccx (forum logo)
pagani zonda
porsche carerra gt
austin martin
audi r8
بص يعنى كل اللى كنا بنسمع عنه و نشوفه فى الافلام .... الشارع هنا معرض عربيات متنقل
انا ماذكرتش طبعا غير العربيات السوبر يعنى مثلا الهمر و الطوارق و ال اكس 5 هنا مش عربيات جامدة ولا حاجة ... عربيات عادية جدا

و ربنا يعينا و يعينكم جميعا يا رب

رد: عضو جديد
 

اهلا و سهلا بيك فى مصر موتورز ...
ويارب تحس معانا بانك عايش فى بلدك
وياريت تقولنا اسمك الحقيقى اية ..؟
احنا هنا بنشوفها فى النت ونستنى كام شهر كدة يمكن تنزل الاسواق .. وبنستنى علشان نشوفها فى الشارع مش نشترى طبعا