|
رد: صيانة اكسيل مانيوال 1500 cc
اقتباس:
وعليكم السلام ورحمة الله وبركاته اقتباس:
فعلا كده تمام اوى كتليين الاجرائات اللى هتعملها بقى انك تعود نفسك على الكشف على العربية اول بأول .. بس مش كل يوم تفتح الكبوت وتقعد تقيس فى الزيت وتزود ميه وكده .. حاكم انا عارفك موسوس هههههههه لا كل مثلا يومين او 3 نطمئن ع الميه فى القربة وكل اسبوع نقيس الزيت .. كده .. حاول تقف تسخن العربية مش اقل من 3 دقايق لو بقالها اكتر من 12 ساعة واقفة مثلا .. علشان تحافظ على الموتور .. اقتباس:
شوف يا سيدى ... ترموستات الكوعة ده وظيفته بتنحصر فى تسخين العربية بس .. بمعنى انك ول ما تدور العربية الصبح مثلا (وهى بارده) بتحتاج تقف تسخن فتره .. الترموستات ده بقى بيسرع عمليه التسخين دى .. وفكرته انه بيوقف دخول الميه للمكنه اثناء ما هى بارده وبيبدأ يفتح تدريجيا ويدخل ميه كل ما المكنه تسخن اكتر لغاية ما توصل للحرارة الطبيعية ... طبعا زى ما انت عارف الميكانيكية عندنا عباقرة عصرهم واوانهم (وانتا اكيد مش محتاج انى اقولك الحكاية دى ههههههه) .. فصاحبنا يقوم قايلك ايه .. "ده بتاع بلادها يا استاذ علشان عندهم الجو تلج لكن عندنا ملهوش لازمة علشان ميسخنلكش العربية ... طبعا كلام غير صحيح بالمرة كل مسمار فى العربية ليه وظيفة معينه ومفيش حاجة ملهاش لازمة ... ولكن عدم وجوده مش هيضرك فى اى حاجة غير انك هتسخن دقيقة ولا اتنين زياده كمان لانك من اول لحظة بتدور العربية دورة التبريد شغالة ... اقتباس:
زى ما اتفقنا فى التليفون ... وانت فاضى كده عدى على كام عفشجى وخليه يجرب وافهم وجهة نظره ... الصنايعى برضو هيكون ليه نظره عننا بالتاكيد لانه هيجرب بنفسه وهيسمع الاصوات وهو اللى هيفيدك بالتمام ... اقتباس:
ولا تحتار ولا حاجة يا عمنا .. الحمد لله الهم الكبير بتاع حكاية الموتور انزاح بدل ما كنت غرم فلوس ومشوار لبورسعيد عندنا .. ولو انى كان نفسى اشوفك بس تتعوض فى حاجة حلوة باذن الله .. وحكاية الفتيس دى مقدور عليها باذن الله والفتيس باذن الله مش هيزيد عن 600 او 700 جنية .. بسيطة متقلقش يعنى .... |
رد: صيانة اكسيل مانيوال 1500 cc
نورتى يا حس والله
ربنا يكرمك يا حبيبي وينور طريقك بقولك بالنسبة للفتيس لو طلع عيبه بلي افوره واغيره ولا برده الافضل يتغير وشكرا جزيلا |
رد: صيانة اكسيل مانيوال 1500 cc
السلام عليكم
لو جيبت فتيس اجيب بتاع اللانسر صفيه او بطه ولا يستحسن بتاع الاكسيل ولكم جزيل الشكر |
رد: صيانة اكسيل مانيوال 1500 cc
السلام عليكم
العربيه بتنتش منى اوقات ع الاول والاكتر ع التانى خصوصا لما بهدى فى الملفات واقرب للوقوف التام او شبه الوقوف واجى اطلع الاقي نتشه العربيه بتترج من ورا لادام وكانها هتبطل مش عارف ده من ظبطة رجلى فى الدبرياج والبنزين ولا من ايه علما بان برده اوقات الاقى العربيه ماشيه على سرعة 20 كم ع الثانى وتنتش برده وكانها هتبطل ولما بكون ماشي ع الثالث وبسرعة قليله اقل من سرعة الثالث المنطقيه لا تنتش ولا تفعل شئ ملاحظ وتسير بهدوء لحد ما تاخد سرعتها ولا اعالجها بالدبرياج انا عملت نص عمره للموتور ولكن هذه النتشه من قبل العمره واعانى حاليا من خشونة الفتيس نرجو الافاده ولكم جزيل الشكر والامتنان |
رد: صيانة اكسيل مانيوال 1500 cc
السلام عليكم
التسجيل قفل واشتغل لوحده والازاز اتقفل لوحده وانا ماشي بالعربيه وصوت صفاره سمعته فى السماعات وحتى بعد ما قفلت التسجيل (( بس مش تعليقة سنتر او انذار )) ده بيحصل على فترات متباعده جدا ما تفسيره ؟ علما بانى لديا وحدة رفع وسنتر وانذاروشغال على كاسيت وام بي ثري ولاعه ؟ ولكم جزيل الشكر |
رد: صيانة اكسيل مانيوال 1500 cc
30 لتر عملوا حوالى 200 كم داخل البلد
اكسيل 1500 مو 95 كربراتير بنزين 80 خارج من نص عمره وعندى حاليا خشونة فى الفتيس هل الاستهلاك منطقى ام عالى ويجب ظبطه؟وما سبل ضبطه؟ ولكم جزيل الشكر |
رد: صيانة اكسيل مانيوال 1500 cc
اقتباس:
أو خللى حد يجربها معاك للحكم صح على العربيه |
| الساعة الآن 01:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017