رد: تجربة الكيا نيو سيراتو - 1600 سى سى اوتوماتيك.
 

بالتأكيد التقييم ليس مطلق
والا كان كل الناس قيمو زي بعض بالظبط
لكن وجود معايير للتقييم او نموذج مثالي يعبر عن الحد الامثل optimum بتقرب المسافات ... بحيث نلاقي التقييمات متقاربه .. يعني تبص تلاقي الحكام مثلا بيدوا درجات قريبه من بعض .. لكن اكيد مش حيدو نفس الدرجه مع استبعاد اعلا و اقل درجه لتقليل معامل الخطاء
وفعلا في عناصر كتير بتتحكم في معايير التقييم
يعني معايير تقييم محرك الماروتي اكيد حتختلف عن موتور الفئه الخامسه
فكل فئه تتبع نفس المعايير
والا كل العربيات الصغيره الرخيصه حتاخد صفر و كل العربيات الكبيره حتاخد فول مارك

انت حاول ترجع بدري لأن كل مادا البروده حتزيد .. ده اذا مكنتش وصلت تحت الصفر حاليا ... روسيا بررررررررددد جدا ...


ومتنساش تحكي لنا عن العربيات هناك ... بس خلي بالك لو حاولت تصور ... لان العربيات الفاخره هناك تقلق من اصحابها و حراسهم
ترجع بالسلامه ان شاء الله ...

رد: تجربة الكيا نيو سيراتو - 1600 سى سى اوتوماتيك.
 

مع احترامي لاسلوبك اللي حاولت ان تتسم فيه بالاحترافيه و لكنه اولا و اخيرا يعبر عن رأيك الشخصي القابل للصواب و الخطأ!
انا اؤيدك و بشده ان الخامات الداخليه في الصالون رديئه جدا بطريقة انا نفسي استغربت منها لأن الموديل الشكل القديم كان خاماته افضل! دا حتى الفيرنا خاماتها افضل
التابلوه شكله حلو و رياضي و لكن الخامات فعلا افسدت جماله
الشكل الخارجي مقتبس بالكامل من الهوندا سيتي مع فروقات طفيفه و ممكن تقارن الاتنين
انا اول ما العربيه نزلت عجبني التصميم الخارجي جدا و هوا بينتمي الى التصميمات الثوريه اللي بتعتمد على الكمبيوتر في التصميم مش زي العربيات الايطاليه اللي بيتم تصميمها على يد فنانين و مصممين محترفين تشعر بشخصيه متفرده لكل عربيه يتم تصميمها
الموتور ملائم و لكن طبعا محرك 2000 كان يبقى افضل بس مين حيشتريها لما تتباع ب 250 الف
الوزن ميزه للثبات مع انه اثر على الاداء و اللي عايز اداء يشتري الكوبيه

العفشه ناشفه بس الفرامل كويسه!

شكرا على الموضوع و ارجو تقبل التعليق

رد: تجربة الكيا نيو سيراتو - 1600 سى سى اوتوماتيك.
 

انا خدت كام صورة بالفعل, بس لسه مخدتش للسيارات و عموما السيارات الفاخرة قليلة جدا هنا, و انا فى "تيفير" و دى مدينة صغيرة مش فى موسكو عشان كده معظم السيارات من الفئة المتوسطة لكنها متنوعة جدا.
الجو فعلا بقى تحت الصفر حاليا الحرارة بتتراوح بين 0 و -5 تحت الصفر, ربنا يستر.
و أحلى حاجة مفيش سيراتو كتير هنا 444546

رد: تجربة الكيا نيو سيراتو - 1600 سى سى اوتوماتيك.
 

صحيح ايه اكتر نوع عربيات منتشر في روسيا (غير العربيات الروسي طبعا )

رد: تجربة الكيا نيو سيراتو - 1600 سى سى اوتوماتيك.
 

هو الروسى طبعا اللادا و الفولجا ليهم الأغلبية العظمى فى روسيا, و اللادا هى السيارة الوحيدة اللى ممكن تشوفها مرتين فى مشوارك بلا مبالغة,
اما البقية فانها متنوعة جدا لدرجة اننى لم ارى سيارتين من نوع واحد فى نفس المشوار أبدا فروسيا فيها كل انواع و ماركات السيارات.
بس الغلبة العظمى للسيارات الأوروبية خاصة الفورد منتشرة جدا لاسميا الفورد "فوزيون", و برضو الفولكس فاجن باسات, و البيجو بمختلف انواعها و الرينو (خاصة الميجان).
و الباقى بنسب متوسطة و متساوية تقريبا زى فيات و سيتروين و شفروليه و هيونداى (خاصة الجيتز) و الميتسوبيشى (خاصة اللانسر).
و عموما عدد السيارات الأسيوية قليل جدا مقارنة بالسيارات الأوروبية لكن السيارة الأسيوية الأكثر نجاحا هنا هى الهيونداى جيتز.