مصر موتورز مجتمع السيارات - ارشيف الاستراحة 2011

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2011 (https://www.masrmotors.com/vb/showthread.php?t=44838)

رد: على الحياد

انا عاوز ان الرئيس يكمل المدة بتاعتو علشان تعديلات الدستور
ويقعد فى بلدو معزز مكرم رئيس جمهورية سابق

رد: على الحياد

معاكم في الراي ... بس نفسي اللي هربوا وقدموا استقالتهم في الحزب والفاسدين في الوزاره السابقه يتحاكموا ..

رد: يااااااااااااااه ده انتوا وحشتونى اوى

تحياتي لكل اعضاء مصر موتور ولبيتي الغالي

علي قد ما الواحد عرف قد اي بيحب مصر موتورز علي قد ما عرف قد اي وطنا الاكبر مصرنا الغاليه عزيزه علينا
عن نفسي الواحد انضرب عليه نار بعدد مهول ومع ذلك متحركش و فعلا حسيت قد اي بحبها و اضحي بعمري فداها وفدا ناسي و اهلي

علي الرغم من صعوبه الامر الي احنا فيه علي قد ما عرفنا ازاي نجمع ايدينا علي بعض و يارب المظاهرات تهدي و تنتهي و نطلع من الموضوع بفوائد و كفايه خراب وكفايه خساره

عوده حميدهو بدايه بعون الله مشرقه من نهايه مؤلمه

تحياتي ليك يا كومي

رد: على الحياد

- انا ارى ان وجودة - مع وعدة بعدم الترشح - مقبول وان كان الثمن غاااااااااالى جدا ً من دم الشهداء
- عملا ً بقول القائل " ارحموا عزيز قوم زل " وهذا رمز للبلد
- الانتظار على الوازرة الحالية لامكانية تقيمها بدقة وميدان التحرير ليس ببعيد
- حل مجلس الشعب وعمل انتخابات يشرف عليها القضاء اشراف كامل وانا على يقين ان تلك الانتفاضة الشعبية لها دور
- يجب محاسبة المتسبب فى الفراغ الامنى والانفلات والمتسبب فى انسحاب رجال الشرطة من الساحة لان رجال الشرطة سقطوا من نظرى و نظر الكثيرين
- متابعة ومعاقبة المتسبب فى هروب او بمعنى ادق تهريب المساجين
- وهذة وجهه نظرى حتى الآن لاحتمال تغير امور كثيرة على الساحة

رد: يااااااااااااااه ده انتوا وحشتونى اوى

اقتباس:

المشاركة الأصلية كتبت بواسطة hazem_khidr (المشاركة 349641)

و الله يا كومي نفس الشعور
المنتدي و اعضائه وحشوني اوي
كنت كل شويه ادخل علي الكمبيوتر و اشوف النت جه و لا لاء
و اول ما فتح كان مصر موتورز اول حاجه افتحها
عاش مصر موتورز عاش

والله يا حازم باشا انا كنت معسكر فى الشارع وضرب النار جنبى من كل حته بس ربنا سترها.

اقتباس:

المشاركة الأصلية كتبت بواسطة mido-spicy (المشاركة 349645)

طبعا يا كومى ..
عارف بالرغم من انى كنت فرحان لانى كنت مبلطج ومش بروح الشغل الا انى كنت متضايق جدا لانى ماكنتش مستثمر الوقت دا فى انى اقعد على المنتدى..
بس تفتكروا ان لو المنتدى كان شغال كنا هنسيب شوارعنا ومصالحنا فاضيه ونقعد على النت
اعتقد اننا ماتفرقناش ولا حاجه وان كل اعضاء المنتدى كانوا بيتقابلوا كل يوم بس فى الشارع ..
اتقابلنا فى حب البلد .. اتقابلنا فى حماية وطنا من المخربين .. اتقابلنا فى ارائنا اللى فيها مصلحة البلد..
وحمد لله على السلامه لكل اعضاء المنتدى

فعلا عندك حق والله بس بيتهيألى كان لازم هيكون فى ناس هيدخلوا على المنتدى على الاقل فترة النهار اللى ما كناش بنعمل حاجة فيها غير الفرجة على الجزيرة والعربية وحرقة الدم.

اقتباس:

المشاركة الأصلية كتبت بواسطة corsair (المشاركة 349675)

كومي باشا عميد الفيرناوية الاول والله يا كبير انتا اللي واحشتنا وكل اهل طنطا وربنا ما يحرمنا من بعض تاني ويجمعنا دايما في الخير

حبيب قلبى والله وكان نفسى يلموا الصينى فى الهوجة دى بس عدوا المرة دى يلا ,

اخبار فيرنتك ايه مشاركتش بيها فى الظاهرات ولا اللجان الشعبية , انا منيم فيرنتى خالص

اقتباس:

المشاركة الأصلية كتبت بواسطة nktis (المشاركة 349679)

فعلا الواحد عرف قيمه المنتدي في الفتره اللي فاتت
الواحد اتفحت لعب لما مل

مش كدة والنبى , بس للأسف انا كنت شغال عادى علشان انا شغلى من ضمن المصالح الخدمية التى لا تأخذ أجازات

رد: يااااااااااااااه ده انتوا وحشتونى اوى

اقتباس:

المشاركة الأصلية كتبت بواسطة aboelesaad (المشاركة 349774)

اما انت بقى مين اللى ضرب عليك نار ده شاورلى عليه علشان اعرفه ازاى بعد كده لما ينشن لازم يصيب الهدف اللى هو العربية طبعا ههههههههههههه:crazyW14:

انا مش عارف سابوا الصينى ليه

رد: يااااااااااااااه ده انتوا وحشتونى اوى

دايما سباق ب الخيريا كومى كل مصر واحشانا ترجع لنا ب السلامه مصر مصر مصر بحبك بحبك بحبك