|
|
رد: "يوم الغضب".
يا جماعة أنا لسه متعلق هنا في باريس و خلاص أعصابي باظت و بطني اتقلبت كل ما اكلم مراتي ألاقيها هتعيط و أولادي خايفين و تقولي كل شوية نسمع ضرب نار و بلطجية و رجالة العمارة و الشارع قاعدين طول الليل في الشارع بيحموه و دخلت عربية المنطقة ،، الجامع نده علي الناس ،،، الناس راحت الجامع و هيا بتهتف الله أكبر ،، الله أكبر و طاردوا العربية لحد ما خرجت و الجامع مش بيقفل و الناس قاعده فيه ملحوظة ده في منطقة هادية نسبيا ،،، النزهة الجديدة أسرتي مش عارف هيعملوا أيه بعد ما الأكل يخلص في البيت و مفيش محلات فاتحة أو الفلوس تخلص و البنوك قافلة ،،، الفلوس مش مشكلة ،،، بس مشكلة المحلات و الأكل و الشرب إختلافي الوحيد معاها ،، إنها مش مقتنعة خالص إن ده بترتيب من الأمن أو علي الأقل جزء منه عشان لينا قرايب كتير ضباط شرطة ،،، واحد منهم اتخطف ،، و التاني قسمه اتحرق و واقف مع الناس في الشارع بتاعه يحميه أنا عايز ارجع مصر بأي طريقة ،،، اقتباس:
يا أ / شريف ،،، الناس دي أنا مقتنع تماما إنهم من فلول الداخلية الموضوع مش منطقي و التزامن اللحظي ما بين اختفاء الشرطة و ظهور سيارات و موتسكيلات الارهابيين غير منطقي أكيد طبعا فيه نسبة من الغوغاء و العشوائيات بس الموضوع بتنظيم تام من الدولة ،،، |
رد: "يوم الغضب".
ربنا يطمنك على اولادك يا احمد حاول ان تهدىء من روعهم وليعلموا ان الامر لن يستمر طويلا على هذا النهج. النهاية قادمة للطغاة الذين ارادوها نارا لا تهداء ولكى يعلم الشعب المصري انة لا غنى عن الشرطة!!(يعنى عاوزين يأدبوا الشعب)) .. ولكنى اثق فى المصريين وهم قادرين على حماية بلدهم كما اثق انهم يفهمون جيدا ما يقصدة النظام من جراء مايحدث!! |
رد: "يوم الغضب".
في الرحاب اللي المفروض تبقى مدينه مقفوله
البلطجيه كتير دخلوها حسب ما سمعت من قرابينا هناك ..بالرغم من وجود دبابات على الابواب ..!!! والرجال كلهم نزلو عشان بالعصيان بس مش قادرين عليهم وكل شوية تسمع صوت ناس وستات بتصوت بيخشو البيوت ياخدو اللي فيها ويطلعو ...والله حرام اللي بيحصل الحاجات دي بقه جت على التلفزيون دخلو هايبر وخدو حتى التلاجات دخلو كارفور وبقى على الارض .. حاجه كده الحره وشلحوها بالخليجي ... المحلات بقت على الرفوف وبس وتكسره محلات اديداس اتنهبت ..هتلاقي مصر كلها بتعلب بكور اديداس ولبس اديداس:crazyW14: |
رد: "يوم الغضب".
اقتباس:
و الوضع هادئ علي عكس ما يشاع و حتي واجهات مولات شارع التسعين الزجاجية لم يحصل لها شئ و السوبر ماركت شغال بس زحمة شديدة جدا و البضاعة قربت تخلص نتيجة لحظر التجول و قلق الناس المصدر واحد جاري في التجمع الخامس |
رد: "يوم الغضب".
ربنا يطمنك يا احمد على اهلك واولادك وترجع ليهم بالف سلامه
|
| الساعة الآن 06:12 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017