مصر موتورز مجتمع السيارات - رابطة ملاك ومحبى السفينه فيات 132

ايهيا جماعه الرابطة نامت ليه اصحي ياعم انت وهو
وانت ياعم قاضي انت واحمد صلوا علي النبي وحصل خير
هو علشان الواحد مشغول انتم كمان تنفضوا للرابطه ده ينفع
طيب ايه رأيكو كل واحد يعرض اخر اخبار سفينته
انا هبدأ
المقروض فاضل علي غيار الزيت 3500 كم وعلي سير الكاتينه والدينامو حوالي 4000 ودول هيخلصوا علي اول الشهر اللي جاي وطبعا نفسي اغير بيكات الكربراتير علشان العربيه محسساني اني راكب جيب 5700 سي سي من استهلاك البنزين وهشام فاضل يجيلي ياخد العربيه يغير البيكات من كتر محايلته عليا نغير البيكات
يعني الشهر اللي جاي حفلة مصاريف للعربيه
زيت وفلتر وابرو 140 جنيه
سير كاتينه 90 جنيه
سير دينامو 10 جنيه
تيل فرامل امامي 30 جنيه
بيكات كربراتير 10
مصنعية ميكانيكي 50ج
لو حابين تساهمو معايا انا موافق واخليكو تتصوروا جنبها
وفينك ياعم مصطفي حاول تودي عربيتك لحد بتاع عدادات تاني قبل ماتفك الفتيس
SLAMSLAMSLAM

mOuStaFa_ERTU

10-12-2012 08:23 PM

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة أيمن الروبي (المشاركة 813654)

الله يعينك والفيس بقه اسهل بس مش تنفيض والله
وبعدين انت هتساهم فى موضوع العدادت ده بنسبه كبيره

ahmed_sadek

10-12-2012 08:58 PM

رد: رابطة ملاك ومحبى السفينه فيات 132

استفسار صغير يا رابطة 132
هو العربية اللانوس مفيهاش تاكيهات
أصل النهارده كنت مع واحد صديقي في مشوار وبعدين فيه صوت ترزيع بتاع التاكيهات (عارفينه طبعاً) ورحنا للميكانيكي بعد المشوار فقالنا إن العربية ديه فيها حاجه اسمها سيتوكات (حاجه زي كده يعني تقريباً) نفس شغل التاكيهات وديه بتتغير كلها عشان الصوت يروح إيه رأيكم في الموضوع ده

Hisham.Elgazzar

10-12-2012 10:28 PM

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة ahmed_sadek (المشاركة 813824)

تحب أقولك لا تعليق :CHUBBY~36:
انا عاوز منك إعتزار رسمى لما بدر منك في حقنا وبالأخص محمد القاضى

اللانوس تاكيهاتها بلوف بيتغير الطقم كله ب 350 جنيه على ما اتزكر وبعدها الصوت بيروح لكن بيختفى خالص بعد اول غيار زيت

ahmed_sadek

11-12-2012 07:16 PM

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة Hisham.Elgazzar (المشاركة 813870)

أنا حاسس إني قاعد في قصر الاتحادية
ممكن ننشر الاعتذار الرسمي في الجريدة الرسمية
عموماً إحنا كلنا أخواني (مش الإخوان بتوع المرشد) وربنا يوفق مصر ويطلعها من الكابوس اللي هيه فيه

scorpy87

12-12-2012 03:28 AM

رد: رابطة ملاك ومحبى السفينه فيات 132

السلام عليكم
سؤال يا ريت لو حد يعرف يجاوبلي عليه
براويز الشبابيك النيكل بتاعت الابواب لعربيه 132 s 1600cc منين تتجاب لان السمكري منه لله خربهم وهوه بيعمل العمره وانا دايخ عليهم في اسكندريه مش لاقيهم

أيمن الروبي

12-12-2012 10:51 AM

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة scorpy87 (المشاركة 814615)

هتلاقيهم في القاهره عزبة شلبي او الوكاله بس المشكله بقي ان في حد يرضي يفكهملك من الابواب لأن الواضح من كلام حضرتك انه السمكري بوظ النيكل بتاع الاربع ابواب
وعلي فكره ده سمكري معندوش ضمير انه يعمل حاجه كده

الساعة الآن 09:56 AM.

صفحة 238 من 269