مصر موتورز مجتمع السيارات - رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة dr_marwa (المشاركة 689105)

السلام عليكم:wave2W21:
انا لسه مشتركه النهارده فى الموقع بس التوبيك عجبنى جداا..بجد جهد غير عادى
طيب يا فندم انا لسه جديده فى الموضوع دا ومش بفهم قووى فى العربيات..
عاوزه عربيه فى حدود 25 عايزاها شيك مش قديمه يعنى قى شكلها..وسهله فى سواقتها وتستحمل لانى لسه مش بعرف اسوق عاوزه اتعلم عليها..
وكمان مش تخسر كتير لو عوزت اغيرها ..
انا معروض على دلوقتى..
1-سكودا فيليشيا
2-تويوتا كورولا موديل 84
3-اوبل كورسا
حاجه فيهم كويسه ولا اصبر شويه..مفروض انى اروح اشوفهم بكره باذن الله..بس لسه ما اعرفش الاسعار بتاعتهم هتكون كام ..؟؟:thinkW19:

اوك تمام

السكودا فيليشيا بلاش
لانها عربيه تقيله شويه
و مشكله الحراره اللى فيها

و كل شويه لازم هتروحى للميكانيكى
بالنسبه للكورولا موديل 84 بلاش
لانها عربيه قديمه

و بالتالى قطع غيار نادره و لو موجوده هتبقى غاليه

كمان انتشارها مش قد كده
غير كده لازم هتروحى كل شويه برده للميكانيكى

بالنسبه للاوبل كورسا
المبلغ قليل على العربيه

و لو لاقيتى اوبل كورسابالمبلغ ده

هكون حاله مش كويسه
و محتاجه شوية شغل

--------------------------------------

بس انا كونت عاوز ارشح لحضرتك
موديلات ممكن تعجب سعادتك

--------------------

عندك
سوزوكى ماروتى موديل 2002 - 2005
الشكل الجديد ( نفس شكل موديل 2012 )

عربيه كويسه
سعر اعادة البيع كويس

لما تفكرى تبيعيها هتتباع على طول

صيانتها سهله
موديل حديث

اى واحد يعرف يشتغل فيها

قطع غيار متوفره و رخيصه

* عندك كمان سيتى سبريت ( سوزوكى ماروتى صينى التقليد)

موديل 2007 - 2008
و دى عن تجربه عربيه احسن كمان من الماروتى
نفس قطع غيار الماروتى

حتى الفوانيس زيها

* عندك كمان دايو ماتيز موديل 98 - 99

عربيه ممتازه جدا جدا برده

* عندك كمان شيرى
qq
موديل 2005 تقليد الدايو ماتيز
برده عربيه كويسه

عندك كمان جيلى فروته موديل 2005
عربيه جميله برده

كده ده االلى متوفر بالتمن دع و موديلات كويسه

و اى استفسار انا تحت امر سعادتك

و تقبلوا تحياتى