مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة aboelesaad (المشاركة 347713)

انت قد الكلمه دي ............؟؟؟؟

عموما انا مبنكرش ان الفرنا عربيه سحبها سريع جدا و الي بيخليها كده ان وزنها خفيف جدا بالمقارنه لموتورها غير ان مواتير الكوري بتتميز بسرعه السحب و ده بيجي علي حساب طبعا ثبات الموتور علي السرعات العاليه غير انها معدومه الامان فوق ال 120 فوق ده كلو بتعوم بغباااااء و بشعه التحكم في الدركسيون علي السرعات العاليه بالاضافه لعدم وجود عفشه اسبور ولا نظام تعليق متطور

يبقي الحسنه الوحديه هو زمن الوصول لل 120 وبسسسسسسسسس

متتكلمش كتير بقي ........ يعني لو عايز اعلم علي كل عربيه فرنا هعلم عليها ومش بس بالام 11 ......... وانا قد الكلام الي بقوله بس بشرط وحيد
يكون مكان السباق كيلو متر واحد و فيه منحني واحد يكشف قدراه العربيه علي المناوره
يعني اختبار علي حق مش نفصلها اختبار ليها مخصوص و نقول عربيه محصلتش

خليك واقعي ياباشا

معلومه توضيحيه " انا مش مع اساسا مبدأ التعليم علي بعض لاننا مش بحلبه تنافس ولا جايبين العربيات عشان نتنافس احنا بنتكلم للاهزار مش اكتر وحتي لو اتنفزت لازم نحط في دماغنا احنا بنفرفش ولا هناخد حاجه اما نفوز علي بعض خلي الموضوع فكاهي اكتر ما هو تنافسي "

إلى حبيبى ابو الاسعاد

يادى العفشة الاسبور اللى انت ماسكهالنا, يا ابنى مفيش عندنا عربية فيها عفشة سبور زى الناس الكلام ده برة مش فى مصر,
وبعدين انا مستعد اطلع معاك فى طريق مفتوح وملفات وحفر وكبارى وكل اللى انت عايزه لو عايزنا نتشقلب برضو انا معاك ,لأن انا عارف العربية اللى معايا وكونك انت ركبت عربية او عربيتين مع ناس صحابك فأنا معرفش حالة العربيات دى ايه علشان تقول بتعوم .
هى مركب يا ابو الاسعاد ولا ايه ههههههههه, وبعدين فى 100 سبب لعومان اى عربية غير انها خفيفة ممكن تكون الزوايا مش مظبوطة ,ممكن يكون الكاوتش الامامى مقاسه مش مظبوط, او واخد هوا زيادة, ممكن نوع الكاوتش وحش ودى حصلت معايا شخصيا, ممكن جلبة مقص مبوشة, ممكن العربية تكون واخدة خبطة من تحت او من فوق ومتعدلتش صح,
ممكن المساعدين, ممكن..................... فى مليون سبب بس الاكيد ان العربية دى بتطلع من اى عربية.
وبعدين فى حتة الملفات يعنى انت عايز تفهمنى ان طبقك الصينى قصدى عربيتك او اى عربية خلقها ربنا لو خدت بيها ملف او منحنى وانت ماشى 170 180 هيبقى ثباتها زى 100 120 ليه ان شاء الله فيها مغناطيس ولا ايه,
وبعدين مش عايزين كلام كتير انت مش إتعلم عليك بعربيتك ال 1.6 موديل 2010 من عربيتى ال 1.5 موديل 2006 على مرأى ومسمع من الجميع يبقى خلاص بقى يا ابو الاسعاد عادى يعنى وده الطبيعى من الكورى ادام الصينى.

وبعدين ادينا هنشوف يوم الجمعة بس عايزكوا كلكوا تتجمعوا عشان الصورة تبقى كاملة
( أطباق - فناجيل - مجات ) وكده يعنى وانا يا عم هدية منى انا هجيب البريل من عندى عشان والشطف والذى منه:crazyW14: لأنكوا هتتعفروا من تراب الفيرنات.

وأخيرا تحياتى ليك يا حبيب قلبى ورفيق التنظيم للمقابلة الجميلة ومعليش انا اليومين دول مشغول لشوشتى والله حتى مش عارف اتصل بيك.GIFT4U