|
|
رد: مصر للتامين منهم لله ضيعوا حقى
اقتباس:
موضوع 140.000 كيلو الشركات كلها كدة يا استاذى دة نظام تامين و بيبقى فى استهلاك اكتر على السيارات التى تتتاجر او تعدى عدد الكيلو 40.000 فى العام وممكن تروح شركة اخرى و تسال حضرتك مش بتاجر العربية غيرك بياجر العربية و بيستغل شركة التامين استاذ ماجد بيطبق الشروط الى المفروض يفعلها لا دخل لة او لاى شخص فى قواعد الشركة مافيش شىء من دماغة شكرا ليك و تحت امرك فى اى استفسار |
عاجل . عايز أأمن على عربيتى . زيرو ولسه مستلمتهاش
السلام عليكم يا اعضاء المنتدى الكرام
إن شاء الله انا حجزت سيارة بروتون ساجا 2011 فى الاسكندرية وهستلمها لو شاء ربنا على يوم الثلاثاء القادم و احتمال ارخصها فى نفس اليوم او يوم الاربعاء وكنت عايز اظبط موضوع التامين ده قبل ما ابدأ فى التراخيص من فضلكم عايز اقتراحتكم . ايه افضل شركة تامين من حيث الاتى - سعر التامين - سرعة الاستجابة فى حالات الحوادث لا قدر الله - جدية سداد التامين وعدم المماطلة - ميكونش عندهم اى حوارات مستخبية - الصدق الصدق الصدق والامانه الامانه الامانه سعر السيارة 72900 جنيه موديل : 2011 زيرو لسه عند الوكيل فى انتظار الردود والعروض |
رد: عاجل . عايز أأمن على عربيتى . زيرو ولسه مستلمتهاش
اقتباس:
اولا اهلا بيك يا استاذ هيثم معانا في المنتدي والف مبروك مقدما علي العربية وربنا يديك خيرها ويكفيك شرها بالنسبة لموضوع التأمين متتعبش نفسك مفيش شركة تامين في مصر كامله من كله لازم تلاقي فيها تاخيرت في صرف التعويضات والشيكات والكلام ده انا عن نفسي امنت في شركتين مره في كونتكت سنة واتخنقت منهم لانهم ذلوني علي مشكله حصلت معايا ومن ساعتها رفضت اني اكمل معاهم وبقالي سنتين لحد دلوقتي مأمن في شركة قناة السويس لاني لما دورت لقتها شركة كبيرة وسعرها جميل جدا بس انا مجربتش معاها اي مشكلة وربنا يبعد عننا المشاكل انا مأمن بنسبة تحمل 4 في الالف يعني علي كل الف جنيه في العربية بدفع 4 جنيه يعني لو تمن العربية 72000 هتدفع عند كل مشكله لا قدر الله وربنا يبعد عنك اي مكروه هتدفع مبلغ ثابت 288 جنيه بس بتوفر معاك بتاع 1000 جنيه في مبلغ اللي بدون تحمل وكمان بيدوني وثيقة تأمين علي الحياة مجانية وديه خدمة جميلة جدا انا مشوفتهاش في كونتكت وربنا يوفقك لما فيه الخير وربنا يديك خيرها ويكفيك شرها اخوك احمد ممدوح |
رد: عاجل . عايز أأمن على عربيتى . زيرو ولسه مستلمتهاش
شكرا يا باشا على مرورك الكريم و فى انتظار بقية الاراء
ما خاب من استخار ولا ندم من استشار |
رد: عاجل . عايز أأمن على عربيتى . زيرو ولسه مستلمتهاش
ربنا يوفقك لما فيه الخير
|
رد: عاجل . عايز أأمن على عربيتى . زيرو ولسه مستلمتهاش
السلام عليكم السعر بتحمل 4 فى الالف 2550 جنية و نسبة التامين ال3.5% هاتفضل سارية لمدة 5 سنوات يعنى هاتفضل نسبة ال3.5% معاك لمدة 5 سنوات و دة فى كل حادث تدفع 290 جنية
بدون تحمل النسبة 4.25% يعنى 3000 جنية و النسبة هاتفضل معاك لمدة 5 سنوات السعر شامل مصاريف الاصدار و الضريبة |
رد: عاجل . عايز أأمن على عربيتى . زيرو ولسه مستلمتهاش
هيه مش المفروض النسبة بتقل يا استاذ عمرو كل سنة في حالة عدم المطالبة ولا ايه
|
| الساعة الآن 12:41 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017