مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة powerofdream (المشاركة 384360)

هو في حاجة PL اسمها في العربية

انا حاسس انك بتختبرنا مش عارف ليه
ال PL ده اختصار لحاجة فياريت قول هيا مكتوبة فين او خاصة بايه واكيد ل حد يعرفها مش هيقولك لأ

السؤال اللي انت كنت سألت عليه قبل كده
اي عربية مظبوط السلانسية بتاعها لو اخدت غيار على الاول وسيبته من غير ما تدوس بنزين العربية هتتحرك لكن نسبة التحرك مع الغيار هتبقى على حسب نوع العربية وضبطة السلانسية بتاعها لو عالي هتمشي كويس لو واطية هتمشي قليل او مش هتمشي خالص وتبرجل وتفصل

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة _amr.mostafa_ (المشاركة 384285)

انا اكبر مشكلة في حياتي ابعاد العربية

قعدت اركن نص ساعه وعايش الدور وبرجع ربع متر واعمل بعد ما نزلت لقيت انو 20 متر فاضية:crazyW14:

انت الحل فيك ان دكتور مصطفي يحرمك من اي حاجة ليها اربع كاوتش ودركسيون وبنزين وفرامل خااااااااالص

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة 3bd0 (المشاركة 384258)

تسلم يا باشا
بس ده معناه ان مافيش فرق كبير في كلامنا اللي فات، سواءا كان قصدنا على التيربو أو السوبر تشارجر، هيا هيا مش هاتفرق، لأن المحصلة واحدة في النهاية
بس ليه مصانع العربيات ما بتتعاملش إلا مع التيربو؟ دايما أشوف ان العربية جيا من المصنع عليها تيربو بس عمري ما شفت عربية جية من المصنع عليها سوبر تشارجر
هل السوبر تشارجر بيضر أكتر من التيربو عشان موضوع انو بيبقى متوصل ببكرة الكرنك ؟

قعدت اشرح في الكلمتين دول يجي نص ساعه وبعد ما خلصت شرح النت فصل والكمبيوتر هنج في لحظة واحده ونفسي اتسدت وعليه العوض في اللي كتبته بقى
:fun_36_1_26[1]:

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة sad-bird (المشاركة 384380)

ههههههههههههههه
ولا يهمك يا باشا، اعتبر المعلومة وصلت

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 384251)

ده كلام جامد جدا
شكرا على ال LINK :)

العفو تحت امرك

اديني بتعلم معاكي

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة sad-bird (المشاركة 384378)

انت الحل فيك ان دكتور مصطفي يحرمك من اي حاجة ليها اربع كاوتش ودركسيون وبنزين وفرامل خااااااااالص

ما حد يا جماعه يوقف الراجل اللي بيقطع علينا الرزق ...ده .444546

رد: اسئله المبتدئين ..عفوا ممنوع الفتى :)))

ازاي تدور العربية لما تكون البطارية نايمة

1. تراجع القواطيش كويس يمكن يكون فيها حاجة مش ملمسة كويس قبل ما تفرك في الزق
2. تحط المفتاح وتفتح الكونتاكت
3. تمور العربية
4. تبحث عن 10 رجاله عتاوله يزقوك ( باعتبار انك راكب عربية نقل نصر مثلا ) ده لو لقيت حد يعبرك اصلا
5. من الافضل تبص على اتجاه ميل الطريق اللي انت عليه لو امكن يكون الميل في صالح اتجاه السيارة علشان مش تزهق ال10 رجالة اللي معاه
6. زق زق لما تحس ان العربية اخدت سرعة مناسبة 5 -10 كيلو في الساعه مثلا تروح واخد غيار على الثاني وسايب دبرياج مرة واحده
7. لو العربية لقطت معاك افصل دبرياج ودوس فرامل واصبر لما البطارية تشحن وخليك مشعر شوية بنزين لحسن الاكسلاتير يكون بيفصل وتحتاج تزق تاني
8. لو العربية ملقتطش كرر الخطوات 6-7 تاني بس اوعى تكررها كتير الناس اللي معاه تزهق منك وتقوم على العربية تكسرهالك
9. تروح في نفس اليوم او تاني يوم ويفضل في نفس التوقيت لاقرب كهربائي يراجع البطارية ومجموعة الشحن ويشوف المشكلة فيه

ملحوظة
الكلام ده للعربيات المانيوال
لكن لو العربيةاوتوماتيك
اركن العربية على اقرب رصيف واتصل بمركز الخدمة يجيلك وبالهناء والشفاء 150 جنية جر العربية
( الله يمسيك بالخير يا احمد يا بدر ويفرج همك وهمنا جميعا )

طبعا فيه حل تاني وهو انك تكون عامل حسابك لحركات قله الاصل دي ويكون معاك وصلة تاخد من عربية تانية ( ده لو حد وقفلك برضه ) وتدور وتمشي والكلام ده في الحالتين المانيوال والاتوماتيك بس طبعا لان اصحاب الاتوماتيك غلابة ومساكين ومحتاسين في عربياتهم ولازم لهم الوصلة دي