مصر موتورز مجتمع السيارات - تجربة الكيا نيو سيراتو

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - تجربة الكيا نيو سيراتو - 1600 سى سى اوتوماتيك. (https://www.masrmotors.com/vb/showthread.php?t=33240)

رد: تجربة الكيا نيو سيراتو - 1600 سى سى اوتوماتيك.

اقتباس:

المشاركة الأصلية كتبت بواسطة engmish (المشاركة 289389)

شكرا لحضرتك، وأنا فعلا هشوف الإثنين وأقارن بينهم، بس لو اخترت أي واحدة هتكون أكيد كويسة؟ بمعنى إن هل الإثنين بنفس الاعتمادية والجودة؟

الالماني مشهور باعتماديته وجودته عن سائر الاوروبي ..
الفرنساوي تقنيته عاليه لكن تسبق اعتماديته
الايطالي جمال التصميم يغلب على الاعتماديه .. لكن افضل مواتير
الانجليزي .... هو فين ؟؟!!
اتفرق على المانيا و الهند وماليزيا !!!

عموما علشان منزعلش حد
حضرتك ادخل قسم سيات وبيجو ودور على مشاركات عن اي مشاكل في الموديلات الجديده للاتنين .. وقارن :)

رد: تجربة الكيا نيو سيراتو - 1600 سى سى اوتوماتيك.

شكرا أخ sam ram، أنا فعلا دخلت على أقسام البيجو والسيات.
البيجو 308 لسة جديدة بس في ناس بتشكر فيها
السيات ألتيا لم أجد لها أثر

رد: تجربة الكيا نيو سيراتو - 1600 سى سى اوتوماتيك.

اقتباس:

اعرفه ان التقييم بيكون من خلال المقارنه (حتى لو كانت من خلال خبرات سابقه ) .. و علشان اعمل مقارنه لازم يكون فيه ثوابت للتقييم او معايير .. او نموذج للتقييم
دول حتى بيقولو درجات التقييم .. يعني ارقام !!
الالعاب الفرديه زي الجمباز و الغطس والفن زي الرقص الايقاعي او غيره
دا حتى اللوح الفنيه بيحطوا ليها معايير علشان يقدروا مدى جمالها او قيمتها الفنيه او تمنها !!!!
يعني باحساسك ممكن تقول على لوحه انها حلوه أو وحشه ..
لكن الاحساس عمره ما حيدي لوحه 9 من 10 !!!!
فلو عايز تقول ان عربيه ... اي عربيه .. وحشه ومش عاجباك انت حر طلما هو ده احساسك
لكن لما تيجي تقولي انا احساسي مديها 2 من 10 حرد عليك اقول ايه !!!!

التقييم ليس مطلقا,
التقييم نسبى, يعنى مقدرش اقيم عربية صغيرة بمحرك صغير زى الماروتى مثلا بنفس المعايير اللى بقيم بيها عربية عائلية بمحرك يعتبر ذو حجم جيد بالمقاييس المصرية على الأقل.
و برضو لازم ناخد فى الاعتبار سعر السيارة.
لو عربية مدمجة و صغيرة كان لها نفس التسارع هديها درجة أعلى بكثير, فالموضوع نسبى, و هو فى النهاية تقديرى تماما, و طبعا مقارنة مع فئة السيارة السعرية و الحجمية, بالاضافة الى عيوب التصميم.
فى النهاية تحياتى لك و شكرا على سعة صدرك.
انا فى روسيا حاليا لمدة ثلاثة اسابيع, ادعيلى عشان الجو صعب بالنسبة لى جدا فأنا مخلوق استوائى فى الأساس أعيش فى الأماكن الحارة, و هذه ليست الأجواء المناسبة لى.

رد: تجربة الكيا نيو سيراتو - 1600 سى سى اوتوماتيك.

اقتباس:

المشاركة الأصلية كتبت بواسطة بدر بسيونى (المشاركة 234129)

نجحت لعدة اسباب

شكل خارجى متطور وجديد(وطبيعى ناس كتير حتختلف عليه لانه جرئ ومبتكر

عربية مناسبة لفئتها السعرية بامكانيات اعلى من منافسيها)

صيانة سهلة وممكنة خارج التوكيل بكل بساطة لاتحتاج لامحترف ولا ساحر

قطع غيار متوفرة فى كل الاماكن وعربية فغير معقدة ولامبالغ فى التفنية فيها

عربية مطلوبة فى السوق ومصر كلها بتحبها

لو عاوز تبيعها حتبيعها وانت حاطط رجل على رجل وبمنهى السهولة وباقل خسارة

توكيل محترم وضامن عربيته ضد عيوب الصناعة 5 سنوات او 100 الف ايهما اقرب

تصميم دالخى متطور وخاماته مناسبة للفئة السعرية وانا متفق ان السيراتو خامتها مش تحفة بس مناسبة لفلوسها

قدرة اعتمادية مقبولة لفئتها وموثوق بها بدليل نجاحها فى الشرق الاوسط بالمقارنة بالاوربى (ماعدا الالمانى)

اداء مقبول بالنسبة لفئتها وهى عربية مش رياضية

فى المجمل العربية ناجحة مهما اختلفت الاقاويل بس هى نجحت وكان الامر بدليل انتشارها والانتشار لاى منتج دليل نجاحه غالبا وللان ماحدش قال عليها من ملاكها انها سيئة ولا انها مرسيدس عربية كورية محترمة ب100 الف ممتازة لفئتها

وللعلم والله انا مش محبى السيراتو وانا من ملاك الالنترا اللى مش مفضلة بالنسبة ليا بس الواقع وعقليا العربيتين مناسبين جدا لفلوسهم

+1
-----------

رد: تجربة الكيا نيو سيراتو - 1600 سى سى اوتوماتيك.

اقتباس:

المشاركة الأصلية كتبت بواسطة engmish (المشاركة 292520)

حضرتك انا مكنش قصدي انك تدور على موضوعات للالتيا و ال 308
انا كنت بتكلم عموما عن الموديلات الجديده للشركتين
الالتيا مش منتشره خالص ... الغالبيه بتفضل الليون عنها
مع انهم مبنيين على نفس الشاسيه والمكونات والالتيا اكبر و اوسع .. لكن شكل الليون شبابي اكتر .. في حين ان الاكبر سنا حيقولو طيب ما نجيب جيتا و لا اوكتافيا
ودول اللي عارفين ان سيات التيا و ليون وسكودا اوكتافيا مبنيين على شاسيه و مواتير الجولف و الجيتا
بمعنى ان لو حضرتك سمعت عن مشاكل في عربيه منهم حتكون غالبا نفس المشكله في بقيه العربيات
اللي سمعته ان الفتيس ال DSG الاستخدام العنيف بيبوظه بسرعه ... يعني الفتيس هايل و سريع وموفر للبنزين و متحسش بالنقلات .. بس مش بتاع حرق وكبس ليل نهار
فيما عدا ذلك العربيه تحفه
لكن للاسف مش منتشره ... لا ... دي نادره كمان :(

البيجو عربيه جميله لكن معرفش ليه دايما ال 307 ساعات كنت بسمع و اشوف مشاكل فيها
لدرجه ان كان زميل في الشركه جاب ال 307 SW ازرق .. و بعد اسبوعين لقيتها بقت فضي ... سألته عن السبب قالي ان العربيه كانت بتجيب زيت من تحت .. وكان جايبها خليجي بس غيروها ليه
غير اني ساعات اسمع عن مشاكل سخونه او تكييف او فتيس وبرضو في نفس الموديل ال 307
طبعا حضرتك شايف اني عمال اقول اسمع او شوفت ... فممكن تكون حالات فرديه
او ممكن ال 308 غير ال 307
علشان كده قلت لحضرتك دعبس وراها الاول
وان شاء الله ربنا يوفقك لاحسن حاجه
كان نفسي افيدك اكتر .. بس انا قلت اللي عندي في حدود معلوماتي
والله اعلم