|
|
اللي عاوز يتجوز يتفضل هنا
انا ف الموضوع ده هحسب مصاريف الزواج علشان الناس اللي بتحط ارقام خياليه تخلي الواحد يبقي عايز يتجنن عليهم في الموضوع ده انا حطه اقل الاسعار اللي ممكن تعمل بيها وفي الحياه موجود الرخيص والغالي وبعدين انت داخل علي حياه جديده متصرفش هتحتاجها بعد كده خليك في الامور الوسط زي ما الرسول ما قال اولا نقول الشبكه 5 الاف كفايه دبله ومحبس ولو اهل العروسه رخمين زودهم 5 كمان ثانيا حفل لخطوبه ودي بتبقي علي العروسه وبتتعمل في حاله ان في شبكه مش بس دبل ومحبس وبتكلف ما بين 5 ال 6 في مصر في الاقليم مابين 2ال4 ولو دبله ومحبس بتبقي في البيت وعلي الديق ثالثا : الشقه لمن استطاع يعني لو اهلك مسعدينك وعندك شقه هتكلف 20 الف توضيب او 25دي لو مش علي الطوب الاحمر لو علي الطوب يبقي لك الله رابعا : العفش اشموا زي كل ما الناس ما بتمشي 50 50 يعني النص بالنص وساعتها برضوا 25 الف او 20الف خامسا : كتب الكتاب والدخله ودي بقي علي العريس قول 700 كوافير و 2000 مثلا فستان سمبل كده وشيك ا ممكن ايجار ب 900 وفرح ب 5000 او كتب كتاب في الجامع وده مش عارفه والله بيتكلف كام بس اقل من 5000 الاف حط زيهم 5000 لو عايز شهر عسل براه في ايطاليا ولا تركيا او 2000 في اي حته في مصر يبقي المجموع حوالي 64700 |
رد: اللي عاوز يتجوز يتفضل هنا
او ودا حيبقي افيد
انزل جيب عربية زيرو في الحدود دي واتمتع واتفسح وبلاش وجع دماغ |
رد: مارائك فى فتوى بعدم جواز زواج المسلمات من الفلول
اذا كان الشيخ على حق فلياتى لنا بِادلة من الكتاب والسُنة حتى يكون الكلام على اساس وبعدين من هم الفلول ومن الذى يحددهم وياريت ايها الاخ الكريم تذكر لنا مصدر هذا الكلام |
رد: يبقي أنتا أكيد ... بتتجوز في مصر
الحقيقة المرة
ان الواحد بيفكر انه لما يتجوز بيبتدى حياته لكن للاسف هى بتبتدى تنتهى ههههه يا حسرة عليا وعلي شبابي |
رد: مارائك فى فتوى بعدم جواز زواج المسلمات من الفلول
حسبي الله ونعم الوكيل
|
رد: مارائك فى فتوى بعدم جواز زواج المسلمات من الفلول
اقتباس:
|
رد: اللي عاوز يتجوز يتفضل هنا
المشكلة فى انى اخطب او اتجوز عاجلا ام اجلا هيحصل باذن الله وممكن ارخص من كدة كمان بس الواحد بيعيش فى مستوى مش عايز ينزل منة معلش طول عمرى قاعد واكل شارب وبحوش المرتب وربنا كرم واتجوزت
المشكلة بقى هاكلها منين وازاى اجيب عيال اصرف عليهم انا واحد شغال ب 500 جنية واقسم بالله العظيم مرتبى 500 جنية واستمريت فية كتتتتير عشان يزودونا ومرضوش فطلعت منة وادينى بدور على حاجة اعلى قوليلى بقى اجيب منين شقة مش تمليك طبعا دا حلم مستحيل انا بتكلم على ايجار والله بيوصل ل 600 جنية فى الشهر الوقتى طب بلاش دا انا لو هاكل انا وهى فطار 10 جنية وغدا 10 جنية وعشا 10 جنية يبقى 900 جنية طب هجيب فلوس النور منين والمية طب هجيب كروت شحن منين طب بعد سنة من جوازى مش من حقى اخلف طب هربى العيل ازاى هيبقى مرتبى وصل 800 جنية طب ازاى اهتم بمصاريف العيل الصغير وانت عارفة يعنى اية متطلبات طفل مولود صدقينى احنا مظلومين والناس مش حاسة بينا قعدوا يقولوا حسنى مبارك ومغلى الحاجة اهوو غااااز فين بقى يا سيدتى انا اشتغلت فترة فى الهيئة فى السويس عرفت من ناس الكلام دا بعد الثورة ايرادات قناة السويس فى الشهر طبعا قلت عشان الحوارات اللى حصلت 50 مليار دولار عارفة يعنى اية يعنى احنا بنتسرق تانى ونايمين عشان الناس اللى متعاطفة مع الجيش ولا اقصد بكلامى العساكر والظباط اللى معانا هنا فى البلد اقصد الناس التانية هااااااااا قوليلى بقى ينفع اتجوز اعثقد ردك هيكون لاة المعيشة غالية صدقينى يبقى رحم الله امرء عرف قدر نفسة وانا خلاص شلت فكرة الجواز عن بالى نهائى ومبقتش اقول نفسى اتجوز والحمد لله على كدة...... |
| الساعة الآن 07:54 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017