المشاركة الأصلية كتبت بواسطة aimooo (المشاركة 761663)

ازيكم يا جماعة الخير - يارب تكونو بخير كلكم - واحب اقولكم وحشتوني جدا
وانا مصمم يكون في مقابله قريب جدا ان شاء الله
انا بعتذر لمحمد القاضي لان كنت بكلمه علي الفيس وفجأة النت فصل عندي
انا رجعت من الغردقه يوم الجمعه اول امبارح بليل
بجد الجو تحفه هناك وان شاء الله كلكم تطلعو تغيروا جو هناك
المهم طبعا اكيد كلكم عاوزين تعرفو تقرير عن العربيه في السفر
اولا انا مشيت يوم الاثنين 10-9 الساعه الخامسه والنصف صباحا من الجيزه وكان النهار طلع طبعا انا خفت علي المدام وابني من السفر في الشمس فقررت اني اشد علي الطريق علشان اوصل في اسرع وقت قبل ما الشمس تحمي علينا وانتم عارفين العربيه مفيهاش تكييف (ان شاء الله اركبه)
ثانيا لحسن الحظ لقيت بنزين 80 في شارع البحر الاعظم فولت وتوكلت علي الله ومسكت الدائري
لحد القطاميه وطلعت علي طريق السخنه
اول مبدأت كان الهوا مساعدني فكنت مشاي مابين 130 - 160
والحمد لله وصلت الغردقه الساعه 10 ده بالرغم من ان المسافه مابين السخنه والزعفرانه (ملفات السخنه) كان اخري فيها 100 علشان خاطر المنحنيات الخطر ولما وصلت الزعفرانه ريحت في بنزينة وطنيه حوالي 10 دقايق وفولت حوالي 18 لتر وكملت واول ماطلعت علي طريق الزعفرانه الغردقه كان طالع معايا من البنزينه عربيه شيفروليه افيو في راجل وزوجته وطفل وعربيه كيا كارينز وفضلنا لحد موصلنا الغردقه بعد حوال 250 كيلو احنا التلاته مع بعض
وكانو مستغربين ان العربيه بتاعتي بتصد معاهم وكمان والله في بعض الاوقات ماكانوش عارفين يجيبوني اصلي ساعات كنت بتهور واوصل ل 170 واكتر سنه وهما كانو بيخافو يوصلو لكده وخصوصا بتاع الكارينز كان معجب اوي ان العربيه ماشيه كده والحمد لله وصلنا بالسلامه يعني الطريق خد مني 4 ساعات ونص تقريبا
وعلي فكره البلد هناك مفيهاش عربيات قيدمه خالص غير 132 وبيجو 504 و 505
وانا راجع بقي
طلعت من الغردقه الساعه 5 المغرب يوم الجمعه و فوجئت اني ماشي عكس اتجاه الهوا وكانت العربيه بتجمع 130 بالعافيه وكنت بضطر اجيب السرعه دي بالرابع واريح بالخامس شويه وخصوصا كمان ان الطريق اغلبه مطالع طويله جدا
المهم لحد موصل السخنه وعلي طريق السخنه القاهره اعتقد اني كنت ماشي مع اتجاه الهوا العربيه رجعت تجمع معايا لحد 170 والحمد لله وصلت 10.30 يعني خمس ساعات ونصف
بس بجد الحمد لله اعربيه مكسفتنيش مفيش غير وانا رايح جوان فرن الشكمان ضرب من القرص وانا رايح واخر 100 كيلو صوت العربيه كان عالي بسبب الشكمان وركبتلو جوانات في الغردقه هناك
واحب اشكر مصطفي عاطف لأنه كلمني وانا هناك
واي استفسار عن الرحله ابعتولي

المشاركة الأصلية كتبت بواسطة Hisham.Elgazzar (المشاركة 761713)

المشاركة الأصلية كتبت بواسطة aimooo (المشاركة 761663)

ازيكم يا جماعة الخير - يارب تكونو بخير كلكم - واحب اقولكم وحشتوني جدا
وانا مصمم يكون في مقابله قريب جدا ان شاء الله
انا بعتذر لمحمد القاضي لان كنت بكلمه علي الفيس وفجأة النت فصل عندي
انا رجعت من الغردقه يوم الجمعه اول امبارح بليل
بجد الجو تحفه هناك وان شاء الله كلكم تطلعو تغيروا جو هناك
المهم طبعا اكيد كلكم عاوزين تعرفو تقرير عن العربيه في السفر
اولا انا مشيت يوم الاثنين 10-9 الساعه الخامسه والنصف صباحا من الجيزه وكان النهار طلع طبعا انا خفت علي المدام وابني من السفر في الشمس فقررت اني اشد علي الطريق علشان اوصل في اسرع وقت قبل ما الشمس تحمي علينا وانتم عارفين العربيه مفيهاش تكييف (ان شاء الله اركبه)
ثانيا لحسن الحظ لقيت بنزين 80 في شارع البحر الاعظم فولت وتوكلت علي الله ومسكت الدائري
لحد القطاميه وطلعت علي طريق السخنه
اول مبدأت كان الهوا مساعدني فكنت مشاي مابين 130 - 160
والحمد لله وصلت الغردقه الساعه 10 ده بالرغم من ان المسافه مابين السخنه والزعفرانه (ملفات السخنه) كان اخري فيها 100 علشان خاطر المنحنيات الخطر ولما وصلت الزعفرانه ريحت في بنزينة وطنيه حوالي 10 دقايق وفولت حوالي 18 لتر وكملت واول ماطلعت علي طريق الزعفرانه الغردقه كان طالع معايا من البنزينه عربيه شيفروليه افيو في راجل وزوجته وطفل وعربيه كيا كارينز وفضلنا لحد موصلنا الغردقه بعد حوال 250 كيلو احنا التلاته مع بعض
وكانو مستغربين ان العربيه بتاعتي بتصد معاهم وكمان والله في بعض الاوقات ماكانوش عارفين يجيبوني اصلي ساعات كنت بتهور واوصل ل 170 واكتر سنه وهما كانو بيخافو يوصلو لكده وخصوصا بتاع الكارينز كان معجب اوي ان العربيه ماشيه كده والحمد لله وصلنا بالسلامه يعني الطريق خد مني 4 ساعات ونص تقريبا
وعلي فكره البلد هناك مفيهاش عربيات قيدمه خالص غير 132 وبيجو 504 و 505
وانا راجع بقي
طلعت من الغردقه الساعه 5 المغرب يوم الجمعه و فوجئت اني ماشي عكس اتجاه الهوا وكانت العربيه بتجمع 130 بالعافيه وكنت بضطر اجيب السرعه دي بالرابع واريح بالخامس شويه وخصوصا كمان ان الطريق اغلبه مطالع طويله جدا
المهم لحد موصل السخنه وعلي طريق السخنه القاهره اعتقد اني كنت ماشي مع اتجاه الهوا العربيه رجعت تجمع معايا لحد 170 والحمد لله وصلت 10.30 يعني خمس ساعات ونصف
بس بجد الحمد لله اعربيه مكسفتنيش مفيش غير وانا رايح جوان فرن الشكمان ضرب من القرص وانا رايح واخر 100 كيلو صوت العربيه كان عالي بسبب الشكمان وركبتلو جوانات في الغردقه هناك
واحب اشكر مصطفي عاطف لأنه كلمني وانا هناك
واي استفسار عن الرحله ابعتولي