|
|
رد: رابطة ملاك ومحبى السفينه فيات 132
اقتباس:
اولا احنا سعداء بانضمامك لمصر موتورز ولرابطة ملاك ومحبى السفينه 132 بصفه خاصه ثانيا عاوزين حضرتك تتفاعل معانا وتبقى عضو ACTIVE مش بتدخل بس عشان تستفسر ثالثا من ناحية موضوع ضبط التاكيهات ل 132 خصوصا صعب حبتين ومش هينفع تتعلمه من خلال فيديو او شرح لانه محتاج واحد خراط لان العربيه دى على اطباق مش شواكيش ودا بتطلب انك هتغير فى سمك بعض الاطباق ودا متوفر بس عند الخراط غير انه بيعرف ازاى يخلى التاكيه مظبوط يعنى لا مفتوح ولا مقفول وغير دا ودا شوية نصايح منى عشان الموضوع يبقى تمام وتنظبط العربيه هتفضى نفسك فى يوم وتروح للخراط بدرى بساعتين من ميعاد فتح الورشه وتفتح الكابوت وتركن تحت حته ضل وتسييب العربيه تبرد وبعدين تكون شارى جوانين غطا تاكيهات جداد ومعاك سرنجه كبيره جوانين غطا التاكيهات عشان لما بتفك القديم بيسرب زيت لو ركب تانى معاك سرنجه كبيره عشان هتلاقى شويه زيت عند الاطباق بعد اما يشيل غطا التاكيهات هتجيب السرنجه وتشفطهم وتشيل مقاس الزيت وتفضى السرنجه مكانه لحد ما يبقى الاطباق باينه كويس وتنظبط التاكيهات وتركب الجوانين وتربط كويس وبعدين العمليه مش مكلفه نهائى يعنى 50 جنيه بالكتيير اووى لكن مشكلتها فى الوقت والظبط |
رد: رابطة ملاك ومحبى السفينه فيات 132
شباب الرابطة أنا كنت سعيد جداً باتصال محمد القاضي وكنت سعيد أكتر باتصال مصطفى عاطف معلش يا مصطفى لما كلمتني كنت مع خالي والحاجه والجماعة في العاشر ومكنتش عارف أكلمك برحتي المهم يا رب تكونوا كلكم بخير
|
رد: رابطة ملاك ومحبى السفينه فيات 132
اقتباس:
بس ابقى ادينى لفه :pod_of_gold: |
واحشتوني جدا
ازيكم يا جماعة الخير - يارب تكونو بخير كلكم - واحب اقولكم وحشتوني جدا
وانا مصمم يكون في مقابله قريب جدا ان شاء الله انا بعتذر لمحمد القاضي لان كنت بكلمه علي الفيس وفجأة النت فصل عندي انا رجعت من الغردقه يوم الجمعه اول امبارح بليل بجد الجو تحفه هناك وان شاء الله كلكم تطلعو تغيروا جو هناك المهم طبعا اكيد كلكم عاوزين تعرفو تقرير عن العربيه في السفر اولا انا مشيت يوم الاثنين 10-9 الساعه الخامسه والنصف صباحا من الجيزه وكان النهار طلع طبعا انا خفت علي المدام وابني من السفر في الشمس فقررت اني اشد علي الطريق علشان اوصل في اسرع وقت قبل ما الشمس تحمي علينا وانتم عارفين العربيه مفيهاش تكييف (ان شاء الله اركبه) ثانيا لحسن الحظ لقيت بنزين 80 في شارع البحر الاعظم فولت وتوكلت علي الله ومسكت الدائري لحد القطاميه وطلعت علي طريق السخنه اول مبدأت كان الهوا مساعدني فكنت مشاي مابين 130 - 160 والحمد لله وصلت الغردقه الساعه 10 ده بالرغم من ان المسافه مابين السخنه والزعفرانه (ملفات السخنه) كان اخري فيها 100 علشان خاطر المنحنيات الخطر ولما وصلت الزعفرانه ريحت في بنزينة وطنيه حوالي 10 دقايق وفولت حوالي 18 لتر وكملت واول ماطلعت علي طريق الزعفرانه الغردقه كان طالع معايا من البنزينه عربيه شيفروليه افيو في راجل وزوجته وطفل وعربيه كيا كارينز وفضلنا لحد موصلنا الغردقه بعد حوال 250 كيلو احنا التلاته مع بعض وكانو مستغربين ان العربيه بتاعتي بتصد معاهم وكمان والله في بعض الاوقات ماكانوش عارفين يجيبوني اصلي ساعات كنت بتهور واوصل ل 170 واكتر سنه وهما كانو بيخافو يوصلو لكده وخصوصا بتاع الكارينز كان معجب اوي ان العربيه ماشيه كده والحمد لله وصلنا بالسلامه يعني الطريق خد مني 4 ساعات ونص تقريبا وعلي فكره البلد هناك مفيهاش عربيات قيدمه خالص غير 132 وبيجو 504 و 505 وانا راجع بقي طلعت من الغردقه الساعه 5 المغرب يوم الجمعه و فوجئت اني ماشي عكس اتجاه الهوا وكانت العربيه بتجمع 130 بالعافيه وكنت بضطر اجيب السرعه دي بالرابع واريح بالخامس شويه وخصوصا كمان ان الطريق اغلبه مطالع طويله جدا المهم لحد موصل السخنه وعلي طريق السخنه القاهره اعتقد اني كنت ماشي مع اتجاه الهوا العربيه رجعت تجمع معايا لحد 170 والحمد لله وصلت 10.30 يعني خمس ساعات ونصف بس بجد الحمد لله اعربيه مكسفتنيش مفيش غير وانا رايح جوان فرن الشكمان ضرب من القرص وانا رايح واخر 100 كيلو صوت العربيه كان عالي بسبب الشكمان وركبتلو جوانات في الغردقه هناك واحب اشكر مصطفي عاطف لأنه كلمني وانا هناك واي استفسار عن الرحله ابعتولي |
2000TC Diplomatic : واحشتوني جدا
اقتباس:
http://www.youtube.com/watch?v=IpW9FY98C7Y http://www.youtube.com/watch?v=tjs9K79XbvI 2000TC Diplomatic http://www.youtube.com/watch?v=N1noU05YYn8 AHLNWSHALNAHLNWSHALNAHLNW SHALNAHLNWSHALNAHLNWSHALN |
| الساعة الآن 06:50 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017