|
|
رد: رابطه ( قول معاك كام و انا اقولك تجيب ايه بفلوسك )
استاذ يحيي انا متابع لموضوعك الجميل من زمان ربنا يجعله في ميزان حسناتك
انا دلوقتي محتار جدا معايا في حدود 100 الف واهم حاجة بالنسبالي ان العربية يكون فيها عوامل امان abs و airbags و ebd و BA و الكلام ده و تكون ثابته علي السرعات العالية و صاجها مش ضعيف زي الاكسنت ار بي طبعا ما فيش غير الصنني الجديدة السعرها في الحدود دي و زيرو و فيها عوامل الامان بس شكلها فعلا من برا مش حلو اوي و من جوا متواضعة جدا لو قارناها بالاكسنت ار بي او الريو الجديدة و ده هاينعكس علي انتشارها و بالتالي سعر اعادة البيع و اسعار قطع الغيار لأنه رأي ناس كتير زيي فا ده مخليني متردد هل اجيب النيسان زيرو و لا اجيب سيراتو او كروز او فلوانس 2010 او 2011 هاي لاين و لا اجيب حاجة الماني زي الاوكتافيا بس هاتكون 2008 بالكتير تنصحني بايه من العربيات دي مع العلم اني ميال للكروز اكتر بس قلقان من المستعمل . اسف للاطالة |
رد: رابطه ( قول معاك كام و انا اقولك تجيب ايه بفلوسك )
اقتباس:
اوك تمام عندك الاتى :- هيونداى اكسنت اربى مانوال ب 97 الف عندك هيونداى i20 فول اوبشنز مانوال ب 89900 فول اوبشنز اوتوماتيك ب 96900 عندك كيا ريو الجديد سيدان مانوال ب 95900 او هاتشباك مانوال ب 99 الف عندك نيسان صنى الجديده فول اوبشنز مانوال ب 95 الف فول اوبشنز اوتوماتيك ب 100 الف عندك بروتون بيرسونا فول اوبشنز مانوال ب 89900 فول اوبشنز اوتوماتيك ب 95900 عندك اسبيرانزا تيجو ال 1600 سى سى فول اوبشنز مانوال ب 90 الف اى استفسار انا تحت امر سعادتك تحياتى |
رد: رابطه ( قول معاك كام و انا اقولك تجيب ايه بفلوسك )
اقتباس:
اهلا بيك يا باشا بمنتدى مصر موتورز و ليا الشرف ان سعادتك تنضم معانا بص حضرتك الكروز عيبها السحب بتاعها بيقولوا مش حلو مقارنه بعربيات كتير فى نفس الفئه السيراتو عربيه حلوه بس لو عاوزها بلاش الفئه الهاى لاين لان دى اوحش فئه لانها بتنزل بالجنط ال 17 و العفشه فيها وحشه فده بياثر جدا طبعا لكن الفئات الجنط 15 - 16 مفيهاش مشاكل الرينو فلوانس بلاشها علشان مشاكل التنتيشه الجامده فى الفتيس غير انا سعر اعادة البيع وحش جدا ده لو اتباعت النيسان صنى عربيه جميله جدا عيبها شكل الفوانيس الخلفيه لكن من جوه شكلها كويس و من قدام شكلها كويس و مع الوقت هتنتشر و قطع غيارها هتتوفر خارج التوكيل على فكره عندك بروتون بيرسونا فول اوبشنز مانوال ب 89900 فول اوبشنز اوتوماتيك ب 95900 فيها ايرباج - فرامل abs - ebd - موتور انجليزى 110 حصان الاوكتافيا طبعا عربيه لا يعلى عليها قويه و متينه لو عاوز استعمال عندك الاتى :- تويوتا كورولا موديل 2010 اوبل استرا 2008 - 2009 اوبل فيكترا 2008 - 2009 بس انصحك تجيبها مانوال و المانوال فيها اوبشنز كتير و عماول امان ايضا على سبيل المثال فيها 8 ايرباج اى استفسار انا حت امر سعاتك تحياتى |
رد: رابطه ( قول معاك كام و انا اقولك تجيب ايه بفلوسك )
اقتباس:
اوك تمام عندك الاتى :- هيونداى فيرنا موديل 2004 بس ممكن المبلغ يزيد ل 42 الف عندك رينو كليو 2003 - 2004 عندك كيا برايد 2001 - 2004 عندك هيونداى اكسنت موديل 98 - 99 اى استفسار انا تحت امر سعادتك تحياتى |
رد: رابطه ( قول معاك كام و انا اقولك تجيب ايه بفلوسك )
انا محتار جدا مش عارف اجيب اية انا معايا 145 الف ومحتار اجيب حاجة زيرو زي الفلوانس مثلا ولا اجيب استعمال كسر زيرو
|
رد: رابطه ( قول معاك كام و انا اقولك تجيب ايه بفلوسك )
يا حج يحى عامل ايه انتا مش قلتلي ان السيراتو وحشه وبتقول للاستاذ خالد ان السيراتو عربيه حلوة ازاي بقا :w6w200504112236376d:w6w2 00504112236376d:w6w200504 112236376d:w6w20050411223 6376d:w6w200504112236376d بس تكون الجنط 15 او 16 مفيهاش مشاكل
|
رد: رابطه ( قول معاك كام و انا اقولك تجيب ايه بفلوسك )
السلام عليكم برجاء الافادة معى مبلغ من 15000 الى 17000 محتاج سيارة بحالة جيدة برجاء الرد على ولكم جزيل الشكر وجزاكم الله خير
|
| الساعة الآن 10:42 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017