|
|
تاكسي 6 أكتوبر مميز ومختلف
تاكسي 6 أكتوبر أبيض وبشريطين من الجنب أخضر غامق! تاكسي 6 أكتوبر مميز ومختلف قررت محافظة السادس من أكتوبر البدء في ترخيص 250 سيارة كمرحلة أولى لسيارات التاكسي الجديدة على أن تكون بلون موحد الأبيض وعلى جانبيها شريطين أخضر غامق بعرض3 سم وبينهما فاصل3 سم. وقال الدكتور فتحي سعد محافظ السادس من أكتوبر لصحيفة "الأهرام" يوم الأربعاء إن الترخيص للسيارات حديثة الصنع إنتاج عام 2009 ولايزيد عدد الركاب عن7 أفراد في السيارة وفقا للمادة161 من اللائحة التنفيذية لقانون المرور مع تميز السيارة بوضع "استيكر" على الجانبين مكتوب عليه تاكسي 6 أكتوبر. وأضاف المحافظ أنه لن يسمح للسيارات الأجرة الجديدة بالعمل خارج نطاق المحافظة إلا بتصريح من إدارة المرور ، مشيرا إلى أن طالب الترخيص يجب أن يكون مقيما بدائرة المحافظة لمدة لاتقل عن5 سنوات سابقة على الترخيص. وسوف يحل التاكسي جزءا كبيرا من مشكلة المواصلات نظرا لكبر مساحة المحافظة وسيتم زيادة إعداد السيارات خلال الفترة المقبلة كمرحلة ثانية. وشدد الدكتور سعد على عدم المغالاة في طلب الأجرة من المواطنين والالتزام بالعداد في جميع الرحلات ، مؤكدا أن معاقبة السائق المخالف بصورة مشددة وفورية بالإضافة إلى محاسبة السائقين الممتنعين عن توصيل مواطن إلى مكان معين داخل المحافظة ، داعيا المواطنين للإبلاغ عن أي مخالفة أو تجاوز. يذكر أن محافظة السادس من أكتوبر تم استحداثها العام الماضي مع محافظة حلوان ، فيما تم تطبيق مشروع التاكسي الجديد قبل أربعة شهور في القاهرة الكبرى فقط. كونتاكت كارز |
انهيار المبيعات في رمضان رغم العروض الترويجية !!!
انهيار المبيعات في رمضان رغم العروض الترويجية
http://contactcars.com/Images/News/L...rssssssss5.jpg المبيعات تأثرت خلال رمضان أكد عدد من خبراء السيارات في مصر ، تراجع المبيعات خلال شهر رمضان بنسبة 100%، لافتين إلى وجود حالة عزوف من المستهلكين عن الشراء ، بالإضافة إلى الآثار السلبية الناجمة عن الأزمة المالية العالمية. وقال عفت عبد العاطي رئيس الشعبة العامة للسيارات لصحيفة "اليوم السابع" يوم الثلاثاء إن المبيعات تراجعت بشكل ملحوظ خلال نهاية شعبان وبداية رمضان. وأضاف أن سوق السيارات يمر بأسوأ حالاته الآن ، حيث تراجعت مبيعات السيارات بنسبة تقترب من الـ40% خلال النصف الأول من العام الجارى، إلا أنه توقع عودة المبيعات إلى معدلاتها الطبيعية بعد شهر رمضان والعيد. من جانبه ، أكد طلال كمبال، مدير تسويق بشركة "هورس موتورز" وكيل سيارات "جيلي" الصينية في مصر ، أن تراجع المبيعات في الشهر الكريم كان متوقعا ، حيث يعزف المستهلكون عن شراء السيارات في رمضان ، لكن المبيعات تعود بقوة بعد العيد. وأضاف كمبال أن إنشاء شركات متخصصة في إقراض عمليات شراء السيارات، ساعد خلال الفترة الماضية على زيادة حجم المبيعات بنسب معقولة، حيث لم يكن هناك بديل أمام الشركات والوكلاء والموزعين، إلا إنشاء شركات للإقراض، خاصة بعد عزوف البنوك عن عمليات الإقراض مؤخرا. يذكر أن عددا من شركات السيارات أسست شركات متخصصة فى عمليات إقراض السيارات، منها وكيلي "رينو وكيا". كونتاكت كارز هو رمضان لحق !!! بعد 4 ايام من رمضان لحقو يعملو حصر و يعرفو نسب المبيعات ويعمموا انخفاض المبيعات للشهر كله... هو متوقع طبعا انخفاض المبيعات خلال شهر رمضان و العيد و دخول المدارس... بس مكنتش متوقع اني اقرا الخبر المؤكد ده يوم 4 رمضان !!! امال على العيد حيكتبوا ايه .. كحك و غريبه !!! |
رد: تاكسي 6 أكتوبر مميز ومختلف
مبروك التاكسي يا سامح باشا ... وعقبال المترو .... في خلال عشر سنوات حيبقى حي الأشجار أشبه بجاردن سيتي في الزحام وقربه من وسط البلد
هنيالك ياعمنا :HAPPY_~211: |
رد: تاكسي 6 أكتوبر مميز ومختلف
انت بتقول فيها يا ريس ...
اليو ترن اللي قدام الاشجار علشان اللي جاي من اكتوبر و عايز يطلع الدائري بيبقى زحمه جدا في ميعاد مرواح الناس من الشغل وكمان عملو مطبين ادام مدخل دريم لاند وقصاده الناحيه التانيه مدخل الفردوس ... واكتوبر نفسها عند الحصري بقت عامله زي ميدان عبد المنعم رياض ... واشارات وعساكر وقفلو فتحات و بعدوا فتحات ... ولجان ومطبات !!! بس بصراحه تعديلات زي الفل ... الزحمه بقت الله ينور ... كده ماهي بقت محافظه مستقله .. فلازم تبقى زحمه علشان الناس تحس بيها ptmnlo123per111 وانا اللي سبت وسط البلد وقلت ابعد عن الزحمه واروح الضواحي و المدن الجديده ادور فين دلوقتي على حته جديده فاضيه ... الواحات مثلا ؟؟ |
رد: تاكسي 6 أكتوبر مميز ومختلف
إبعد عن الواحات ديه ,,,,,الواحات ديه بعد عمر طويل إن شاء الله ....
الأشجار حي مكانه هايل بس عيبه الوحيد من وجهة نظري هو الناموس الجبار من فئة 4x4 ومش أي حاجه ده من نوع هامر H1 ,,, كان الله في عونك في الموضوع ده بالذات سيبك من الزحمه ديه بعيده أيا كان حتى لو على الملف إللي عند مطلع الدائري أهو برضه ليه ميعاد وبعد كده كله بيبقى تمام لكن عند الحصري والجامعات والزيطه إللي هناك ..حاجه ملل جدا ... ده غير الطلبه إللي قالبنها ....بيب بيب بيب وحركات من إللي إنت فاهمها إنت بعيد عن الدوشه ديه كلها |
رد: تاكسي 6 أكتوبر مميز ومختلف
الف مبروك التاكسي الجديد يا سامح باشا
انا لو منك و مقيم في اكتوبر اجيب اي عربيه صغيره و ارخصها تاكسي و بعدين التراخيص تقف ابيع النمر بتاع التاكسي ب 50 الف اقل واجب;) و الله بتكلم بجد مش بهزر لان لما التاراخيص بتقف التاكسي تمنه بيزيدptmnlo123per154 |
رد: انهيار المبيعات في رمضان رغم العروض الترويجية !!!
!!!!!!!!!!!
شئ غريب فعلا الاخوه المصريين اللي جايين من الخليج و معاهم فلوس يشتروا عربيات و الصيف و الناس اللي بتغير عربيات و الشباب اللي ناجح و اهليهم بيشتروا لهم عربيات كل دول خلاص بح في اربع ايام !!!!!!!!!! دا يدوب الواحد بدأ ياخد نفسه من فطار اول يوم لقي نفسه خامس يوم رمضان ههههههه الناس دي مش لاقيين كلام يكتبوه . قبل رمضان قالك السوق كويس و الدنيا مستقره و المبيعات زي الفل هل رمضان لحق بشايره تبان للدرجادي علي رأيك يا باشمهندس؟؟ عموما خليهم يشربوا رمضان وراه العيد الصغير و شابك فيهم دخول المدارس و بعدين العيد الكبير مش حيستني طبعا:) و انت عارف موسم حج و مضروب السنادي و بعدين اعياد الاخوه المسيحين و رأس السنه تلاقي نفسك دخلت في يانير و فبراير او(ينايم و فئراير علي رأي التجار) :) و بعدين امتحانات الثانويه العامه و و و و و و و و لو حيجيبوا الاسباب علي رمضان يبقي عالم خايبه الصراحه لان لا رمضان ولااي فصل بيمنع الواحد من الشراء دا بالعكس لو الواحد بيفكر يجيب عربيه يقول الحق اجيبها قبل العيد علشان ابيع يظهر ان الناس الكبار دول اتعودوا من التجار و بقوا بيتكلموا زيهم. |
| الساعة الآن 12:34 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017