رد: قصة عبد الله00 عفريت حقيقى من الجن
 

بصراحه مش عارف اقولك ايه يا دكتوربجد موضوع هايل دا يستاهل احسن موضوع في المنتدي بامانه
اما عن اذا كانت القصص دي حقيقه او وهميه فدا مش مهم الاهم انها جميله وممتعه وشيقه ومشوقه
جامد جدا الموضوع وفي انتظار الباقي
تسلم ايدك

رد: قصة عبد الله00 عفريت حقيقى من الجن
 

رد: قصة عبد الله00 عفريت حقيقى من الجن
 

تهدجت أنفاسه وقال بصوت مبحوح:
- جنى 00يانهار أسود
إزاى سعادتك ؟
- شوف يا زكريا 00إحنا لينا عندك حق وليك عندنا حكم على اللى عمتلته مع واحده مننا
أمسك زكريا برأسه وهى يكاد يفقد الوعى:
- تقصد سعادتك أنكم 0000
ضحك الرجل بقوة:
- لسه فاهم 00 هههه
قال بنفس الرعب:
- سعادتكم يعنى عفاريت
قال الرجل بغضب شديد:
- إحنا جن يا مغفل
قال وهو يكاد يبكى:
- أعذرنى سعادتك أنا راجل جاهل معرفشى حاجة 00 السماح
قال بحسم:
- خلاص00
أنت ضربت قطة 00فاكر؟
- آه سعادتك كنت عطفت على قطة مريضة وبعدين طردتها لما إتحسنت
- أنت ضربتها
- محصلش سعادتك
- أنت ضربتها بإيدك وكنت ح تموتها يا أنسى
- آآه 00سعادتك 00دى كانت ضربة خفيفة عشان أبعدها عن الأكل وده مش ضرب أنا بعدتها بإيدى عن الأكل
قال الرجل بحسم:
- شوف يا أنسى00
ده فى عرفنا إعتداء وده عقوبته إنك تتسجن هنا وحظك إنها لم تمت لأن موتها كان فيه رقبتك
قال بدموع:
- والله ما كان قصدى حاجة
- هذا حكمنا يا أنسى
قال بيأس:
- يعنى أنا أكرمها وآخدها من الشارع وأحافظ عليها ويكون ده جزائى!!
قال الرجل بإنفراجه:
- شوف يا أنسى 00صاحبة الشأن مسامحا ك
إنتابه بشر وسرور فقال:
- صحيح؟
ربنا يعمر بيتها ويخليها
- بس بشرط
- تشرط سعادتك أنا ح أنفذ أى حاجة بس متسجنش هنا ولا يوم
- هيه طالبه تتجوزك!
قلت إيه؟
ونزل عليه كلام الرجل كالصاعقة فتلجم لسانه ولم يستطع الرد!!
واثناء ذهوله وجد أمامه من خلف ستار تظهر فتاة رشيقة شعرها مسدل كجدائل التبر بعينين فى زرقة البحر وبشره كأنها تشف عما تحتها مكسوة بحمرة خافته فى لون الورد !!
تقدمت حتى وقفت على غير بعيد منه تبتسم إبتسامة تأخذ بالألباب 00نظر إليها مسحورا ولم يستطع أن يزيح عينيه بعيدا عن فتنتها الطاغية!!
قال الرجل مبتسما:
- هذه هى عروسك 00فماذا تقول؟
قال بتعجب:
- هيه دى القطة ال00
زادت إبتسامتها وهى تهز رأسها بالإيجاب
قال ومازال فى إنبهاره:
- سبحان الخلاّق العظيم !!
صمت برهه ثم قال وكأنه إستفاق من غيبوبته:
- لكن دى جنيّة 00
مينفعش00لا يجوز00
حرام يا أخوانا
قال الرجل وهو يرفع حاجبيه:
- شوف يا زكريا 00يا السجن عشر سنين يا الجواز
عليك أن تختار لترفع الجلسة00قدامك دقيقة تفكر وتختار

كان الموقف بالنسبة إليه صادما وموجعا ولكنه أخذ القرار وقال بحسم:
- أنا موافق سعادتك
قال الرجل مبتسما:
- طلعت عاقل يا أنسى00

رد: قصة عبد الله00 عفريت حقيقى من الجن
 

هذه هى مقدمة الكتاب الذى سيطرح قريبا بالأسواق إن شاء الله
حكايات من العالم الآخر

مقدمة


مما لاشك فيه أن كلنا يؤمن بوجود العالم الآخر00هذا المجهول الذى قد يخشاه كثير منا لكن تختلف الرؤية من شخص لآخر تبعا لثقافته وإيمانه بأن الله هو خير الحافظين00 وفى حياتنا كثير من القصص والحكايات التى تتحدث عن هذا المجهول وقد تصل فى روايتها إلى حد التصديق المطلق والإيمان الكامل بصدق الأحداث!!
وفى هذا الكتاب العديد من الحكايات التى قد صادفتها أو سمعتها من آخرين ولا تخلو المرويات فى مجملها من خيال ممزوج بقدر من الحقيقة التى تبدو نسبية 00آثرت روايتها بشكل بسيط فى قالب قصصى وبفضل الله لاقت إستحسانا داعيا الله أن تنال إعجابكم0

د0تامر محمد
سبتمبر 2009

رد: قصة عبد الله00 عفريت حقيقى من الجن
 

رد: قصة عبد الله00 عفريت حقيقى من الجن
 

رد: قصة عبد الله00 عفريت حقيقى من الجن
 

فى انتظار الباقى يا دكتور ووحشتنى قصصك جدا

وفى انتظار نزول الكتاب وياريت تعرفنى عشان اخد نسخه منه :HAPPY_~211:

بالتوفيق