رد: يوميات سيترونتى........ الـ AX
 

بعد العناء مع الرادياتير (كتر الف خيره) غيرته بواحد استيراد من الوكاله فى حدود 275ج
حالته ممتازة ومواسير مدورة (واحد ماسوره) مش مبططه زى اغلب الرادياتيرات وكان فيه تيرموستات عالى 97 طبعا ماينفعش عندنا فى مصر فا ركبت اللى كنت مشغلة (68-82) والحمد لله ريحنى كتير من قلق الحرارة واللحام اللى كل شوية يضرب
وبالمناسبة بقى مكن الزجاج الخلفى تعبنى جدا
لان الباب ضيق جدا جدا والمكن فى الاول كان شغال وبعدين ابتدى يهيس لانه متركب مزنوق
والله يسامحة اللى ركبه وبعد مشاورات رسيت على تعديل المكن الاصلى( المانوال) بقطع الجزء اللى بيركب فيه الاوكرة اللى بترفع ولحام ماكينة كهرباء(بترس) بدل منها والفايدة من كده ان الزجاج هايتحرك براحته لانه مش مزنوق عشان الماكينة اتركبت فى الباب من تحت خالص فا الزجاج هايطلع وينزل بدون احتكاك اللى كان مسببة المكن القضيب اللى بيخلى الزجاج فى الطالع والنازل يحك فى الاوكرة(فتح الباب) من جوه الباب وكل مايطلع وينزل يتك فى الاوكره دى
عشان كده نصيحة لكل اللى عايز يركب زجاج كهرباء خلفى يخلى باله ان المكن يكون مرتاح فى الباب بدون اى معوقات عشان ضبطة الزجاج تكون على اصلها وكمان ماتنساش تاخد المكن القديم (المانوال) لان ممكن تحتاجه فى اى وقت زيى كده (بس للأسف انا نسيت اخده من الراجل) ولما رجعت ادور عليه ما لاقيتوش طبعا واضطريت اشترى غيرهم وجبت واحد بس
وان شاء الله لما اضبط الامور ها أواليكم بباقى التطورات
وكل سنه وانتم طيبين بمناسبة عيد الفطر :fun_36_3_1[1]:

رد: يوميات سيترونتى........ الـ AX
 

واخيرا ركبت الانذار
جبته من التوفيقية بـ 140ج وولف
وركبته بـ 50 ج عند الكهربائى بتاعى ولان عندى الشنطة لها سنتر فا شغلت زرار فتح الشنطة من الريموت برضه
ودى كانت اخر اخبار سيتروينتى

رد: يوميات سيترونتى........ الـ AX
 

رد: يوميات سيترونتى........ الـ AX
 

السلام عليكم ايه اخبركم يا شباب ال AX
انا لسه مغير فلتر هواء ب 40 جنيه وجبت رداغ ب 120 جنيه وطقم سيور دينموا وتقسيمه وتكيف الواحد عامي 70 جنيه وغيرت مساعديين قدام و ورا كله عمل 950 جنيه بعد طلوع الروح في الفصال و تيال فرامل خلفي 120 جنيه وامامي 75 جنيه

رد: يوميات سيترونتى........ الـ AX
 

يا باشا ده وسام على صدرى ان يكون موضوعى عجبك للدرجة دى
والف شكر على مجاملتك الرقيقة
بالتوفيق يا عمنا وان شاء الله الاداء يبقى تمام
ملحوظة سريعة كده ... ياريت تحط قطع الغيار دى واسعارها فى الموضوع الشامل ده عن قطع غيار ستروين AX وده الرابط
اسعار بعض قطع غيار ستروين AX
وال ف شكر يا باشا على اهتمامك بالمشاركة والافادة عن الاسعار

رد: يوميات سيترونتى........ الـ AX
 

السلام عليكم اولا ودى اول مرة ادخل المنتدى عشان كنت بدور على اى حاجة على ستروين لان معروضه عليه عربية ستروين ax 95 ب12000 من غير تكييف الفيتيس عند الاولانى بينط والاكصدام الامامى خارج شوية من الجنب وشايف شوية زيت على الماتور بس صاحبى قالى ده جوان التيكهات عاوز يتغير ودى حاجه بسيطة وفانوانيسها القدام مش مربطة كويس بس شغاله والعدادات مشغالة الباب الخلفى الشمال خارج بره شوية بس بيقفل والسنتر لوك شغال والزجاج الكهربا الامامى سليم الصالون متبهدل حاجه بسيطةبس مش وحش جربنا العربية على الطريق صاحبى الساق بيقول حلوه بتسحب حلو الكلام الاخير انا مبعرف اسوق فجبت صاحبى شاقهالى وساقها وقالى بالنسبه لسعرها جميله وعاوزه مصاريف بسيطة هتبقى كويسه سالت واحد قريبى وكان معاه ميكانيكى من غير ما يشوفها قالى دى عربيه مخيفه ومش اى حد يشتغل فيها وقطع غيارها غاليه ومش متوفرة بس هى بصراحة عاجبنى شكلها وسعرها احسن من الفيات بصراحة محتار ايه رايك يا اخ ايمن فى العربيه لانك الوحيد البيتكلم عليها على النت بحماس لو فيه مصدر تانى يقولى ظروف العربية حد يعرفنى بالله عليكم قبل ما اقابل الراجل الاسبوع القادم ولكم جزيل الشكر واسف على الاطالة

رد: يوميات سيترونتى........ الـ AX
 

متأسف جدا جدا جدا يا استاذ صلاح على تأخرى فى الرد لانى ماشوفتش مشاركة حضرتك غير دلوقتى ارجو قبول اعتذارى (لانى بزعل جدا لو اتأخرت عن حد سألنى فى حاجه... اانا اسف)
ارد على اسئلتلك ولو مش هاتفيدك دلوقتى (واعتقد ان وقتها عدى) يمكن تفيدك بعد كده
حضرتك بتقول العربية من غير تكييف ... هل تقصد ان الموديل بدون تكييف (موتورها 1100 سى سى ؟؟ والتابلوه بدون هوايات تكييف جانبيه؟؟؟؟ ولا تقصد انها 1400 والتابلوه بهاويات فى الجنب لكن مش راكب بها تكييف...؟؟؟
معلش دى نقطة مهمة لانها تقريبا الفيصل فى موضوع الموتور اذا كان 1100 بدون تكييف ولا 1400 ابوتكييف (الفرق عموما فى موديل العربية ) بالنسبة للفتيس مش هايعرف ايه اللى فيه بالظبط غير الميكانيكى لان النقطة دى متعلقة بتخصص ميكانيكى بحت بالاضافة لموضوع التاكيهات دى - واكن فى اسوأ الاحوال لو الموتور مش تمام يبقى ممكن تغير بواحد استيراد فى حدود من 1500 الى 2000 لكن مش عارف هاتبقى ايه مكوناته بالظبط (فى عضة معانا هنا اسمها صحبة خير كانت مغيرة موتور من فترة قريبة من الحرفيين) ممكن تتابع موضوعها وتعرف تفاصيل اكتر
الاكصدام طبعا امره سهل لانه فايبر وفى نفس الوقت قوى يعنى اى اعجواج فيه هايبقى بسيط وسهل انه يتركب فى مكانه صح
الحالة العامة لوصف حضرتك بيقول ان العربية ماشية وسعرها كويس جدا لو 1400 سى سى اما لو 1100 (اللى بيقولوا عليها 1200 سى سى) يبقى ده العادى
يتبقى نظرة حضرتك فى المطلوب عشان تركب العربية على كيفك عنى هل ناوى تظبطها وتجدد (سمكرة ودوكو وتظبيط ميكانيكا وابواب و....و.... الخ؟؟؟) ده طبعا يرجع لحضرتك وعموما التوضيب العام اللى انا كنت فيه بدون (ميكانيكا وعفشة) اخد حوالى 6000 جنية منهم الكماليات كمان
قطع الغيار ماهياش غالية بالشكل المرعب يعنى لكنها بتعيش معاك يعنى ركب الحته وانساها
اقترح لو ليك ميول فيها يبقى استخير واشترى واتعلم عليها شوية واتمكن منها واتعلم فيها برضه لغاية ما تبقى تمام وتاخد فكرة كمان عن الصيانة بع ما تكون بتسوق كويس وحوش مبلغ لا يقل عن 5000 بالوسع يعنى عشان تظبط براحتك وهتلاقيها وقفت عليك بـ 17 الف ولا حاجه بس هاتكن حاجه تانية ولو هاتركب تكييف يبقى بالكتير 20 الف بما فيهم سعرها وفى النهاية هتلاقى نفسك راكب عربية فول اوبشن مكيفة واداء قوى وسحب ممتاز وبمبلغ معقول جدا
اتمنى اكون افادتك:shyy: