رد: كم أكثر سرعة مشيت عليها؟؟؟
وعلى فكرة انا لاحظت ان مسألة السرعة دى فى ردود الناس معظمها عملية نفسية لاثبات نوع من التفوق بغض النظر عن قدرات وامكانيات عربيته ولذلك هتلاقى نادرا واحد لما يقوللك انا كملت الطريق كله بنفس السرعة تقريبا وده شىء مش صح ولذلك انا بستغرب على نفسى مبحبش السباقات لكن بجرى ولو واحد حاول يسابقنى بوسع له لكن احيانا طبعا شوشو يضحك عليا بسبب واحد متهور لكن اعجب واحد بجد ضحكنى واحد معاه سيات 133 القديمة خالص دى و دى معروف ان سرعتها لو زادت عن 90 ولمدة بسيطة ممكن تحر ق الموتور طيب انا معايا نيسان صنى 2008 وده مصر يسابقنى ولما وسعتله علشان يعدى فضل يجرى وانا لما بسوق 100 ممكن انام فبزود شوية وده مصر يجرى ورايا اخر م زهقت اخدت رقم العربية وروحت جارى160 لمدة نص ساعة وقعدت على قهوة وطلبت شاى وانا براقب الطريق لحد مظهر صاحبنا كملت كوباية الشاى بسرعة وحاسبت وجريت لحقته وروحت ماشى جنبه مش بعدى اسبقه ولاسايبه يسبقنى واضرب بعينى الاقى شاب لذيذ كده وقاعد ورا الدركسيون ودايس جااااامد ومتشعبط فى الدركسيون وغالبا شويه شويه هينط يجرى ادام العربية وعمال يكافح وعصبى طبعا مشيت جنبه 5 دقايق وبعدين قلت ياواد متستفزوش احسن يعمل حادثة وذنبه يبقى ف رقبتك روحت سايبه وماشى وده يدل على قلة الفكر لان مرة قابلنى واحد معاه جيب شيروكى ولما شافنى بجرى جرى ورايا وحصلنى وادانى كلاكسات وهديت السرعة وفتحت الزجاج وسالته فى حاجة فقال لا بس الدنيا ليل والجو متاخر وتعال نجرى ورا بعض فقلتله اسف رحم الله امرىء عرف قدر نفسه (صدق رسول الله) قدرة موتورك اعلى يبقى هنتسابق ازاى وسبته ومشيت
|
رد: كم أكثر سرعة مشيت عليها؟؟؟
اقتباس:
بس المشكلة فى الخليج الوضع مختلف ... قيمة المخالفة على حسب السرعة يعنى نفترض مثلا الطريق سرعته 80.... أولا بيديك 19 كيلو سماح ... يعنى لو ماشى 99 مش هيصور ... لكن لو ماشى 100 هيصور و تبقى المخالفة 20 دينار كويتى لو ماشى من 101 الى 110 هتكون المخالفة 30 دينار كويتى و هكذا ... و اكتر مخالفة 50 (1000 جنيه مصرى) دينار كويتى و لومخالف السرعة باكتر من 50 كيلو فرق ممكن يبقى فيها سحب الرخصة او العربية لمدة 3 شهور و ممكن توصل لسجن و ترحيل كمان ..... و مفيش تصالح مباشر فى ساعتها و الكلام ده لأن اصلا كل كاميرات السرعة محدش واقف عليها دى بتبان و حضرتك رايح تجدد الرخصة كل سنة و تشوف بقى مخالفاتك ..... و الكاميرات غالبا ثابتة و اماكنها معروفة و بقالهم فترة بيحطوا عربيات فى جنب الطريق فيها كاميرات و اماكنها بتتغير ..... و دى فيه ناس كتير ماتعرفهاش بس يا باشا و ربنا يستر علينا من المخالفات و الكاميرات |
رد: كم أكثر سرعة مشيت عليها؟؟؟
اقتباس:
مخالفه تانيه غريبه الشكل دورت العربيه واتحركت مسافة 5 متر عشان اركن صح وكانت الساعه 10 بليل لقيت الشرطه ورايا ومشغلين الانوار زي ما اكون مطلوب ورزعني مخالفه لاني مكنتش فاتح النور وكانت 1000 ريال ptmnlo123per111كسر الإشاره ده اللي كارثه حقيقيه فعلا من 6000 ريال وسبع نقط الي 50000 ريال و12 نقطه علي حسب تقدير الشرطه الحزام 500 , الموبايل أو تشغيل الدي في دي أو انك تقعد طفل جمبك 500 ,عدم ترك مسافيه كافيه 500 ,عدم إضاءه الانوار في الفتره بعد غروب الشمس او في حالة الغيوم 1000 واخيرا عدم احترام قواعد الاشارات يعني متديش اشاره لما تخش يمين او شمال 500 طبعا انا بقول المخالفات اللي اتخالفتها بس لان الباقي معرفوش واوعدكو لو في مخالفه جديده هقولكو عليها علطووووووووووووووووولptmn lo123per122 |
رد: كم أكثر سرعة مشيت عليها؟؟؟
اقتباس:
|
رد: كم أكثر سرعة مشيت عليها؟؟؟
190كم بعربية فولكس باراتي وأنا رايح مرسي مطروح من دمياط وكان الطريق طويل 5ساعات وأغلب الطريق صحراء وجبال علي الجنبين فقولت اختصر الوقت ووصلت في4ساعات وربع بس كنت قلقان جداعشان أول مرة أعملها والحمد لله عملتها بعدها كثير بس العربية بتبقي صوتها عالي جدا عاملة زي طائرة هليكوبتر
|
رد: كم أكثر سرعة مشيت عليها؟؟؟
أنا مشيت على 190... والعربية كانت فورد سييرا 2000 سي سي ستيشن موديل 1992 ... وكان في سويسرا .... والعربية دي عبقرية ... ثبات واتزان ونعومة وقوة .. بس غول بنزين...وكان ممكن اجيب أكتر بس المشكلة في الرادارات اللي أماكنها مش ثابته وغرامته في سويسرا ممكن تقطم الوسط غير انها لو اتكررت ممكن سحب رخصة شهرين ثم سحب نهائي وحبس.
<input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"> |
رد: كم أكثر سرعة مشيت عليها؟؟؟
انا بفكر اابيع النيسان الصنى واجيب فسبا كده عمرهم مهيمسكونى رادار ابداااااااااااااااااااااا ااا هههههههههههه
|
الساعة الآن 07:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017