|
رد: حكايتي مع ( شيفرولية افيو) "وسوء التصنيع"
السلام عليكم
انا قريت الموضوع من اوله كل ال21 صفحه دلوقتي انا هقول ملاحظاتي البسيطه يعني اولا المهندس بتاع منصور بيرد بفخر قوي ان ماعرفش مين محترم ياعم علي عيني و راسي .....محترم بس لو الشركة محترمة كانت عيوب العربية تتحل ده اصلا لو وافقنا اصلا ان عربية زيرو فيها عيوب دي زيييييييييرو ثانيا العربية خبطت في رصيف كسرت مقص ده علي اساس انها بلاستيك انا معايا اسكودا بطلع بيها ع الحيطه و بعمل بيها اسبوعيا 1200 كيلو و مافيهاش حاجه (موديل 96) مش زيرو ثالثا البنزين الوحش بتاعنا فيه كربون؟؟؟؟؟ لا ما يصحش ازاي الكلام ده.......بس هو الوكيل كان معتقد انها في مصر هتتمون عصير قصب؟؟؟؟ و لا نسبة الكربون دي طلعت اول امبارح الفجر؟؟؟؟؟؟ رابعا الكوري مقلب انا في واحد اشتكالي من السيراتو بس للامانه هي مرة واحده اللي قالي انها بتعوم شوية في السرعات و الله اعلم ياريت مايكونش كلامي يزعل حد انا بس برد علي كلام اتقال بس لما الغلطان بيعترف بالغلط بيبقي اول الطريق لكن هو اللي ما يعرفش ان الفرامل بتتاكل بسرعه و هو اللي مش بيعرف يسوق متهيالي كلام ما يصحش يعني انا يمكن عشان بقارن بمعشوقتي الاسكودا بلاقي الفرق رهييييييب لكن مش لازم احس ان حتة الفليشيا دي جنه يعني اكيد الزيرو احسن برده و السلام ختام |
رد: حكايتي مع ( شيفرولية افيو) "وسوء التصنيع"
انا كده عرفت ليه جرنا باع الافيو وهيه لسه مكملتش سنه معاه وجاب كروز
الغريب انى ديما اسمع الناس بتشتكى من التوكيلات يا من سوء المعمله يا من ارتفاع اسعار قطع الغيار يعنى مثلا تيل فرامل مرسيدس c200 موديل 2008ب14 الف جنيه ليه دهب ولا ايه مش عارف كوبلن شمال مرسيدس B150 دخل فو حوار عفشه كامله قدام بس والزبون اتخيط فى 21 الف جنيه تيل فرامل تيريرس 2008 ب3000 جنيه فى توكيل الجندى بالمحله مع انه بيتباع بره ب100 جنيه تيلاندى او تيوانى هتقولى مش اصلى هقولك ولو مش لدرجة 3000 جنيه ده انا اجيب بيهم 30 طقم تيل واغير فيهم مداء الحياه |
رد: حكايتي مع ( شيفرولية افيو) "وسوء التصنيع"
اه وحاجه كمان معلش برده واحد صحبى راح يغير زيت الميكانيكى فضى المتور من الزيت ومعرفش يفك فلتر الزيت قاله تعاله نروح لميكانيكى صحبى هوه اللى هيعرف يفكه مشيوا بالعربيه حوالى 5 كيلو من غير زيت المتور اتحرق راح التوكيل قالوله هتتكلف 60 الف جنيه متور جديد راح اشترى نص قدمانى تيريوس ب16 الف وخد منه المتور وبرده اتركب فى توكيل الجندى بالمحله والتوكيل خد 3الف جنيه يعنى من 60 الف ل19 الف جنيه مش عارف الناس دى معندهاش ضمير ولا احنا اللى فينا حاجه غلط وايه الموضوع بالظبط |
رد: حكايتي مع ( شيفرولية افيو) "وسوء التصنيع"
ربنا يعوض عليك يا باشا
وحسبي الله ونعم الوكيل في المستوردين والتوكيلات في مصر |
رد: حكايتي مع ( شيفرولية افيو) "وسوء التصنيع"
من الاخر انا معى أفيو 2007 كورى أكرررررررررررررررر
كورى |
رد: حكايتي مع ( شيفرولية افيو) "وسوء التصنيع"
يا جماعة أنا صاحب الموضوع وطبعا إتوقفت عشان غلطت في منصور الي نصب عليا ونصب على كتير غيري وأحب أقولكم إني بعت العربيه وجبت عربية جديدة
وعارف بعد الكلام ده إني هتوقف بس مش مشكله!!!! كفايه إن الإدارة عملت معايا كذا حركة نقص!!! |
رد: حكايتي مع ( شيفرولية افيو) "وسوء التصنيع"
أولا قول انا لله وانا اليه راجعون اللهم أجرنى فى مصيبتى واخلف لى خيرا منها واستعيذ بالله من الشيطان الرجيم وصلى ركعتين قضاء حاجة واعمل استخارة فى كل خطوة تعملها واسأل أهل الذكر الثقات فى المجال ده واتوكل على الله وخلى دائما فى بالك ان الحل والفرج بيد الله بس احنا بنأخذ بالأسباب وادعى كتير قوى فالصلوات الخمسة فى المسجد على وقتها وفى قيام الليل وطلع صدقات كتيروان شاء الله ان شاء الله ربنا هيفرجها وربنا معاك
|
| الساعة الآن 04:30 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017