مصر موتورز مجتمع السيارات - عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

معايا عربية اسبيرانزا 516 وعرفت أن موتور التيجو ال2000 سي سي يركب على ال 516 السؤال هو :- هل ممكن أركب موتور التيجو ال2000 سي سي لل 516 بالفتيس الأوتوماتيك لموتور التيجو؟ أرجوا الإجابة سريعا بعد إذنك ولك جزيل الشكر.

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

معلش يارجالة أعذرونى على التأخير, ظروف والله.

اقتباس:

المشاركة الأصلية كتبت بواسطة tamer0000 (المشاركة 300400)

Injection باشا أستأذنك لو تفيدنى فى تركيب عداد ديجيتال للسرعة وليس لل RPM .. ممكن يركب فى القائم ؟ وايه أحسن أنواع تركب من غير مشاكل و قطع فى أسلاك (بالنسبة لعربية اوبترا) ؟ وومكن بيتباعوا فين فى شارع دمشق ؟ ورينج الأسعار كمان لو أمكن ... مع جزيل الشكر ..

بص ياباشا, عداد السرعة اللى منتشر منه قوى اللى بيركب على التابلوه من فوق, حجمه كبير وشكله حلو, وبيبدأ من 120 جنيه لحد 230 كده للأنواع الكويسة, وده اللى هتلاقيه فى أغلب المحلات, وده الأنالوج كمان, الديجيتال نادر وماشفتهوش خالص قبل كده عند حد.

أما للقايم, وده هيكون أنالوج برضه, بيبقى 3 عدادات فى بعض, غالبا بيبقى واحد لل RPM وواحد لضغط الزيت وواحد لحرارة المياه, بس ماشفتش منه واحد فيه عداد سرعة, وده فى حدود 300 الى 350 جنيه.

اقتباس:

المشاركة الأصلية كتبت بواسطة boushy-romyo (المشاركة 300407)

أ/ دمياطي
معايا عربية اسبيرانزا 516 وعرفت أن موتور التيجو ال2000 سي سي يركب على ال 516 السؤال هو :- هل ممكن أركب موتور التيجو ال2000 سي سي لل 516 بالفتيس الأوتوماتيك لموتور التيجو؟ أرجوا الإجابة سريعا بعد إذنك ولك جزيل الشكر.

مافيش حاجة مستحيلة, لو الأثنين دفع أمامى وماتورهم بالعرض, كده مبدأيا ينفع, والموتور هيتسقط بفتيسه من غير مشاكل, بس هيبقى فى تعديلات على القواعد غالبا سواء للموتور أو الفتيس.

حضرتك روح لميكانيكى أسبيرانزا مخضرم وأسأله, لو التسقيط ممكن, تابع معاه وخليه هو اللى يسقط الموتور الجديد, ولازم يكون متخصص أسبيرانزا مش ميكانيكى عادى.

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

أشكرك جدا يا injection و على فكرة الموتور دة هو نفس حجم الموتور دة ومكان تثبيت القواعد واحدة بس هو شكل القاعدة الكاوتش هو اللي مختلف بس عادي ممكن أجيب القواعد الجديدة أما من ناحية الميكانيكي فلا قلق أنا عندي ماشاء الله أستاذ بصراحة حتى قاللي نجيب الكنترول بتاع التيجو ويركب بدل كنترول ال516 عشان يقرأ الفتيس الأوتوماتيك وتبقى تمام من كله ، ايه رأيك كدة ؟

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

اقتباس:

المشاركة الأصلية كتبت بواسطة boushy-romyo (المشاركة 302278)

أشكرك جدا يا injection و على فكرة الموتور دة هو نفس حجم الموتور دة ومكان تثبيت القواعد واحدة بس هو شكل القاعدة الكاوتش هو اللي مختلف بس عادي ممكن أجيب القواعد الجديدة أما من ناحية الميكانيكي فلا قلق أنا عندي ماشاء الله أستاذ بصراحة حتى قاللي نجيب الكنترول بتاع التيجو ويركب بدل كنترول ال516 عشان يقرأ الفتيس الأوتوماتيك وتبقى تمام من كله ، ايه رأيك كدة ؟

تمام ياكبير كده حلو قوى, يعنى الموضوع هيبقى بسيط ومافيهوش مشاكل والموتور هيسقط مكان القديم بسهولة.

بس أتأكد من مكان طلمبة المياه وماستر الفرامل وباقى الحبشتكانات, وأن مافيش حاجة هتعيق وجود الموتور الجديد فى الحوض.

وكده هيبقى معاك عربية أسبيرانزا أيه, غول:), بس متنساش الفرامل والسوست والعفشة, علشان الموتور الجديد هيبقى كتير على المكونات دى, وتبقى عملت عربية سباق.

وياسلام لو ينفع تجيب ربعين تيجو يركبوا عندك, تبقى ريحت نفسك من ناحية العفشة والفرامل, بس ماعرفش الموضوع ده ينفع ولا فى أختلاف بين العربيات.

ومش برضه التيجو ديسكات ورا وقدام, ال 516 متهيألى ديسكات قدام بس, وطبعا أنت هتحتاج فرامل أقوى.

والعربية هتبقى وزن خفيف وموتور قوى, يعنى صاروخ.

وربنا يكرمك وتعمل اللى فى دماغك, ويبقى معاك 516 تبهدل أى عربية فى الشارع4BY4.

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

السلام عليكم اخى العزيز انا عندى بيجو 305 وعايز اعدل التابلوة اية يكون الافضل فى التعديل وبالنسبة للمساعدين اية افضل نوع باحسن سعر شكرا

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

اقتباس:

المشاركة الأصلية كتبت بواسطة محمد خميس (المشاركة 303564)

السلام عليكم اخى العزيز انا عندى بيجو 305 وعايز اعدل التابلوة اية يكون الافضل فى التعديل وبالنسبة للمساعدين اية افضل نوع باحسن سعر شكرا

بالنسبة لتعديل التابلوه ياباشا والله مقدرش أفيدك والا أبقى بفتى.

بالنسبة للمساعدين, لو عايز ثبات وعمر طويل وماركة كويسة, هات مونرو, بس هيبقوا غاليين.

أما لو عايز نعومة هات kyb تمنهم نص تمن المونرو تقريبا.

أو هات مساعدين أستيراد كويسين, بس منصحش بكده علشان ممكن يكونوا بايظين وضاربين زيت, والراجل منضفهم.

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

أشكرك جدا يا injection بس ممكن سؤال بالنسبة للمساعدين الجديدة هل ضرورى تغير اليايات لان العربية بتعوم ولا المسعدين الجديدة حتحسم الاداء

ايه ياترى