مصر موتورز مجتمع السيارات - حكايتى مع السيارات فى العراق !

وصلت مصر بسلامة الله أجازه ! و ركبت تاكسى مع مجموعه من الآصدقاء لموقف أحمد حلمى ! لكن السائق

باعنا فى الطريق ! أى و الله ! يعنى جاء عند منتصف كوبرى الليون و توقف و قالنا دى نهاية الخط ! طب ياعم

دا لسه حوالى 500 متر على موقف أحمد حلمى ! قال معلهش علشان المرور و بياخدوا مننا اتاوه و 000و000

بمجرد ما نزلنا من السياره لقيناه بيكلم ناس وبيقولهم دا رايح طنطا و دا رايح كفر الشيخ و دا رايح المنصوره !

( لآنه فى الطريق طبعآ سألنا جايين منين و رايحين فين و كده يعنى ) المهم كنت شايل هاند باج فى كتفى

زشنطه صغيره فى يمينى و كيس فى شمالى فجأه لقيتهم بينتزعوا منى انتزاعا ! و شخص بيقولى حمدلله

على السلامه يا بيه ! انت عاوز تاكسى للمنصوره ؟ طلبك عندى ! قلت ياواد ماشى ! دى متسهله على

الآخر و مشيت خلفه و أنا مزهوا ( بيه بقه ) ! المهم و أنا ماشى الشخص ده بقى اثنين ! يعنى انضم له شخص

تانى و مشوا يتكلموا مع بعض ! ( موش مهم أنا مالى ) ! قرب نهاية الكوبرى بقوا تلاته ! و لقيت الراجل اللى

شايل الشنط ( و كان قوى البنيان أبيض اللون مع شعر أصفر ضارب للآحمر و فيه وشم كده ما عجبنيش على )

( باطن ساعده الآيسر ) لقيته متجه الى شارع جانبى بعيدا عن الموقف ! و الثلاثة أشخاص بقوا أربعه ! !

ابتديت أشعر بعدم الراحه ( و ليس الخوف ) ! و سألته ياعم الموقف موش من هنا ! انت رايح فين ؟؟

قال لى بحزم و اقتضاب أصل العربيه واقفه على جنب علشان ماتدفعش رسوم للموقف ! ماشى ! بعدين

الآربعه بقوا خمسة أشخاص لدرجة كأنى رئيس الجمهوريه و دى الحاشيه بتاعتى ! و بعدين لاحظت ان الشارع

ده ليس فيه محلات و لا بنى آدمين و آخره سد و ينتهى بجاراج للسيارات الخاصه ! ابتديت أقلق بس موش

خايف برده ! المهم دخلنا الجاراج لقيت سياره بيجو 405 برتقالى اللون ملاكى و قال لى هى دى السياره !

قلت له و فين الركاب ! قال لى ركاب ايه ! هوه ده مقامك ! دانت حتركبها لوحدك و توصلك بالسلامه !!!

ماعرفش ليه ؟ سمعت ساعتها فى أذنى الآغنيه الشهيره بتاعة ريا و سكينه ! ياختى عليها 000يا ختى عليها

يا ختى عليها يا ختى عليـهـــــــــــــــــا ptmnlo123per1106 و لقيت الناس كده شكلهم متنمر ! و الرجل الآحمرانى
ده بيكلمنى بصرامه ! ففهمتانى موش رايح المنصوره دا يمكن أروح الآخره و بتاكسى كمان ! و كان الرجل وضع

الشنط ( وهى قليله و خفيفه ) اذ لم يكن ممكن شراء شىء جيد من العراق ! المهم عملت نفسى بأرفع

الشنط علشان أحطهم فى صندوق السياره و قمت مغزله بحركه بارعه و لا أجدع لعيب كوره و أطلقت ساقى

للريح ! و سمعت زعيم العصابه بيحاول يستفزنى علشان أقف و قال ( أن كنت عارف انك موش وش ذلك ) !

قلت له و أنا بأجرى ! يا عم أنا موش وش ذلك ! و والله بمجرد ما خرجت من هذا الشارع السد الى الطريق

العام مباشرة ! لقيت سياره تاكى عداد المنصوره واقف بيحمل و كان لسه زبونين ! خدتهم أنا و انطلقنا بالسلامه

و كنا فى رمضان و وصلنا قبل المغرب و بعد السلامات و التحيه بأفتح أول شنطه ! لقيتها موش بتاعتى !

ptmnlo123per144 ptmnlo123per195 ptmnlo123per111 أتارى كان معى فى التاكسى واحد مصرى قادم من

السودان ونزل قبلى و أخد شنطتى ! بس الحمدلله دايمآ بأضع كارت باسمى و عنوانى فى سوستة الشنطه

و الحركه دى تعلمتها من والدى الله يرحمه ! والراجل اتصل بى تليفونيآ و رحت أخدت شنطتى ! ptmnlo123per154
المشاركه القادمه أحكيلكم كيف غرقت فى البحر و مت و صحيت تانى ! ptmnlo123per122

بس ممكن أتأخر يومين علشان مسافر انشاء الله السعوديه غدآ و ربنا يستر من طياراتها السكند هاند ! باى !

Dr. Bolbolan ptmnlo123per1127