رد: مشروع مكتب تاجير ارجو المساعدة من اهل الخبرة
 

انت في الاصل مجبر على التامين عشان جميع السيارت الموجرة بتكون اقساط والبنك بجبرك على التامين
انا قبل ماكون صاحب مكتب انا جبت عربيه علي الزيرو وسلمتها لمكتب وبعد 4 اشهر اتصل وقلي تعالى عشان تشوف العربي عشان اتقلبت فرحت وهو كان عامل كل الاجرائات ودخلها مركز صيانه عند ايجار الشهر قلي معلش اصل بصلح السياره استنا لما تخرج السياره واخد شيك التامن وكل ماسئل عن السياره يقولي هتطلع اخر الاسبوع وبعد شهرين من الحادث وكثره السئال عنها خاصه ان كان انا عندي امتحانات فكان صعب اني اروح اشوف السياره واتاكد من كلامو
قال انا معيش فلوس دلوقتي اصلح بيها السياره رحت المركز لقتها كمى هي صلحتها واخذت السياره منه وصرفه قيمة الصيانه بالكامل من التامين ورفعت قضيه واخت حقي منه ودي المشكله العامه في ايجار السيارات ان اغلب الناس البيتنصب عليهم مبيفكرش ياخد حقه انا كان معايا عقد واخت حقي منه لاكن غيري بيقول انا ارفع قضيه اودفع فلوس للمحامي واغرم وممكن اخسر القضيه فيسيب صاحب المكتب وده اكبر غلط لان صاحب المكتب لو عرف ان كل غلط هيتحاسب علي مش هيغط
مع ذالك مش كل صاحب مكتب بيعمل كده
اما الكلام عن صاحب الموضوع بخصوص انه اتنصب عليه هو لم يقول اتنصب عليه اذاي واتبهدله السياره هو على كلامو ان السياره موديل 2010 يعني اجرها سنتين على الاقل وانتها عقد الايجار مع المكاتب من المفرود انو حقق ربح جيد تقريبا 100% لان بحسبه بسيطه هوممكن يكون دافع مقدم في حدود 50000 خلال 24 شهر مفرود يطلعلو صافي على الاقل 2000 بعد دفع القسط يعن تقريبا استعاد الفلوس المدفوعه
انا بتكلم من واقع المفروض لاكن لا اعلم ملابسات ماحدث معاه وارجو ان يذكرها
اما بالنسبه السيارات متبهدله ده شيء طبيعي ان يحس ان السياره متبهدله بكل بساط السياره تشتغل في الايجار السنه تحسبها بسنتين
واي شخص هياجر عربي على الزيرو بعد نهايه المده هيحس انها متبهدله لانه سلم عربيه على الزيرو وبعد سنتين استلمها ملقهاش زي الاول لان التطور مكنش امام عينه اول باول لاكن لو جاب السيارتان واجر وحده وساب وحده معا كان بعد سنتين هيحس ان السيارتان في مستوى واحد
في الاخر متعتزرش على حاجه انا عرف ان كتير من اصحاب المكاتب بيعملو كدة بس دة مشمعناه ان كلهم كده عشان كده انا بكتب وانت بتكتب وغرنا بيكتب لنصح الناس

رد: مشروع مكتب تاجير ارجو المساعدة من اهل الخبرة
 

شكرا لكل الاراء الجميلة بالنسبة لاستاذ محمود انا اجرت العربيتين واحده سنه والتانيه 10 شهور والاتنين راجعين مفيش حاجه سليمه مقلوبين ومرشوشين بالكامل جايبين فتيس الاتنين عايزين كمبيوتر التابلوه متقطع بسكينه والاكصدامات والعتب مدمرين واتاكل على ايجار 3 شهور وطبعا انكسر على 3 شهور للبنك للعربيتين وغير كده بقالهم شهر بيتصينوا وطبعا فى حاجات على التأمين وحاجات على وطبعا صاحب المكتب قالى ملكش حاجه عندى ومش هدفع جنيه وكنت ماجرهم فى شركة فى الغردقة قبل كده ومن بعد الثورة مادفعوش ايجار وقالولى تعالى خد عربياتك وماخدتش فلوسى المتاخرة ...عموما الحمد لله ويكفى ان مالى بقى ادام عينى وشكرا على ردودكم وارائكم المحترمة لكن نصيحة منى اوعوا تاجروا عربياتكم مدد طويلة لاى شركة او مكتب

رد: مشروع مكتب تاجير ارجو المساعدة من اهل الخبرة
 

انا مبعقدش الموضوع انا بنصح الراجل من واقع عملي وشكرا على اتهامك لي
بس تقدر تقول انت بنيت رايك على ايه
ممكن تكون شفت مكتب معندوش غير عربيتن بس دة الظاهر بالنسبة ليك لاكن لو سالت هتلاقي عندو غيرهم بس انت مبتشفهمش ممكن يكون ماجر لشركه او لاشخاص فترات طويله
اما ان في حد فاتح مكتب بسياره وحدة ممكن تكون نكته لان لو حسب التكلفه بتاعة المصاريف الثابته هيكون بيدفع من جيبه
انت بتقول انك اجرت اكثر من 200 مره كنت بتاجر ايه اكيد فرنا او لنسر او النترا لاكن الكروز سياره عليه بمنى اخر ملهاش في الشغل بتاع اسبوع الحجات دي ليها فئه خاصه توازي 20% من ايجارات اي مكتب واسأل بما انك بتتعامل مع مكاتب كتير يعني مينفعش تفتح مكتب بسيارتين الشغل بتعها بيطلبو 20% من المسهلكين عشان كده انا نصحت انه يجب في المكتب فرنا ولنسر والحجات المتوسط عشان يكسب كويس
غير كده انا نصحتو ان يشتغل مع نفسه في المكان المتواجد فيه عن طريق معارفه وانا عن نفسي عملت كدة ولما بقالي عملاء كثار اصبحت بتفق مع مكاتب بدخلهم العميل وباخذ نسبه بس لما لقيت ان العملاء بتوعي ابتدو ينسحبو مني قررت اجيب سياره ثانيه واشتغلت فتره وزاد العملاء تاني فمردتش اغلط تاني واتفق مع مكتب فقررت افتح مكتب ده مش معنا اني فتحت بسيارتين لاني دخلت سيارات اخرى عن طريق التاجير
انا اعرف شخص عنده 3 سيارات وقاعد على قهوه في المعادي بياجرهم بقالو اكثر من 5 سنوات كان بدأ بسياره وحده وبياجر للناس الى بيعرفهم بس وواحد بجيب واحد

رد: مشروع مكتب تاجير ارجو المساعدة من اهل الخبرة
 

بما انهم اتقلبو فالى حصل فيهم مش هيحصل اكتر منو - شغل العربيتين واكسب منهم لحد ما تجيب فلوسك وبعد كدا رووح بيعهم باى سعر دة هيكون مكسبك

رد: مشروع مكتب تاجير ارجو المساعدة من اهل الخبرة
 

ارجو من صاحب الموضوع اذا كان صادق ان يكتب اسم صاحب المكتب ومكان المكتب ورقم التليفون كي يتجنبه الاخرين لان الشخصيه دي لازم تتفضح
وارجو ان لاتترك حق لك ابحث عن محامي جيد وارفع قضيه واذا لم تجد ابلغني وانا سوف ابحث عن تليفون المحامي الذي تعاملت معاه محامي ممتاز انا عشان كنت خايف يخسر القضيه عرض عليه اتفع تكاليف رفع القضيه وهي 500 جنيه وبعد ماكسب القضيه اخد نسبه من التعويض
واذا كان قلب السيارتين فعلا تستطيع ان تطلب تعويض عن كل سياره 15000 بخلاف الايجار المتاخر وشرط فسخ العقد