المشاركة الأصلية كتبت بواسطة خالدخليفة (المشاركة 238379)

الحقيقة بتجينى كل شوية رسالة عندك رد فى الموضوع ده وانا مش فاكر انى شاركت فيه
ورغم ان احمد كروزير حبيبى وراح معايا مرة اسكندرية واتهورت وانا سايق وجه من بعدها قرر م يتجوزش احسن يفضحنا ولقيت مشاركتى عبيطة ولاتليق بحبيبى واخويا الصغير
ونقول كمان
خالد خليفة
خريج حقوق دفعة1987
تاجر اراضى وعقارت وعطور و.....و.......و.........( اشتغلت حاجات كتير اوى واولها مهنة المحاماة سنتين) وعندى محلى المتواضع بحلمية الزيتون
رحالة ولفيت مصر كلها وبجد نفسى اقتحم سينا لانها الوحيدة فى مصر اللى م دخلتهاش والمعلم لما يقتحم يبقى هيقتحم مش يروح شرم يتفسح والا الكلام ده يبقى فين المغامرة
عندى مغناطيس قوى للمشاكل مع انى مسالم جدا وبتسامح مع كل الناس لكن تقول ايه
عندى سلمى وكان عندى عمر وتوفاه الله وهو فى تانية ابتدائى وكان عندى فاطمة توفاها الله وامها حامل فيها فى الشهر الخامس بس كنت عرفت انها بنت
اول من اثبت ان النيسان الصنى يمكن تحويلها الى توك توك عند اللزوم
مبحبش الظلم وادافع عن المظلوم حتى ولو واحد سايق عربية حديثة كسر على واحد سايق عربية قديمة اجرى وراه وانفضه واعلمه ان الكبير دايما فى اكبر منه(ويمكن بقع فى مشاكل بسبب كده لكن وايه يعنى ده مبدأ) ومتعاطف جدا مع الغلابة من ابناء هذا البلد لانى منهم (بغض النظر عن النيسان /كل دى حاجات زائلة /والباقى علاقتنا بربنا ثم الناس)
بحب اساعد الناس جدا واعرض خدماتى عليهم بغض النظر عن قبلوها او رفضوها
وبــــــــــــــــــــــس

المشاركة الأصلية كتبت بواسطة خالدخليفة (المشاركة 238400)

طول م انت تعرفنى ولانقابة المحامين كلها هتنفع معاك
هههههههههههه

المشاركة الأصلية كتبت بواسطة amroo1982 (المشاركة 237347)

والله موضوع جميل لذلك لازم اشارك للتعارف
انا واعوز بالله من كلمة انا
عمرو ابو ادهم
مهندس حفر بترول 28 سنة وكام شهر داخل على ال29
بشتغل في شركة سنتافي لخدمات الحفر ودي شركة امريكية ربنا ياخد امريكا كلها
وبجد منتدى جميل والواحد يتشرف انه يكون عضو فيه وبجد رجعتوني لأيام ما كنت بقعد على النت بتاع 8 ساعات يوميا
انا متزوج والحمد لله وعندي ادهم 9 اشهر
وبشتغل من 4 سنين بعد سنتين من البطالة ربنا ما يعدها

المشاركة الأصلية كتبت بواسطة semoo2008 (المشاركة 238312)

اسلام حمدى
طالب بالفرقة الثانية المدنية بكلية الهندسة
ربنا يستر واخد الكلية فى 5 سنين موش 25
حاليا مهندس تدريب بالشركة الاستثمارية للأنتاج و التصنيع
ك38 مصر الاسكندرية الصحراوى
و الشركة واخدة اجزاء من تركيبات شركة sodic
و طلعان عينى
هههههههههههههههههههه