مصر موتورز مجتمع السيارات - أي مشكلة في السيارات الجيب Jeep ضعها هنا وسوف نساعدك علي حلها ان شاء الله

مصر موتورز مجتمع السيارات (https://www.masrmotors.com/vb/index.php)

- جيب Jeep (https://www.masrmotors.com/vb/forumdisplay.php?f=51)

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

مفيش جديد
والعربيه مازالت بتاكل بنزين كتير اوووى فى الزحمه وتقريبا غيرنا كل حاجه ليها علاقه بالمشكله
لسه من تلات ايام حصلت مشكله ان العربيه اول ما بدورها بتبقى مقطعه اوى ولو شيلت رجلى من عالبنزين الار بى ام ينزل وتبقى هتبطل روحت للميكانيكى وغيرنا رشاشين والمشكله اتحلت مع العلم اننا كنا مغيرين رشاشين تانين من شهر يعنى تقريبا كده مغيرين اربعه
انا اعتقد والله اعلم ان العيب ده حاجه من تلاته :
1- طرمبه بنزين " دى تقريبا الحاجه الوحيده اللى لسه مغيرتهاش "
2- ممكن والله اعلم يكون فى تسريب للبنزين "مع انى مش بشوف بنزين فى الارض "
3- ودى بقى الصعبه ممكن يكون المشكله فى الموتور لو فى حاجه فى الصبابات او التاكيهات او الحاجات دى " وفى الحاله دى انا هتطر انى أتأقلم عالوضع الحالى مؤقتا وأقلل مشاويرى بيها خصوصا فى الزحمه لحد ما أبقى أعمرها قبل الفحص لانى معنديش استعداد اصرف عليها تانى دلوقتى انا لحد دلوقتى صارف اكتر من 4000 جنيه " مع ان العربيه سحبها كويس جدا مش عارف ده ليه علاقه بحالة الموتور ولا لا
ملحوظه : فى حاجه انا لاحظتها واعتقد انها ليها دور فى استهلاك البنزين بس معتقدش ان حل المشكله عندها لوحدها وهيا ان ترموثتات الكوع عندى ملغيه وانا عرفت ان ليها دور مهم فى انها توصل الموتور للسخونيه المطلوبه اللى عندها يتم عمليه الاحتراق احتراق سليم
ودى فى اقرب فرصه هخلى الميكانيكى يوصلهالى تانى

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة mohamed abdelhak (المشاركة 940815)

شكرا على الموضوع الرائع
معايا جيب شيروكى 92 4سلندر 2400 سي سي المشكله ان العربيه بقالها فتره بتبقى عاليعه يعنى عداد ال rpm بيبقى على 2000 اول ما ادورها و بعدين تبدا تهدى شويه شويه بس كمان لما اشيل رجلى من على البنزين و احطها على الدبرياج فى مطب مثلا بيفضل العداد عالى برده كانى لسه دايش بنزين و بيستنى شويه على ما يرجع لطبيعته يا ترى ايه السبب
حاجه تانيه انا مش فاهم قوى فى الجيب فياريت تقولى ايه هى الحساسات الموجوده فى العربيه و اسعارها
و اللف شكر

أستاذ محمد انا للأسف مش هعرف افيد حضرتك فى مشكلتك لانى مش بفهم اوى فى الميكانيكا اعتقد ممكن تكون كهرباء او اسبراتير عايز يتظبط والله اعلم وبرده الأستاذ صاحب الموضوع هيفيدك اكتر
بس انا عندى أستفسار من حضرتك كنت عايز اعرف ايه اخبار أستهلاك البنزين معاك جوه البلد وفى الفضى ؟ لان انا معايا شيروكى 93 2500 سى سى مانيوال ومشكله استهلاك البنزين مجننى تخيل جوه البلد الصفيحه بتعمل 50 كيلو وأحيانا أقل كمان :(
ياريت تقولى عربيتك بتعمل قد ايه فى الصفيحه جوه وبره

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة ahmedraafat00 (المشاركة 941094)

كشفت علي الرشاشات

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة romeoalmansour (المشاركة 942011)

كشفت علي الرشاشات

هوه انا كده المفروض انى مغير الاربعه
الميكانيكى بيبص عليهم يقولى كويسين أزاى بقى ؟ بيفصل واحد واحد منهم ولما يفصله العربيه تعلى او توطى يقولى اهوه يعنى الرشاش بيحس سألته قولتله طب تتأكد ازاى انه حالته كويسه قالى بيبخ كويس لكن لو بيسيل يبقى حالته وحشه

رد: أي مشكلة في السيارات الجيب Jeep ضعها هنا وسوف نساعدك علي حلها ان شاء الله

طب حساسات البيئة شغاله كويس

روح لحد كويس يضبط لك توقيت الاشعال وبالمره يكشف علي حساس درجة الحرارة

ومتقلقش الموضوع سهل جدا وبسيط