مصر موتورز مجتمع السيارات - تغيير اضائة الانوس كامله ( فوانيس + عدادات + شنطه وصالون ) بالصور

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: تغيير اضائة الانوس كامله ( فوانيس + عدادات + شنطه وصالون ) بالصور

الكبير كبير الف شكر يا باشا

رد: تغيير اضائة الانوس كامله ( فوانيس + عدادات + شنطه وصالون ) بالصور

اقتباس:

مش عارف اعمل ايه عشان تركب مرتاحة, حاولت بكل الطرق وفي كل الدوايات مبترضاش تركب, وممكن تركب بس بصعوبة أوي ولازم أميلها سنة لليمين, ولما ركبت منورتش.

ممكن تكون اللمبات اللى حضرتك جبتها طويله سنه فبتحوش فى وش العداد الأمامى بس مش مشكله طالما بتبات مكانها يبقى خلاص

اقتباس:

لما اركب الليدات في ظهر لوحة العدادات افرق ازاي بين الموجب والسالب؟

هتركب اللمبه فى الدوايه وهتوصل الفيش فى ضهر العدادت وتنور النور

لو نورت يبقى كده تمام

لو منورتش ( هتفك الدوايه واللمبه راكبه جواها عادى وتلف الدوايه ببعضها لفه واحده ( تعكس الأقطاب ) وبعدين تركبها فى العداد تانى )

لو قابلتك مشكله ممكن تتصل بى وانا افسرهالك

اقتباس:

بفكر ارش سبراي wd-40 على مكان الفيش في ظهر لوحة العدادات بس خايف لا يبوظ حاجة.

اوعى تعمل كده

ومترشش اى اسبراى فى العدادات نهائى

وتحت امركم فى اى استفسار

رد: تغيير اضائة الانوس كامله ( فوانيس + عدادات + شنطه وصالون ) بالصور

الله ينور يا ابو يوسف

تغير نور السقف قلنا ماشى
الفوانيس مفيش مشكله
الشنطه ما يضرش
زميل لى فى العمل غير لعربيتى الحاجات ديه من اول يوم اشتريت فيه العربيه جزاه الله خير عنى
اما بقى تفك التابلوه ينهار ابيض قلبك جاااااااااااامد و الله
ربنا يوفقك وادعو الله عزوجل ان يشفيك و زوجتك شفاء لا يغادر سقما
وربنا يسترها معنا جميعا
:GROWIN~12::GROWIN~12::GR OWIN~12:

رد: تغيير اضائة الانوس كامله ( فوانيس + عدادات + شنطه وصالون ) بالصور

خلاص يا استاذ عصام شغلتهم ألف شكر.

امبارح بالليل بعد صلاة العشا قولت أحاول تاني وسميت بالله وفكيت العدادات وشيلت اللمبات القديمة وركب اللمبات الجديدة في الداوية, وزقيت الطرفين النحاس اللي في الــ 4 دوايات نفسهم لقدام سنة بسيطة بمفك صغير , و اللمبات مكنتش راضية تركب بسهولة في الأول, قعدت أحاول وفي الاخر ركبت بس بصعوبة شوية وحاسس انها مزنوقة شوية, ووصلت الفيش اول مرة وشغلت النور مفيش إلا لمبة واحدة اللي اشتغلت, قمت شيلت الفيش تاني وفكيت الــ 3 دوايات اللي مش شغالين وعكست اللمبات, وسميت بالله وركبت الفيش تاني, وأخييييييييييييييييييييير ا لقيت اللمبات كلها اشتغلت والنور بقى 100% هييييييييييييييييييييه :THUMBS~220:

بس عندي كام سؤال أتمنى من حضرتك تجاوب عليهم.

1/ عشان افك الوش البلاستيك الخارجي للعدادات بحرك الكليبسات بتاعت الوش نفسه لقدام وهو هيتفك وخلاص ولا فيه مسامير موجودة لازم أفكها الأول؟

2/ تاني حاجة بعد لما افك الوش وألون المؤشرات بتاعت العدادات لو استخدمت قلم ماركر بتاع السبورة اللي هو غير قابل للمسح ده فيها حاجة ولا هيبقى تقيل شوية؟

3/ أنا خايف وأنا بلون المؤشرات تتحرك من مكانها لفوق أو لتحت وتلخبط في القِراية, في مشكلة لو حركتهم زي الصورة كدا ولا ايه؟

4/ اخر سؤال:

ياريت حضرتك تقولي ايه حوار اللزق الواشين ده يعني هو عامل ازاي بيبقى سايل زي الأمير كده ولا حاجة تاني؟

وأحطه فين بالظبط في العدادات؟ وسعره في حدود كام؟

وإن شاء الله لما أكمل شغلي هصور العدادات وأحطهالكم.

وفي النهاية احب اتقدم بخالص الشكر ليك ياباشا الفضل كله يرجع لربنا ثم لحضرتك..جزاك الله خيرا.

أسأل الله تعالى أن يوفقك لما يحب ويرضاه في الدنيا والاخرة, وأن يرزقك من فضله, وأن يشفي أولادك وزوجتك شفاءً لا يُغادر سقماً, وأن يبارك لك في مالك وأولادك وزوجتك وأهل بيتك الكريم..اللهم آمين.