مصر موتورز مجتمع السيارات - ارشيف الاستراحة 2011

د هبه
شكرا جزيلا علي ردك المتحضر والوافي
واعذريني - لان ردك الاول اعطاني انطباع - احب الا اشعر به -
وهو انه يوجد راي واحد وتصرف واحد كل مسلم ملزم بعمله في هذا الموقف
وهذا اكثر ما اكرهه - لان لو الحكاية كده - بلاها سياسه واحزاب وصحف
وكلنا نتصرف حسب فتاوي رجال الدين في اي موقف كان
ما اردت توضيحه - ان القران والسنه اعلي من ان كل موقف - حتي ولو متعلق بشريحة الموبايل - نصدرهم فيه ويبقي انت مسلم اذا فانت اتصالات

استاذ وائل
اولا - لو اعرف ان مشاركتي في هذه المواضيع - هاتخلي مؤسس المنتدي يعلق بصفحة كاملة علي كلامي - كنت غرقتكوا ردود في كل ماليس له علاقة بالسيارات

ثانيا - لا اقصد اطلاقا التشكيك في قواعد العقيدة - استغفر الله - ولكن علي استخدامها في موضوع سياسي بحت

ثالثا - انا وانت والدكتوره هبه و90% من الناس عارفين من الاخر ان الصورة كان مقصود بها السلفيين - وانا بصراحه لم اشعر باي اهانه لان الاسلام اعلي واغلي واشمل من نقاب او لحيه

رابعا - لو ده يفرق معاكم - ساويرس اعتذر امس - وانا قرات الاعتذار قبل ما اكتب الرد -لكن لم اذكره لان الاهم هو المبدأ

خامسا - لو تسألني عن رايي الشخصي عن هذا الموضوع - ساويرس خانه ذكاؤه ان يفتح موضوع زي ده - في وقت زي دلوقتي - بس مش الرد ابدا علي كده ان نحرق كل مراكبنا ونقاطع ووووو- هناك فرق بين ساويرس الرجل الوطني المثقف - وموريس صادق المجرم الحاقد

سادسا - احنا طبعا بنهزر - وانا اعتز بكم جميعا - وتشرفت بهذا النقاش المتحضر