مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة dr tamer naguib (المشاركة 467868)

تعرفي حضرتك - نفس طريقة الردود دي هي اللي خلت الواحد يحرم يعلق علي اي حاجة ذات طابع ديني او سياسي
عارفه ليه : لان لازم الموضوع ينتهي بفتوي - وهوب - لو انت مش معانا في الكلام -يبقي انت خرجت من الملة يا باشا - وهاتندم اشد الندم علي ارائك المارقة يا فاسق

اقتباس:

المشاركة الأصلية كتبت بواسطة dr tamer naguib (المشاركة 467868)

اولا بشكر حضرتك جدا لاهتمامك بقراءة كلامي والرد عليه دة شئ يشرفني

ثانيا انا لم اقصد برايي ان انا اهاجم حضرتك بالعكس انا بوضح وجهة نظري انا ودة عادي جدا في اي مكان ان يبقي في راي والراي المضاد

رايي لم يحتمل باي صورة من الصور الهجوم بالعكس هو راي دفاعي بمعني ان انا بدافع عن فكري انا ولست اهاجم فكرك او اتحدث عنك اطلاقا واضح ان في سوء تفاهم او ان حضرتك اخذت الكلام عليك ولست انت المقصود

ولم يتم ذكر خروج من الملة او ماشابه من الاتهام بالمروق او الفسق!!! وقرات رايي مرارا ولم استنبط هذا المعني منه !!! انا لا اجروء علي نعت احد بهذه الصفات نهائيا

المقصود في حديثي هو ساويرس

معلش يعني - انا هاسأل شوية اسئلة - ومش عايز اجابه - بس هي طريقة لتوفير الوقت علشان ماكتبش 3 صفحات - وبالمناسبة مش هاتكلم في الدين لان مش شايف ان في اي علاقة بين الموضوع والاجتهادات الفقهية

ولو ده انسان حاقد وكاره الخ الخ
الم يكن شيخ الازهر - امامنا الاكبر - اولي ان يحذرنا و يحدثنا عن الولاء والبراء

1- هوا القواعد اللي حضرتك قولتيها - مايعرفهاش الامام الاكبر للمسلمين السنه شيخ الازهر لما قابل ساويرس و ساويرس قبل يده -

اما بخصوص تساؤلاتك عن شيخ الازهر
هسال حضرتك سؤال
لية تخلي الشعراوي عن منصبه !!!

والفتوي بمنع المنتقبات من الامتحان كانت جاية منين؟

واساسا ليس معني مقابلة الطرفين انه لا توجد معاملة بينهم ، لأ في معاملة ؛ بس ساويرس لما قابل شيخ الازهر مكانش عمل اللي عمله دلوقتي

كون بقي لسة مخرجش بيان من الازهر لا يعني عدم فداحة ما ارتكبه ساويرس

واللي انا كاتباه دة مقتبساه من كتب مألفها علماء في الدين برضة ,ابن كثير دة عشان يقدر يفسر لازم يدرس مش اقل من 20 علم من علوم الدين عشان يقدر يقول الي بيشرحهولنا دة

وقاعدة الولاء والبراء شوفها في اي كتاب من كتب العقيدة وحضرتك تعرف ان انا مش جايباها من عندي

وبعدين حتي تفسير الاية اللي انا قلته كان بيقول اية أي لا ترضوا بأعمالهم، ولا تميلوا إليهم، ولا تستعينوا بهم، فتكونوا كأنّكم قد رضيتم بأعمالهم

الكلام كله موجه وقائم علي العقيدة، اي عقدي، هتلاقيهم اه هتلاقيهم ،وهتتعايش معاهم وتسلم عليهم؛ لكن اعمالهم لما تكون استهزاء بيك وبعقيدتك !!!

ومع اقرار الرسول للولاء صلي الله عليه وسلم وكذلك كتاب الله (لكم دينكم ولي دين)

ولكن الرسول صلي الله عليه وسلم لما جاره النصراني في يوم لم يلقي المخلفات(لانه كان معتاد علي ذلك كل يوم!!!) امام داره ذهب ليتفقده مع انه مخالف له في الدين ولكنه عامله جيدا طيب لية لسبب بسيط جدا ان الاذي هنا كان شخصي ولا يمس العقيدة!! لم يستهزا بدينه

احداث امبابة اللي فاتت بعد ما اناس عرفت ان الفلول هم اللي كانو السبب

جابو الناس وصوروهم هناك الوضع طبيعي جدا ومفيش اي مشاكل بينهم لان خلاص عرفو ان في حد بيجري ورا المشاكل

2- تعميم الكلام - والخلط بين (المؤمنين والصحابة والتابعين) - و(المسلمين)
هو في الواقع تعميم مضلل
يعني بالبلدي كده - فيه مسيحيين انا ائتمنهم علي حياتي
وفيه اخواتنا من المسلمين - رزعوا دماغ خالد سعيد في رخام السلم حتي الموت
ومنهم كانوا قناصة في التحرير
ومنهم كانوا بيعلقوا الناس في السقف زي الدبايح

فمعلش يعني - الكلام اللي علي الصحابه والتابعين - مش علي الناس بتاعة دلوقتي اللي - بلاش احدد نسبة مئوية - لحسن نزعل من بعض- حدث ولا حرج
نصب وكدب ونفاق وشهادة زور واكل اموال الناس بالباطل الخ الخ

اما بالنسبة للنقطة الثانية في حديثك قال تعالي ومن أهل الكتاب من إن تأمنه بقنطار يؤده إليك ومنهم من إن تأمنه بدينار لا يؤده إليك إلا ما دمت عليه قائما

يعني في منهم امين ومنهم ليس بذلك زي ما احنا في مننا المقصرين ومننا المتقين وهم الصحابة والتابعين والمسلمين مش كله يندرج تحت الاسلام؟

ما هو احنا لازم نبقي زيهم لان هو دة اسلامنا وربنا يعينا جميعا علي ذلك

احنا بنتكلم عن الدين الاسلامي وليس عمن يتبعونه
صحفي في الاهرام غلط يبقي الاهرام وحش!!
طبيعي جدا ان المسلمين بحق اقل من عهد الصحابة لان الرسول اثبت ذلك في حديثة

عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي عن أبي عبد السلام ، عن ثوبان ، قال قال رسول الله -صلى الله عليه وسلم- :
" يوشك الأمم أن تداعى عليكم كما تداعى الأكلة إلى قصعتها " ، فقال قائل : ومن قلة نحن يومئذ ؟ قال : " بل أنتم يومئذ كثير ، ولكنكم غثاء كغثاء السيل ، ولينزعن الله من صدور عدوكم المهابة منكم وليقذفن في قلوبكم الوهن " ، فقال قائل : يا رسول الله وما الوهن ؟ قال : " حب الدنيا ، وكراهية الموت " .

عَنْ أَنَسِ بْنِ مَالِكٍ قَالَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ وَدِدْتُ أَنِّي لَقِيتُ إِخْوَانِي قَالَ فَقَالَ أَصْحَابُ النَّبِيِّ صَلَّى اللَّهُ عَلَيْهِ وَسَلَّمَ أَوَلَيْسَ نَحْنُ إِخْوَانَكَ قَالَ أَنْتُمْ أَصْحَابِي وَلَكِنْ إِخْوَانِي الَّذِينَ آمَنُوا بِي وَلَمْ يَرَوْنِي

كناية عن قسوة هذا الزمان وانتشار الفتن فيه

3- 10 سنين مع الراجل ده تثبت هو مين
لو كان حاقد او كاره او او - كان اكيد ظهر- كان اقل شئ ماكانش اكتر من 80% من موظفين شركاته مسلمين - وبلاش والنبي الرد الجاهز من نوعية
- مايقدرش لانها سياسة دوله, لا ياسيدي يقدر بحكم حجم امواله وعائلته
- مايقدرش علشان مش هيلاقي كفاأت - هاقول لحضرتك قديمه - ماكل شركات السلف والاخوان ماشيه بيهم بس - وبرضه عشان ماحدش يزعل - شركة فريش للاجهزة الكهربائية مافيهاش ولا مسلم في اي فرع او موقع عمل في الشركه بالكامل

طيب عظيم جدا

كان كويس 10 سنين ...... حضرتك اللي قلت ، اشمعني بقي معملش الكلام دة الا دلوقتي؟

بعد ما البلد انهارت ومفيش رئيس دولة وفي دستور هيتحط اية اللي خلاة يفكر كدة دلوقتي اشمعني التوقيت دة

4- ليه الكلام اتحول من نقاطعه - ل نقاطعهم ؟؟
مش دي كراهية الاخر اللي ما بتصدق تعبر عن نفسها في اي وقت وباي حجه
افترضي انه غلط (لوحده) - يبقي نقاطعهم !!!!!!!!!

المقصود بنقاطعهم هو شركة موبينيل لان احنا اصلا داخلين في موضوع بيقول نقاطع موبينيل ككيان تابع لساويرس ودة واضح جدا انا مش هقول نقاطعه ساويرس احنا مش عايشين معاه احنا هنقاطع الحاجة اللي بيعملها اللي هي الشركة

من الاخر اسهل شئ - ان نتحمس و ننفعل - ونكره
بس الاصعب ان نتروي و نفكر ونسامح ونعذر
واللي اعرفه ان رفعة شان الدين في سمو اخلاق افراده وليس بقوة سلاحهم او تعصبهم
والله علي ما اقول شهيد

في النهاية اختم حديثي واقول ان رايي خطا يحتمل الصواب ورايك صواب يحتمل الخطا واتمني اني اكون ازلت سوء الفهم عندك وتقبل تحياتي وهذا هو رايي

اللهم بلغت اللهم فاشهد

الرد في الاقتباس ,,,