|
|
رد: سيارات مستعملة للبيع-متجدد
بالنسبة لاسعار المستعمل الدكتور هيفيدك بيها اكتر منى
بالنسبة للانسر 2002 فهى عربية عادية لكن زى اى عربية ممكن تعديلها للوصول لاداء رياضى بالنسبة للكوبية فهى برضو عربية عادية رغم ان شكلها رياضى لكن لو عايز اداء رياضى حقيقى ممكن تعديلها برضو وتعديل العربيات ممكن نتناقش فيه فى قسم التعديلات اما تفاصيل العربيات الفنية والمواصفات ممكن تلاقيها فى كل قسم خاص بيها او تسال المختصين والمشرفين فى نفس القسم وصعب المقارنة بينهم لان كل حاجة غير التانية تماما |
رد: آخر أسعار سوق المستعمل
اقتباس:
فيرنا 2007-2009 لانسر 98-2001 يعنى كريستالة أول مو2001 المكواه لو لاقيت حاجة ب55 صنى 2000-2002 وهى الافضل على الإطلاق فى قوة التحمل والثبات والموتور |
رد: سيارات مستعملة للبيع-متجدد
دكتور تامر
معلش استفسار كبير شوية وخصوصا انها اول عربية لدى 45 الى 50 الف امامى 405 برستيج 2000 سى سى على 48 الف كاملة اتوماتك ( بالمناسبة انا حابب جدا اركب عربية اتوماتك لانى سوقتها امريكانى قبل كده وكانت ممتازة ) لكن من قرايتى هنا لقيت فى نفس المستوى السعرى فى ( صنى + كرولا +كريستالة + أوبل ) 98 + 99 كمان ( لانوس + نوبيرا ) 2003 + 2004 + 2005 بس مكروه الاوتوماتيك فيها بشكل عام انا عايز عربية يكون عضمها ناشف تستحمل السفر بالعائلة مشاوير طويلة وبشكل مستمر & يكون فيها كل الكماليات & استهلاكها للبنزين اقتصادى وقطع غيارها بنت حلال ومعمرة & وياريت لو اتوماتيك معلش فى سواقين كتير قالولى ان الاتوماتيك ما ينفعش هنا فى مصر وانه بيبوظ بسرعة ولما قولتلهم انى سوقت بويك و دودج اتوماتك قالولى ان ده حاجة مختلفة عن اتوماتيك دلوقتى اسف للأطالة ويا ترى ايه رأيك فى الكلام ده كله؟؟؟؟!!! وجزاك الله خيرا |
رد: سيارات مستعملة للبيع-متجدد
دكتور ايه رايك فى اوبل فكترا موديل 99 وتعمل كام لو حالتها حلوه وهل قطع غيارها غاليه والا مقدور عليها ؟؟؟
|
رد: آخر أسعار سوق المستعمل
بصراحه انا داخل دماغي لانسر 2002 او 2003 ( مكواه ) بس مش عارف بقي ايه مميزاتها و ايه عيوبه يعني ثابته ولا لا تستحمل سفر طويل و العفشه و كده و استهلاك البنزين ياريت تقولي مميزاتها و عيوبها لان دي اول عربيه و خايف يعني تطلع وحشه فيرايت بعد اذنك تقولي عيوبها و مميزاتها معلش هتعبك معايا
|
| الساعة الآن 01:45 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017