مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 665586)

الله يكرمك وطبعا الشكر لله عز وجل وحضرتك تؤمرنى فى اى شىء تطلبه

بالنسبه حضرتك للسيارة 131 فاقل سعر لها بحيث تكون بحالة جيده
هو 18 الف او 20 الف
وهيا جر خلفى (كارونة)

وبالنسبه لافضل سيارة فى حدود مبلغ ال 10000
هى كما ذكرت سابقا هى 128 موديل سبعينات

لاكثر مة سبب
1:سهولة الصيانه
2:توافر قطع الغيار ومن اكثر من مصدر
مثال
الكبالن مثالا فيه منها
صينى : 100 جنية
صينى نضيف :120جنية
يوغوسلافى:190جنية
ايطالى :200جنية
ايطالى نضيف:300جنية

فطبعا كل شىء من حيث قطع الغيار متوافر بجميع الانواع

3:سرعة البيع لو حضرتك فكرت تبيعها هتبيعها على طول
4:ممكن حضرتك لو تعمقت فيها شوية تبقى تصلح حاجات فيها لوحدك

وانا عن نفسى بفضل نظام الجر الامامى لاكثر من سبب

1:سهولة الصيانه
2:رخص قطع الغيار
مثال
لو حضرتك باظ عندك الكبالن هتجيب مثالا جوز كبالن صينى نضيف ب 120 لو عاش سنه او سنه ونصف انت الكسبان

ولكن الكارونة عمرها طويل مثالا ممكن تعيش 4 او خمس سنوات
ولكن لو باظت ممكن تدفع فى تصليحها 2000 جنية او اكثر

وطبعا حضرتك اقل مصاريف صيانه شهرية
150-300 جنية
بدون البنزين

فاسئل الله العلى العظيم القدير ان يوسع عليك رزقك ويوسع عليك معيشتك ويبارك لك فى مالك وصحتك واولادك وزوجتك وعمرك واهلك ويدخلك الجنة بلا حساب ولا سابق عذاب

اخوك فى الله سيد

اخى سيد امامى سياره سيات ماربيلا موديل 81 وهى للعلم سياره اله جرها الاساسيه 127 كامله موتور فتيس عفشه حتى الدركسيون وهى مكوناتها الاصليه لكنها اوسع واعلى من ال127 سعرها هادى وسألت على قطع غيارها كلها موجوده بوفره لانها 127 لكنها محتاجه شويه بويه نضاف وتبقى حكايه ايه رأيك اتوكل على الله ولا ايه انا مش عاعمل حاجه الا لما ترد عليا الفرش والتابلوه والعدادات كويسه بس زى ما قلت شويه بويه وسعرها على قد الخميره ومعاها البويه والترويش ارجوك رأيك

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة تيتو المصرى (المشاركة 666707)

والله يا اخى نصيحتى ليك بلاش لان مهما كان فيه تشابه بينها وبين ال 127 اكيد فى حاجات كتير مش هتكون غير ليها ومش هتلاقيها نصيحتى لو هيا زى ال 127 يبقى اشترى 127 وريح نفسك ولو على حاجه تبقى على اد الخميرة يبقى ممكن تجيب عربيه سيات ب 5000 جنية بس متظبطه شوية وممكن ارخص كمان
وربنا يوفقك باذن الله ويعطيك افضل عربيه ان شاء الله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

حد موجود يا جماعه عايز رأيكم فى السياره فولفو 244 موديل 78 بس محتاجه شغل فى الموتور والعفشه

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة تيتو المصرى (المشاركة 667721)

حد موجود يا جماعه عايز رأيكم فى السياره فولفو 244 موديل 78 بس محتاجه شغل فى الموتور والعفشه

مع ان ده موضوع بتاع 128 بس مفيش مانع انور بصيرت حضرتك

بص حضرتك العربيه من حيث المميزات

1:العربيه ركوبه على حق يعنى بتبقى راكب عربيه اسم على مسمى مش راكب بسكوته زى ال 128
2:فيها تكيف وباور وممكن زجاج كهرباء و مرايات كهربا حسب الدنيا اللى فيها
3:موتور قوى اعتقد حوالى 2400 سى سى

4:عربيه بتاعت سفر وحمالة اسيه بجد وبتبقى راكب وحش على حق

5: سعرها مناسب بحيث ان اغلى واحسن حالة فيها بتبقى ب 30 الف ده لو مش محتاجه جنية مصاريف

6:مبيهمكش بقى شوارع مكسرة مدغدغه لانها هى اللى هتدغدغ الشارع مش العكس

نيجى بقى للعيوب

1:قطع غيار غالية نار ده لو لقيتها اصلا
2:العربيه بتاكل بنزين كتييير اوووووووووى
3: الضريبه بتاعتها عاليية اووووى
4:التحكم فيها صعب وعاوز سواق بجد لانك راكب وحش زى ما قولنا وميتحكمش فى الوحش الا الوحش اللى اقوى منه
5:العربيه ابعدها كبيره اوووى
6:سعر اعادة بيع فى الضياع ولو حبيت تبيع هتقعد سنه لغاية ما تبيعها

وحضرتك بتقول الموتور والعفشه عاوزين شغل يعنى مش هتصرف اقل من 5 الالف جنيه وانت طالع شوف انت بقى ومتنساش قطع الغيار زى ما بقولك مش موجوده وساعات بتضطر انك توفق لها حاجات من عربيات تانية علشان تمشى الحالة بس بنسبه 70 % الاحاجه مبتبقاش راكبة صح 100%
فنصحتى ليك لو انت غنى ومعاك فلوس تصرف بالجامد هاتها علشان العربيه ديه بالذات لما بتصرف عليها بتلاقى منها مقابل
وبتريحك مش هيكون معاك تصرف عليها هتشوف منها ايام سوده
ههههههههههههه

وبتعبير اخر العربيه ديه عامله زى بنت الباشا اى حد يقدر يتجوزها بس هل يقدر يصرف علي بنت الباشا علشان يعيش فى نعيم ولا مش هيقدر ؟؟؟

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

استاذ سيد عندي سؤال وانا بلف في اشاره شمال مثلا وبجيب العجل علي الاخر في اتجاه الشمال بسمع طقطقه عند الجانب الشمال بس مش بسمعها لو لفيت العجل الناحيه التانيه ارجو النصيحه وربنا يستر