مصر موتورز مجتمع السيارات - كل ما يخص بيجو 405

اقتباس:

المشاركة الأصلية كتبت بواسطة soudy_ma (المشاركة 227377)

السلام عليكم و رحمة الله و بركاته
اخى الكريم نور اخوانى الكرام اعضاء اول مشاركه لى و عندى تقريبا مشكله عويصه
انا اشتريت عربيه 405 فرنساوى 2000 سىسى فابريكه بره و جوه كانت عند واحد مستشار محافظ عليها موديل 92 و تقريبا من ساعة ماشتراها لم يفك فيها سلك
المهم انا اشتريتها من 9 شهور و كانت العربيه تمام غير ان العربيه كانت بتاكل زيت , فالميكانيكى قال لى ان العربيه عاوزه طقم شنبر و دسك و اسطوانه
و بالفعل عملت طقم الشنبر و الدسك و الاسطوانه و اتكلفت العربيه تقريبا 3250
المهم كنت فى التلين ال 1000 كيلو الاولى بعد الشمبر العربيه تمام و عملت بعدها سيرفيس كامل عند الميكانيكى و تانى يوم خت العربيه كنت مشغل التكييف و انا ماشى على الدائرى سمعت صوت حاجه ضربت فوقفت العربيه و رفعت الكبوت لقيت العربيه ضربه جلدة المياه
و جاء الميكانيكىو خد العربيه قطر للورشه و قاللى ان وش السلندر كان عاوز يتربط و بعد يوم كامل استلمت العربيه و من ساعتها سخونه فى السياره الحراره تطلع ل93 درجه ارجع للميكانيكى قال العيب فى المراوح المهم ضبط المراوح و مشيت بعد اسبوع سخونه غير عاديه عند تشغيل التكييف
رجعت لبتاع التكيف قال ان العربيه فيها مشكلة مراوح مش بتشتغل السرعه الصوى فظبط المراوح و مشيت
اليوم اللى بعده سخونه ............... الللى بعده صوت فى الكبلن محدش عرف الصوت جاى من اين الا لما نزلو الفتيس ........تم ضبط الكبلن ........روحت بالعربيه وواقف امام المحل لقيت زيت بنزل من الكوبل .....رجعت العربيه تانى...........ظبطت العربيه و مشيت بيها و الحقيقه وفت اشغل التكييف احسن ما العربيه تعطل . لكن جربت و شغلت فالحراره ارتفعت مع انها كنت لما اشغل التكيف الحراره كانت بتنزل ل 70
المهم رجعت العربيه تانى للميكانيكى و بتاع التكييف اصلهم جنب بعض و انا منتظر الان انها تتصلح
المهم بعد كل الدوشه ده انا قررت ابيع العربيه لانى فعلا اتخنقت من العربيه لكنى لقيت حضرتكم فى هذا المنتدى بتشكوروا فى العربيه ف قلت اعرض عليكم الامر يمكن يكون فى حل
و اسف مرة تانيه على الاطاله

وعليكم السلام ورحمة الله وبركاته

تقريبا والله اعلم الميكانيكي وبتاع التكييف شافينك سبوبة حلوة ليهم كل شوية حاجة تعطل ومبيعملوش الشغل كويس
والدليل
و جاء الميكانيكىو خد العربيه قطر للورشه و قاللى ان وش السلندر كان عاوز يتربط و بعد يوم كامل استلمت العربيه و من ساعتها سخونه فى السياره الحراره تطلع ل93 درجه ارجع للميكانيكى قال العيب فى المراوح المهم ضبط المراوح و مشيت بعد اسبوع سخونه غير عاديه عند تشغيل التكييف
رجعت لبتاع التكيف قال ان العربيه فيها مشكلة مراوح مش بتشتغل السرعه الصوى فظبط المراوح و مشيت
اليوم اللى بعده سخونه ............... الللى بعده صوت فى الكبلن محدش عرف الصوت جاى من اين الا لما نزلو الفتيس ........تم ضبط الكبلن ........روحت بالعربيه وواقف امام المحل لقيت زيت بنزل من الكوبل .....رجعت العربيه تانى...........
مفيش اي صنايعي عاقل ابدا مهما كان يفرح بعربية ترجعله كل يوم ده ان دل فدليل على ان شغله مش كويس ممكن عربية تركن عنده اسبوع مش فاضي بيعمل في كذا حاجة او العربية تمشي وتعدي عليه تعمل صيانه كل اسبوعين تلاته يربط على عفشة يظبط تاكيهات لكن يعالج مشكله يبقى فيه انننننن

كان عندنا 504 زمااااااان وكان فيها مشكلة في الديسك والعفشة والماتور روحت للميكانيكي عمل شغله وكانت غويشة الفتيش بتاعت التاني بتعلق دورت عليها ملقتش منها خاااااااااااالص المهم قلتله ركب القديمة على الاول ونمشي بيها لما ربنا يفرجها ونلاقي واحده هيا كانت المشكلة انها بتعض لما تاخد الغيار فعاوز تاخد الغيار هادي قوي ومكنش فيه حل غير كده
تاني يوم كانت بتعض جامد جدا روحتله
قعد يزعق وانا مش حرامي وانا وان وانا وانا عربية تجيلي امبارح تحل ماتور وتاني وتمشي وترجعلي تاني يوم تحل المتور تاني لاااااااااااااااا انا مش نصاب وانا مش حرامي ورجع حل المتور تاني وكان راجل محترم ومرضيش ياخد فلوس المرة التانية
خلاصة الكلام ان فيه كتير صنايعيه مش صنايعيه او عارفين بيعملوا ايه بس عاوزين يطلعوا مصالح كتير من ورا الزبون
دور على واحد كويس واتعامل معاه واكيد نور عارف حد كويس يدلك عليه