رد: اسئلة تهم المبتدئين فى عالم السيارات
 

فرملة اليد يا كبير فى اى عربية لازم تكلبش العجلتين الخلفيتين ..

متفرقش بقى جر امامى او دفع خلفى او رباعى حتى ...

رد: اسئلة تهم المبتدئين فى عالم السيارات
 

اولا : كل البوجيهات اللى فى الدنيا بتتوصل بسلك للموتور امال هتاخد كهربا من فين .. لكن فى سلوك اسبور ودى ممكن ترفع اداء العربية ولكن بنسبة لا تذكر (2 حصان مثلا)

ثانيا : فلتر الهوا ده اسمه فلتر اسبورت وده بيزود حوالى 5 حصان (على حسب استعداد الموتور) وبيعمل صوت رياضى .. وفكرته انه بيدخل كميه هوا اكتر للموتور فبيزود كفائة حرق البنزين ..


ثالثا : شئ عادى جدا لان عربيتك انجيكشن وطبيعى جدا انها تعمل كده (بسبب حساس idle ) ومفيش اى مشكلة واللى قالك ده عيب يبقى غلطان .. وكمان عتلاحظ لو العربية بارده او لما تدور سرعة الـ rpm هتكون على واحد او اعلى حاجة بسيطة وده برضه شئ طبيعى ومتقلقش منه كل العربيات الانجيكشن كده ...


رابعا : يا ريت توضح اكتر النقطة دى وهل الهزه دى بتبقى على السلانسية بس ؟
وهل لازم تكون مشيت مشوار طويل علشان يحصل كده ؟ وهل بترجع تبقى طبيعية تانى ؟




اتمنى اكون افدتك يا باشا ..

تحياتى ونورت المنتدى ....

رد: اسئلة تهم المبتدئين فى عالم السيارات
 

دول موضوعين مهمين ومتكاملين عن موتور العربية بانواعه والفتيس المانيوال والاتوماتيك (شرح مفصل بالصور)

المحرك بانواعة
http://www.masrmotors.com/vb/showthread.php?t=35617

الفتيس المانيوال والاتوماتيك
http://www.masrmotors.com/vb/showthread.php?t=36421

يا رب تستفيدوا منه ...

رد: اسئلة تهم المبتدئين فى عالم السيارات
 

اولا تحيه للاخ حسام البورسعيدى على معلوماته القيمه
انا كنت انقطعت فتره طويله بسبب انى كنت اسال ولا احد يجيب
ولكنى الان شايف نشاط فى صفحه المبتدئين وده جميل جدا
عندى سؤالين
الاول:سؤال فنى والتانى سؤال ادارى ممكن اساله فى وقت تانى
الاول:يعنى ايه العربيه تجيب اسطوانه(لا قدر الله)
وايه مقدامتها وتعرفها ازاى فى العربيه؟
ولكم جزيل الشكر

رد: اسئلة تهم المبتدئين فى عالم السيارات
 

يا باشمهندس أحمد اباظة ممكن تفهمني إيه هو بلف التنك وأين موضعه وما هي وظيفته ولك مني مقدما وافر الشكر