مصر موتورز مجتمع السيارات - ما هي عيوب ومميزات ماتركس

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - ما هي عيوب ومميزات ماتركس (https://www.masrmotors.com/vb/showthread.php?t=15448)

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة كاكا (المشاركة 314947)

معلش مع احترامى للجميع ... السيارة بها بعض المشاكل

* الدبدبة فى المطباط عفشة ناشفة . مش ناشفة اوي امال لو جربة الجنط 15 ها تقول ايه علي العفشة. الجنط ال 14 ارحم بكتير.

* اسطوانة الدبرياج ضعيفة فى المطالع و خاصة اذا كنت محمل و ممكن تشم ريحة شياطها. مش عرف لأني مستقاش مانيوال

* صعب انك تشد بالسيارة مع احد او تخرج من مواقف صعبة بسرعة يتطلبها الطريق الا اذا سقطت غيرات و فحتت الموتور يعنى السيارة ثقيلة على الموتور. تشد مع حد زي مين هوندا سفك يعني مش هاتعرف بس مع موديلات كتير تانية بتشد وزي الفل بس متباقش مشغل التكييف وتعمل غرزة لو عربيتك اتوماتك

* سواقتها تجعلك تشعر بأنك تقود ميكروباص و مش هيكتشف الحكاية دى الا اللى جرب فعلا يسوق ميكروباص. راي يجب ان يحترم بس قعدتها مريحة قوي للناس الطول زي حلاتي.

* صعوبة رؤية ابعادها و خاصة اثناء الركنة. يا راجل ده نص الماتركس اللي في بلد سيقها ستات يبقة صعبة ازاي.

* صوت الموتور يعتبر عالى داخل الكبينة على السرعات العالية . ايوه علشان كده لازم تقفل الشباك وانت بتجري وها تلاقي الصوت خف شوية.

* خامات البلاستيك المستخدمة فى الكابينة متوسطة المستوى . ماشي

* توكيل السيارة نصاب و من اسوأ التوكيلات سمعة فى مصر . لله الأمر من قبل ومن بعد مع اني عمري ما زرته

* قطع الغيار الهامة و الاصلية مثل الكبالن اسعارها خيالية و مبالغ فيها جدا. مش غالية اوي يا باشا وبعدين انت مش ها تغير كوبلن غير كل فين وفين.

* و اخيرا ابشع عيب و هو وجود فلتر البنزين داخل تانك البنزين اسفل الكنبة الخلفية
و طبعا وجود الفلتر داخل التانك له هدف عند هيونداى و هو ان حضرتك تصبح مرتبط بالتوكيل دائما .

و بعد ان كنا بنغير فلتر البنزين بنفسنا فى 5 دقائق فى اى عربية اخرى لازم نروح التوكيل علشان الفلتر
يا اما تروح عند الميكانيكى و يعملك حوار فتحا و نصبا علشان حتت فلتر و انت
بتدعى ربنا انه يعرف يغيره و يرجع التانك مقفول كويس زى ما كان من غير خسائر
او حريق لا قدر الله او انك تشم ريحة بنزين بعد كدة و انت مشغل التكييف .
الموضوع بسيط مش صعب قوي وبعدين انت مش بتغير فلتر كل شهر المهم حط 92 ومتخليش لمبة البنزين تنور.

و للعلم انا قرأت شكاوى لناس كتير فى المنتديات عن انهم بيشموا رائحة غريبة
بعد تشغيل التكييف فترة طويلة و فى ناس اكتشفت انها رائحة بنزين اتية من التنك
اسفل الكنبة الخلفية نتيجة عدم اغلاقه بأحكام بعد تغير الفلتر و فى ناس شمة الريحة و مش عارفة دى ريحة اية اصلا او جاية منين. .

مفيش عربية كاملة وخالية من العيوب بس عيوب الماتركس بسيطة وبتظهر مع استعمال العنف مع العربية ومتنساش انها عربية عائليه والله العظيم عائلية

رد: هيونداى ماتريكس ..هل فعلا سيارة تستحق الاحترام ؟

العربية دى فعلا عائلية ومحترمة جدا مش بتاعة شد وجرى واللذى منه مش لازم كل العربيات تبقى بتاعة غرز اللى عايز يسوق بالطريقة دى يشترى حاجة مناسبة كوبيه مثلا لانه غالبا بيكون ليس معه اطفال ولايحتاج اكثر من كرسيين كل نوع عربية له استخدامات معينة الكابورليه للى بيحب الشمس والهوا الكوبيه للى بيحب الجرى العائلية للى بيحب الرزانة ال 4*4 للى بيحب السفارى والاخيرة دى برضه رغم قوتها مش بتاعة جرى وغرز والا ستكون العواقب وخيمة واخيرا البايك لمحبى الانطلاق ولهذا نوعت مصانع السيارات انتاجها كل حسب احتياجاته

رد: هيونداى ماتريكس ..هل فعلا سيارة تستحق الاحترام ؟

اقتباس:

المشاركة الأصلية كتبت بواسطة كاكا (المشاركة 314947)

معلش مع احترامى للجميع ... السيارة بها بعض المشاكل

* الدبدبة فى المطباط عفشة ناشفة .
معاك فى دى و مفيش مناقشة

* اسطوانة الدبرياج ضعيفة فى المطالع و خاصة اذا كنت محمل و ممكن تشم ريحة شياطها .
اناغير متفق معاك فى دى لانى جايب العربية دى وعارف انها هتشيل احمال كتيير
ياراج انا حبت فيها 20 متر سيراميك-باشطب الشقة - و ماشاء الله لا فى شكوى من الموتور و لا العفشة ولا شميت ادنى رائحة
ممكن يبقى لو الديسك او الاسطوانة او البلى مش اصليين

* صعب انك تشد بالسيارة مع احد او تخرج من مواقف صعبة بسرعة يتطلبها الطريق الا اذا سقطت غيرات و فحتت الموتور يعنى السيارة ثقيلة على الموتور .
مع المانيوال -مع احترامى -طول ما انا على ارض اسفلت و رجلى مظبوطة ع الشعرة على البدالات ما يحصلش الكلام ده

* سواقتها تجعلك تشعر بأنك تقود ميكروباص و مش هيكتشف الحكاية دى الا اللى جرب فعلا يسوق ميكروباص .
عشان ما سقتش ميكروباص ما اقدرش احكم

* صعوبة رؤية ابعادها و خاصة اثناء الركنة
مسألة تعود و ممكن اشوف الجنبين كويس اوى بس لو فيه جسم مش مرئى و طولة فى مستوى الاكصدام استحالة يتشاف و عشان كده ركبت الباركينج سينسور

* صوت الموتور يعتبر عالى داخل الكبينة على السرعات العالية

صوت الموتور مش عالى و لكن العزل وحش جدااااا و مكن تتأكد لو مدور العربية -بعد ما تسخن -و انت قافل الزجاج كله

* خامات البلاستيك المستخدمة فى الكابينة متوسطة المستوى .
صح 100*100

* توكيل السيارة نصاب و من اسوأ التوكيلات سمعة فى مصر .
مش اسوأ توكيل بس نصاب

* قطع الغيار الهامة و الاصلية مثل الكبالن اسعارها خيالية و مبالغ فيها جدا .
ممكن

* و اخيرا ابشع عيب و هو وجود فلتر البنزين داخل تانك البنزين اسفل الكنبة الخلفية
و طبعا وجود الفلتر داخل التانك له هدف عند هيونداى و هو ان حضرتك تصبح مرتبط بالتوكيل دائما .

و بعد ان كنا بنغير فلتر البنزين بنفسنا فى 5 دقائق فى اى عربية اخرى لازم نروح التوكيل علشان الفلتر
يا اما تروح عند الميكانيكى و يعملك حوار فتحا و نصبا علشان حتت فلتر و انت
بتدعى ربنا انه يعرف يغيره و يرجع التانك مقفول كويس زى ما كان من غير خسائر
او حريق لا قدر الله او انك تشم ريحة بنزين بعد كدة و انت مشغل التكييف .

و للعلم انا قرأت شكاوى لناس كتير فى المنتديات عن انهم بيشموا رائحة غريبة
بعد تشغيل التكييف فترة طويلة و فى ناس اكتشفت انها رائحة بنزين اتية من التنك
اسفل الكنبة الخلفية نتيجة عدم اغلاقه بأحكام بعد تغير الفلتر و فى ناس شمة الريحة و مش عارفة دى ريحة اية اصلا او جاية منين
صح بس ما جاتش فى جمل
و على فكرة انا بأقول على اللى انا جربته و عربيتى عاملة معايا ايه ممكن تبقى اعطالها قليلة وممكن بقى تبقى فاتحة بقها
.

و شكرا على الردود و اسف ع الاطالة

رد: هيونداى ماتريكس ..هل فعلا سيارة تستحق الاحترام ؟

تقرير جميل ووافى وغير متحيز واللى عاجبنى اكتر انتقاد العربيه من بعض الاعضاء ومافيش خناقات زى مابنشوف فى اقسام تانيه
مبروك للى معاه العربيه ورايى انها مناسبه جدا وعمليه وانا كمان بحب المانيوال

رد: هيونداى ماتريكس ..هل فعلا سيارة تستحق الاحترام ؟

طبيعي يكون الفتيس الاوتو ابطاء من المانيوال في السرعه القصوى و التسارع
واستهلاكه من البنزين اعلا
لكن ده ميعتبرش عيب فني في العربيه
كل الفكره هي معادله ... حسب الاحتياج أو الرغبه
انا شخصيا بحب سواقه المانيوال .. لأني بحس اني متحكم في العربيه اكتر و بستغل طاقه الموتور افضل
لكن لما لقيت ركبتي الشمال بتوجعني من مشوار الدبرياج رايح راجع كل يوم ومشاويري كتير و الزحمه ملهاش حل .... جبت اوتو

بالنسبه للثبات يا استاذ احمد ... فأنا قصدي ان العربيه ثباتها كويس .. مش بس كميني فان
العربيه ثباتها احسن من عربيات سيدان معينه منتشره وناس راكباها و عماله تجري بيها ليل نهار
هي طبعا مش بتاعه شد و غرز
لكن ساعات الواحد بيتحط في موقف او يضطر ياخد غرزه ... و الحمد لله عمرها ما كسفتني
العربيه بتميل في الملفات او لما ترد من غرزه لانها عاليه
لكن عمرها ما حدفت و لا عرضت .. اقصى حاجه العجل يصفر .. وانا بتكلم عن ملف ضيق على سرعه 100 او 120 كم/س
بس هي برضو مش بتاعه الكلام ده
المشكله بالنسبه ليا انها صحيح ثابته لكن الدريكسيون مبيدنيش الاحساس بمدى ثباتها ... ودي حاجه مش ظريفه خالص ... لأن العربيه اللي تنقل احساس الطريق تقدر تقدر بيها كويس وتعرف حدودها كويس ... لكن الماتريكس انا مش عارف حدود ثباتها ايه ... و مش عايز اعرف ... لأن علشان اعرف معناها اني اوصل بالعربيه لمنطقه اختلال توازن او ثبات ...
والحمد لله موصلتلهاش و لا عايز اوصل لها