|
|
رد: لو معاك 5 مليار هتعيش إزاي؟
متابع......
|
رد: هل تخجل من نفسك لأنك لست مجنوناً ؟
اقتباس:
على فكره انا مع المعنى العام للمقال وهو ان الانسان المعاصر العاقل بيرتكب افعال مجنونه في ظل تسارع وتيرة الحياه زي مثلا الخناقات اللي بتحصل على القهاوي اثناء وبعد ماتشات الاهلى والزمالك بين ناس قاعدين بيتفرجوا على ماتش بينهم وبينه مئات الكيلومترات ونتيجته لن تؤثر في حياتهم حاجه ولا هاتقدم ولا هاتاخر وتلاقيهم نازلين ف بعض ضرب ايه الجنان ده ده لو ف يوم لاعب من اللي هما محموقين عشانهم قابلهم صدفه مش ها يعبرهم وهايبصلهم على انهم كائنات وضيعه لا يليق له ان يعيرهم اي اهتمام .... وده جنان برضه ان المجتمع مدي للي زي ده مكانه فوق مكانه البطل والمنتج والعامل الشقيان ودكتور الجامعه مهو كل ده جنان ومن الجنون اننا نكون دوله مديونه ونجيب مدرب اجنبي نديله فلوس كتييير اوي عشان ماتش كوره ايه رايك اهو ده الجنان ف نقطه واحده هايفه ف المجتمع ادخل انت بقى وناقشني بالعقل |
رد: هل تخجل من نفسك لأنك لست مجنوناً ؟
من الجنان الأزلى إننا نضيع فلوسنا فى حاجات فارغة ومالهاش أى لازمة ، خد عندك خبر قريته النهاردة الصبح ، الأمير الوليد بن طلال اللى عنده فلوس مش عارف يوديها فين تعاقد مع شركة اير باص لتصنيع طائرة خاصة بجنابه وهى أكبر طائرة فى العالم لنقل الركاب وجعلها قصر طائر مكون من دورين وبها حجرات للنوم وصالة ألعاب وحمام للسباحة وتجهيزات خاصة ، تكلفت هذه الطائرة 485 مليون دولار
لقد تعدى ذلك مرحلة الجنون ليصبح سفهاً ما بعده سفه فقد يصبح الثراء درباً أو قل سبباً فى جنون صاحبه ، والأمثلة كثيرة |
رد: هل تخجل من نفسك لأنك لست مجنوناً ؟
طائره فيها حمام سباحه؟؟؟
غريبه حبتين بس الفلوس بتعمل كل حاجه...وفي الاخره هيتحاسب وزي ما اعرف ان الغني حسابه اصعب لان ربنا اعطاه فيساله فيما صرفه...اما الفقير فحسابه اسهل...:fun_36_3_1[1]:ROSE4U |
جاوب على السؤال الذي يحمل شهر ميلادك
وجدت على الفيس لعبة ظريفة
عبارة عن 12 سؤال عشوائى كل واحد يجاوب الرقم اللى يوافق شهر ميلاده الاسئلة : 1-احلى ذكرى ؟ 2-إسم صديقك المفضل ؟ 3-اسوأ خبر سمعته ؟ 4-شخص لاترفض له طلبا ؟ 5-من مطربك المفضل ؟ 6-ماهي التجربه التي تتمنى تكرارها ؟ 7-باقة ورد بتهديها لمين؟ 8-ماهو اكثر شئ تخشاه ؟ 9-مالذي يشعرك بأكثر قدر من الحرج ؟ 10-رسالة وصلتك من مجهول فممن تتمنى ان تكون ؟ 11- أكلتك المفضلة ؟ 12-من هو توأم روحك ؟ منقول |
رد: هل أنت من مواليد 1950 الى 1980 ؟
يجماعة الأمر لايجب النظر له بصورة رومانسية,حيث ان الحكم بهذه الطريقة يبعدنا عن الحقيقة والحقائق التى تقول إن مايعانيه الموطن المصرى هذه الأيام لايقل عما عناه من قبل والأمثلة كثيرة,ولو عايزين نرجع بذاكرة التاريخ أنا على استعداد,ولكن دعونا على سبيل المثال ان اذكركم بأذمة السكن قى فترة الستينات وايضاً ازمة المواصلات ,فاكرين النكت التى كانت بتتقال على التليفونات وهنروح بعيد ليه فاكرين عادل امام لما خاف من انهم يشيلو له العده مع إنه معندوش عدة ,فاكرين شباب البيتلز او الخنافس ,الشباب الهيبى وايام الضياع ,مع العلم إننى بحب جداً اغانى فريق البيتلز وكل أغانى الخمسينات حتى الثمانينات من الأغانى الأجنبية,فكرين زوار الفجر ايام جمال عبدالناصر والجبن الذى احتوى الشعب المصرى وكله بقى ماشى جنب الحيط ,فاكرين الدكتور جمال حمدان ورأيه فى انقلاب 23 يوليو ووصفه للشعب المصرى وطبيعة الشعب فى اشارة منه للشعب بأن يفوق من غيبوبته,والشيخ امام واحمد فؤاد نجم ,وانخداع وانكسار صلاح جاهين بعد هزيمة يونيو67 والتى كان الشعب فيها مبتهج فى بدايتها ثم!!!!!!!!!!وتأتى وفاة الزعيم جمال عبدالناصر,وتولى الرئيس المؤمن رب العائلة المصرية رجل القرية ,أه وأه وأه وقول ملهوش دواء ,فاكرين الرئيس الؤمن عمل فى مصر ايه رجل الحرب والسلام الذى طمس الفريق سعدالدين الشاذلى والفريق الجمسى ,الذى زور فى تاريخ الضباط الأحرار واتضح انه هو منفرداً من قام بما يسمى ثورة يوليو(اقرأ كتاب البحث عن الذات,للرئيس المؤمن)بعد حرب 73 المجيده وكان النصر من عند الله عزوجل,لم يفرح شعب مصر كثيراً حيث حدث تحول كبير فى ديموجرافية هذا الشعب وونشأة اشكال جديدة من رجال الأعمال ولكن من صناعة انورالسادات (رجال الأنفتاح),فاكرين الأغذية الفاسدة مثل الفراخ الفاسدة بتاعة توفيق عبدالحى,فاكرين العمارات التى كانت تسقط فوق رأوس اصحابها ,فاكرين اللحوم المستوردة والطيور الجارحة التى كان يبيعونها على إنها رومى,فاكرين البلوبيف المخصص لأكل الحيوانات ,فاكرين منع بيع اللحوم إلا يومين فى الأسبوع,وده ليه علشان بيع الفراخ الخاصة بتوفيق عبدالحى صديق انورالسادات وعلى فكرة ,كان لى موقف سنة 1980 (كنت قادم من ايطاليا حيث اننى كنت سنتها فى اجازة اخر العام من الجامعة وحضراتكم تفتكروا إن الطلبة الجامعيين كانوا يسافرو الى اوربا للعمل هناك ,المهم كنت اول مرة اسافر فيها وعندما عدت ركبت المركب من فينسيا وجبت معايا عربية بيجو من هولندا لأنها فى هولندا أرخص من ايطاليا المهم كان لازم ارجع مع العربية منها اتابع العربية ومنها ان ثمن تذكرة المركب أقل من الطائرة وكمان لما هرجع هسترد ثمن التذكرة,اسف طولت عليكم,ولكن اكيد الكثير يعرف انه قبل دخول المركب للميناء بيطلع ضباط الجوازات لمباشرة مهامهم ,ووقف جميع ركاب السفينه طابور ولكن كان عمل ضباط الجوازات فيه نوع من التعالى بشكل عجيب ,وفيه اخ كان معانا على المركب كان هذا الشخص يعيش فى هولندا بقاله 15 سنة بشكل متواصل وهو كان دكتور مهندس وكان بيدرس مابين هولندا والمانيا ,وهو واقف بيكلمنى فى الطابور غلط وقال ,ايه ده هو احنا هنطول كتير كده وصوته لم يكن عالى ومش عارف اخينا الضابط سمعو اذاى ,اجارك الله من قلة الزوق,ولم انسى هذا الموقف إلى الأن قال له عندما وصل امام الضابط (وذلك بعد ان اضطلع على الباسبور الخاص به ,هو انت بقى الى عامل مظاهرة ومش عجبك شغلنا ,يأخى ارجع البلد الى انت جاى منها وريجنا هى البلد نقصاك ,وعموماً فوق لسه فى طابور العيش والجمعية علشان الفراخ وإلى أخره من الكلام الذى يوجع القلب ,فماكان من الدكتور إلا ان قال له كفاية بقى لو سمحت اناعايز حضرتك تخلصنى من الباسبور ,عرفين الضابط عمل معاه ايه ,قال له طيب اقف على جنب انت لسه موالك كبير ,وفى ثانية اخرج الدكتور باسبوره الهولندى وقال له قلى بقى هتعمل ايه فى ده وطلب منه ان يستدعى سفير هولندا ,ومش هقول ايه حصل بعد كده (هى دى مصرنا منذ سنوات طويلة ,منذ اكثر من خمسين سنة...معلش حبيت احكى بأسهاب لأنى بتكلم وكأنى لسه على المركب وياريت فضلت عليها!!!!!!!!!!!!!!!!!!
|
رد: هل تخجل من نفسك لأنك لست مجنوناً ؟
اقتباس:
العفو ياباشا وكما انى توقفت مع ماطرح فى الموضوع الرئيسى ايضا توقفت عند ما تكرمت وذكرتة.. الاهتمام ومتابعة الرياضة شئ ايجابى يتخلله بعض السلبيات نتيجة نسبة التعصب المتفاوتة عند البعض.. مدرب كرة القدم اللى بياخد مبالغ كبيرة..!! بيتصرف علية فلوس اكتر حتى يصل الى هذة المكانة.. ولاتقارن بين الاجنبي منهم والمحلي برغم اني افضل المحلي للمنتخبات المصرية..!! نرجع بقى للموضوع الذى تكرم بطرحة الاستاذ نبيل فى الحقيقة توقفت عند الكثيرات من العبارات والتعبيرات ففى بداية الموضوع يقول بما معناة ان الانسان الذى نجح فى الوصول الى القمر لم ينجح فى الوصول او الهبوط على سطح الحقيقة!! واخذت اتسأل؟؟ أي حقيقة تقصد؟ ما اعرفة ان الحقيقة الوحيدة المطلقة لأي مؤمن هو وجود الله.. ورجعت اتسأل؟؟ من هو المريض المجنون ام الغير مجنون من تراة انت مجنونا قد اراة انا عكس ذلك!! اذا الأمر اصبح نسبي.. كما هى الحقيقة عند الكثيرين نسبية وعند البعض لا توجد حقيقة مطلقة وعلية فهى ايضا عند البعض نسبية!! توقفت بعد ذلك على هذة التركيبة الربانية العظيمة والتى شبهها الكاتب بالبحار والأنهار والبساتين والتلال والاأزهار والواحات وايضا الصحاري وسهول وجبال وبرغم جمال وروعة التشبيه الا انة ترك كل ذلك واختار ان يبحث فى الوادى السحيق المبهم المخيف..!! فكرت للحظة وقتها ان هذا الوادى الذى يعيش فى كلا منا هو كنز الحقيقة!! ولما لا؟ لم نرى مجنونا يقر بجنونة واذا فعل احدهم قد يوصف بالحكيم بعدها.. نحن لا نعرف شيئا عن اودية الاخرين ولكن... كلا منا يعرف جيدا خبايا وادية المبهم المخيف .. كنا نسمع دائما من يقول لا تصطدم بطبيعة الشئ!! وعند البحث فى مفردات هذة الجملة نجد انها قريبة جدا من تشبيهك ب(الوادى) اذا حاولت او جربت ان تقترب من اودية الأخرين انت هنا كمن اصطدم بطبيعة الشئ وعندها سوف تتأكد ان هذا الوادى مخيف ومرعب.. الكاتب يدعونا الى الذهاب الى هذا الوادى والمقصود هنا ان نفكر فيه ونبحث فى خباياة.. وارى انة طلب مشروع ولكنى اختلف مع الكاتب فى وصفة ان من يفعل ذلك فهو من الضرورى مجنون فى نظر الأخرين من منطلق انة يتحرر من قيود المعتقدات السائدة ويشفى من أمراض المجتمع و شلل الواقع على حد وصفة... ايضا توقفت عند احد الادلة على وجود الله!!! الا وهو هذة العفوية والبراءة فى الاطفال.. وقام بعدها بمزج عفوية وبراءة الطفل بالمجنون!! كيف؟ انا لا اقوم بعمل طيارة ورق فى فضاء حجرتى ولكنى وعندما اكون مع ابنتى الصغيرة اشعرها انى فى مثل سنها ف محاولة لتكوين علاقة خاصة بينى وبينها والاساليب كثيرة..!! هل اكون مجنونا حينها؟ عندما امارس عملى مع اطفال فى سن السادسة او السابعة لابد ان اخاطبهم بمستوى مايعقلونة ويتقبلونة هل اكون عندها عفوي وبرئ؟ او هل اكون عندها قد شفيت من امراض المجتمعات الحديثة؟ الاطفال يخلقون بفطرة عفوية وبريئة ..! لن اتحدث عن مايصدر من الاطفال يعرضهم وذويهم لأخطار جمة نتيجة هذة البراءة والعفوية وحبهم للخير ولكن .. يحضرنى سؤال؟؟ صغار الوحوش الكاسرة .. هل يولدون وحوشا؟ وللحديث بقية ان شاء الله |
| الساعة الآن 10:54 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017