|
|
رد: البحث عن زكي عباس ابوالنواس ( قصة بأقلام الاعضاء )
بعد خمسه وعشرين سنه جواز وولد وبنت ايه اللي حصل خلا الراجل يطفش
امال اول يوم شافها اتهبل وبقى مش على بعضه دلوقتي اتلم على بعضه وخد بعضه وخلع ايه اللي حصل فوزيه حماته ومن بعدها عطيات اللي بقت التلميذ اللي تفوق على استاذه المهم دلوقتي فات يومين وزكي مارجعش ومش باين له اي اثر وبيومي مرمي ف الحجز عمال ينقي براغيت وفوزيه قاعده عند بنتها عطيات بتسالها لسه يابنتي مافيش اخبار عن المخفي زكي ؟ فوزيه : ناوليني التلفون النبايل ودوريلي على نمرة سامي ابن خالتك فوزيه : (بعد السلامات المعتاده وذكر مساوئ زكي عباس والاكثار من الاسف والتسف على النصيب المشئوم ) واهو دلوقتي مااحناش لاقيينه ياسامي ؟ فوزيه : بتقولك خرج مع واحد صاحبه ومارجعش فوزيه : بيقولك اسمه ايه المخفي صاحبه فوزيه : اسمه بيومي وهوا محبوس دلوقتي ف القسم اه ياسامي فالقسم اللي هنا ف اول الشارع اه فوزيه : معلش ياسامي يابني لو حد من صحابك فالقسم ده يشوفلنا راح فين ؟ (سامي ظابط ف الداخليه ومعارفه كتير ) يتبع |
رد: البحث عن زكي عباس ابوالنواس ( قصة بأقلام الاعضاء )
بعد شويه ف اوضة البيه مامور القسم
المأمور : يابيومي افتكر وديت الي اسمه زكي ده فين بيومي : والله ماعرف انا نزلته ع الشط ورحت اجيب العربية ورجعتله مكان مانزلته مالقيتوش المامور: طيب خلاص خده ع الحجز لحد مااشوف وبعدين حصل اتصال بين المامور وسامي الظابط ابن اخت فوزيه وبعدين العسكري اللي على باب الحجز نده على بيومي وقاله ياللا افراج وبيومي خارج كان فيه واحد معاه ف الحجز معفن ودقنه معفشه ومابيستحماش قاله رايح فين يازميلي بيومي : زميلي ؟ خارج ياسيدي ربنا ظهر الحق المعفن : بلاش خليك هنا احسن سدقني هنا احسن من بره واخذ صوته ف التخافت وهو يردد هنا احسن سدقني هنا احسن من بره ....سدقني هنا احسن ...سدقني يتبع |
رد: البحث عن زكي عباس ابوالنواس ( قصة بأقلام الاعضاء )
رجع بيومي الشارع بتاعهم مهوا نفس الشارع اللي ساكن فيه زكي وكان ناقص يجري ويعيط وهوا بيجري وكان محتار يجري ولا يعيط ولسه بيحط رجله ف مدخل العماره اكتشف انهم (اي اصحاب العماره ) سهوه واستغلوا غيابه وبنوا حيطه ف المدخل بس اكتشف ده متاخر شويه لانه كان خلاص لبس ف الحيطه دي ووقع ع الارض
وهوه ع الارض اكتشف ان الحيطه لابسه جزمه وبنطلون وجاكته والحيطه ليها شنب هناك فوق خالص وفوق الشنب فتحتين مناخير مضلمين يتبع |
رد: هل تعلم تاريخ المطرية
ياااااااااااااه .......أنا كنت فاكر الدنيا مطرت عشان كده سموها المطريه
عموما شكرا كورسير على المعلومه الطريه دى |
رد: شكر واجب لضباط الجيش
الف سلامه عليك وحمد الله على سلامتك
وكويس إنك رضيت على الجيش وعقبال مترضى على الشرطه |
رد: شكر واجب لضباط الجيش
الحمد لله علي كل حال
وقدر الله وما شاء فعل احتسب ذلك عند الله و اكيد دة فدي حاجه تانية متعرفهاش وبالنسبة لضابط الجيش وبغض النظر عن اي مشاكل لكن لسة مصر بخير ووولادها هيفضلو اخوات واكيد زية كتير |
رد: شكر واجب لضباط الجيش
قدر الله وماشاء فعل
الحمد لله انها جت على قد كده الف الف الف الف حمد لله على سلامتك :fun_36_3_11[1]: مصر بخير بأولادها بأذن الله |
| الساعة الآن 07:29 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017