|
|
رد: رابطه ( قول معاك كام و انا اقولك تجيب ايه بفلوسك )
بصراحة انا محتار جدا وبقالي حوالي شهر في الحيرة دي لحد مزهقت ومبقتش عارف اخد قرار وقريت موضوع حضرتك فقلت استشيرك يمكن اقدر اخد قرار
اولا انا شاب عندي 29 سنة وكان معاية عربية النترا 2006 وبعتها وبدات رحلة البحث عن عربية زيرو تريحني وتقعد معايا على اقل تقدير من خمس الى سبع سنين ويمكن اكتر وكنت حاطط لنفسي مبلغ 140 الف جنيه كحد اقصى وملقتش في الحدود دي غير الرينو فلوينس الي كنت معجب بيها بس ناس كتير خوفتني من سعر اعادة البيع وان تكييفها مش حلو وسحبها بطيء فقلت ازنق نفسي وازود المبلغ شوية ودخلت في فئة النيسان قاشقاي والاوكتافيا الفانتازيا والفولكس الجولف وبدات المقارنات الحادة اولها استبعدت الجولف عشان الفتيس ال DSG بالرغم من عشقي للجولف كاي شاب وبالذات اني مش حمل اي حاجة تحصل في العربية لاني هبا على الحديدة بسبب تمن العربية نفسه ومش حمل اي غلطة بالنسبة للقاشقاي عاجبني جدا ستايلها بس موضوع البطيء الرهيب في السحب والحجز التلت شهور ده مخوفني بالنسبة للفانتازيا هتبا الفئة الاولى اتوماتيك ودي مشكلتها في قلة كماليتها وشكلها القديم الي متوقع انه هيتغير في اقرب فرصة انا عارف اني مكبر الموضوع ومطلع في كل عربية عيب بس عشان انا مش بغير العربية غير كل فين وفين وخايف اجيب عربية اتخنق منها ويبا ساعتها لامفر من اني استحملها المدة دي كلها على مضد لاني مش هينفع ابيعها مهما كان فاه راي حضرتك لو كنت مكاني تعمل اه ؟ :cry2W9: وساعات بتجيلي فكرة اني اوفر الفلوس واجيب سيفيك 2008 مستعملة في حدود ال 100 الف بس برجع اتراجع عن الفكرة دي لاني مش من هواة المستعمل واكيد المستعمل هيحتاج يتغير على طول:fun_36_3_4[1]: |
رد: رابطه ( قول معاك كام و انا اقولك تجيب ايه بفلوسك )
اقتباس:
بص حضرتك عندك ميتسوبيشى لانسر بومه اعلى فئه ب 131 الف عندك لانسر شارك الفئه الفول اوبشنز اوتوماتيك و سعرها 146 الف عندك بيجو 408 الفئه اللى ب 142900 بالنسبه للجولف فبلاش علشان مشاكل الفتيس و الديسك بالنسبه للقشقاى فانا شايف انها كويسه جدا و بالنسبه للفانتازيا فهى فيها اوبشنز كتير للاول فئه اوتوماتيك تكيف باور سنتر زجاج كهرباء مرايات كهرباء فرامل abs - ebd وسائد هوائيه فوانيس شبوره كاسيت سى دى مدخل اى يو اكس بلوتوث كمبيوتر معلومات طاره مالتى فمش معنى ان الاوكتافيا اول فئه يقى مفيهاش اوبشنز انا قولتلك كده شوية اوبشنز فيها و بالفعل فى منها شكل جديد نزل بره مصر بس هى عربيه فوق الممتازه و الكل بيشكر فيها بلاش المستعمل الايام دى مش مضمون و خليك فى الزيرو و ريح دماغك خلى بالك انا فى مندوب فى المصريه قبل كده كان قالى العربيه الوحيده اللى ما زالت محافظه على سعرها هى الاوكتافيا يعنى شوف موديلات 2006 - 2007 هتلاقيها بتعدى ال120 الف و بالنسبه لسعر اول فئه اوتوماتيك ب 175 الف و عليها خصم من الوكيل حاليا 2000 جنيه لو الفلوس مش هتاثر معاك خليك فى الفانتازيا لو هتاثر شوف الموديلات اللى قولتلك عليها فوق تحياتى |
رد: رابطه ( قول معاك كام و انا اقولك تجيب ايه بفلوسك )
اقتباس:
بس هو حضرتك سقت القاشقاي الاوتوماتيك صحيح سحبها بطيء اوي ولا معقولة وعموما اشكرك جدا على اهتمامك وتعبك وربنا يسهل واشتري باة انا اول مرة اعرف اني متوتر اوي كدة :shyy: |
رد: رابطه ( قول معاك كام و انا اقولك تجيب ايه بفلوسك )
اقتباس:
القشقاى انا مسوقتهاش بس انا سمعت انها سحب بطىء بس مش اوى يعنى يعنى حاجه متخليكش تبطل تفكر فى العربيه ده كان تعليق من احدى المنتديات عن السحب ماتور جيد جدا ( صوت ناعم جدا ) اداء عالي يعمل بتكنولوجيا ( cvt ) و اظن اني بدأت اجيد التعامل مع هذا النوع من المواتير خصوصا في السحب الهادئ قليلا علي السرعات من ( صفر – 40 ) و فكرة الضغط علي دواسة البنزين بدرجة معينة ثم رفع القدم في لحظة معينة و اعادة الضغط مرة اخري ثم التقدم و الاندفاع بعد الوصول الي ( 60 ) ثم القوة و السحب الممتاز بعد الوصول الي ( 70 ) و اخيرا و بدون مبالغة اجد انني اسير موازي لاغلب السيارات السيدان التي انطلقت معي من مرحلة الثبات و صرخت ( تستغيث ) بالمارة اثناء انطلاق قائدها بها بلا رحمة و تبديله من غيار الي اخر حتي يصل لسرعة 100 كم و اذا بنا نجاور بعضنا البعض في نفس التوقيت غالبا بأختصار فانا انصحك تشوف القشقاى او الفانتازيا تحياتى |
رد: رابطه ( قول معاك كام و انا اقولك تجيب ايه بفلوسك )
لو سمحت دي اول مشاركه ليه في المنتدي الجميل ده
انا من دمياط نازل انا وصاحبي القاهره الصبح وهوا معاه 16000 وعايز يروح السوق يجيب بيهم حاجه ميصرفش عليهاا هوا كان معاه نصر 127 في اي نصايح ممكن اعرفها هوا عايز ماروتي ___ حاجه وتسعين شكرا جزيلا لحضرتك |
رد: رابطه ( قول معاك كام و انا اقولك تجيب ايه بفلوسك )
اقتباس:
عندك سوزوكى ماروتى موديل 94 - 97 الشكل القديم او عندك ستروين ax موديل 94 - 97 ودول انسب حاجه بالتمن ده اى استفسار انا تحت امر سعادتك تحياتى |
رد: رابطه ( قول معاك كام و انا اقولك تجيب ايه بفلوسك )
هو حقيقي المصريه للسيارات نصابين والريان احسن منها بكتيييييير وارخص وانظمه التقسيط احسن ولا ايه انا مش عارف الناس قالتلي كده :THE_PR~18::THE_PR~18::TH E_PR~18:
|
| الساعة الآن 09:02 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017