مصر موتورز مجتمع السيارات - ارشيف الاستراحة 2009

اسمحولي ان اشارك معاكم في منتداكم الجميل والمهم للسيارات في بلدي المحبوب .....

وعلشان انا مصري ... وبحب مصر بلدي ومدمن مصر .... لازم لما اشوف حاجه غلط اعلق عليها ....

انا شايف حاجه غريبه في مصر .... والمشكله اني مش عارف ايه هيا .... بس انا متأكد انه في حاجه غريبه في البلد دي !!!

انا حاسس اننا كشعب في وادي .... وحكومة البلد دي في وادي تاني خالص .... وطبعا لاني سافرت في بعض بلدان

الخليج ... وشفت ثقافات وعادات وسلوكيات مختلفه .... حسيت اننا في عالم تاني ووداي تاني من البشر .. والسؤال هنا

احنا كشعب وبشر ... ليه وصلنا للمرحله دي ؟؟؟؟

ومحدش يقولي الفقر .... والجهل !!

والدليل في بلدان فقيره جدا ولكن بتحترم رعايها وبترعاهم في الخارج !!!

واسمحولي اعبر عن رفضي للسلبيات الي شفتها في بلدي المحبوب ...

لما اشوف سياره متفيمه بالكامل ومش باين الي داخلها ... ومن غير لوحات ...... اكيد هيا فعلا فوضي !!!

لما اشوف سيارات وصوت الكاست عالي ... والكلاكسات .... اكيد هيا فعلا فوضي !!!

ولما اشوف بلطجيه في وسط الشارع بالسنج ... والفاظ تخدش الحياء العام .... اكيد هيا فعلا فوضي !!!

لما اشوف حريم ورجاله بتتخانق الساعه 6 الصبح بالفاظ قذره علي العيش .... اكيد هيا فعلا فوضي !!!

............. وجاري التمشيه في شوارع المحروسه ورصد كل سلبيتها ..... ومش بس كده ... ونحاول مع بعض حلها

ونصلح بلدنا ونساعد بعض ......

وانا اولكم .... اي حد محتاج لمساعده .... وحقدر اساعده .... انا مستعد ...

شكرا ...