مصر موتورز مجتمع السيارات - رابطة مالكى الاكسل

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

- - رابطة مالكى الاكسل (https://www.masrmotors.com/vb/showthread.php?t=22421)

رد: رابطة مالكى الاكسل

اقتباس:

المشاركة الأصلية كتبت بواسطة نودلز (المشاركة 705463)

السلام عليكم
كان عندى سؤال بخصوص البطاريه
انا نسيت النور مفتوح امبارح وطبعا لما طلعت من الشغل وشفته كانت البطاريه الحمد لله نامت طبعا كلمت بابا وجه حط البطاريه بتاعته فى العربيه عندى وخد بطاريتى عنده والعربيه مشيت مافيش مشكله ولما روحنا بدلنا البطاريات والعربيه اشتغلت مافيش مشاكل خالص وبرضه دارت النهارده عادى جدا بس السؤال بقى انا عندى البطاريه مرسوم عليها زى تعليمات بتقول
1- اللون الأخضر البطاريه سليمه
2 - اللون الأبيض البطاريه عايزه تتشحن
3 - اللون الأحمر البطاريه عايزه تتغير
فهى بعد الحركه دى بقى اللون ابيض فهى كده المفروض عايزه تتشحن ولا ايه اصل انا خايفه تعملها فى سفر مثلا ولو كده اشحنها فين وبتتكلف كام تقريبا يعنى المفروض يبقى اللون اخضر ولا هى ممكن تمشى كده واللون ابيض عادى

وعليكم السلام ورحمة الله
مادام البطاريه نامت خالص يبقى الافضل يتعملها اعادة شحن عند كهربائى وهتكلف من 20 ل 30ج ودا افضل من ان البطاريه تتشحن من العربيه نفسها وبكدا يخف الضغط على الدينامو لانه هيضطر يشحن البطاريه وفى نفس الوقت يوزع كهربه للبوجيهات والحساسات فدا ضغط كبير عليه وممكن يقلل كفاءته.

رد: رابطة مالكى الاكسل

اقتباس:

المشاركة الأصلية كتبت بواسطة ppeto (المشاركة 701087)

بتنتش جامد وانا ماشى بيها
ولو كبست على الاكسلاتير جامد مره واحدة ممكن تبطل

انا عايز اقول لحضرتك مادام العربيه بتكبس عليها مره واحده وتبطل يبقى يا اما عيب بنزين مخلوط بالميه او فلتر الهوا والبنزين مسدودين وما تحاولش تغير اى حاجه فى العربيه مادام الموتورعلى السلانسيه مظبوط وما بيطلعش دخنه من الشكمان.

رد: رابطة مالكى الاكسل

اقتباس:

المشاركة الأصلية كتبت بواسطة qubttan (المشاركة 703239)

ادامى عربيتين محتار فيهم وعايز اعرضهم عليكم تقولوا رايكم اختار اى واحده فيهم وهل السعر كويس ولا لا
الاولى : اكسيل 96 سيدان 1300 - فبريكة جوة - رشة بره - تكييف - حالتها كويسة جدا عاملة 76000 كيلو صاحبها عايز نهائى 32000
الثانية: اكسيل 93 هاتشباك 1300 - فبريكه بره وجوة ما عدا الشنب مرشوش - تكييف- حالتها كويسة جدا فوق ال 140000 كيلو وصاحبها عايز نهائى 27500
ارجوكم تفيدونى لانى مليش اوى فى العربيات ودى حتكون اول عربية اركبها فى حياتى
وجزاكم الله خيرا

السلام عليكم ورحمة الله.
الاكسيل 93 دى كورى اصلى لان اخر موديل نزل فى الكورى 94 ومادام فابريكه بره وجوه تاخدها وانت مغمض بس لازم تكشف عليها فى بنزينه وتشوف حالة الموتور والعفشه والفتيس ومحتاجه مصاريف ولا لا

رد: رابطة مالكى الاكسل

ارجو الافادة فية صوت نتشه قبل ما أجيب 30 أو 40 معرفش دة من اية
وتحس ان صوت الماتور بيعلى على بال ما يجب الغيار
مع سماع صوت رجة*** السيارة اتوماتيك 98 اكسيل

رد: رابطة مالكى الاكسل

كل عام وانتم بخير .. رمضان كريم
واللهم اهدى ولاة امورنا لما تحبه وترضاه
وانقذنا يارب من ازمات ايدينا وافعال ضمائرنا
وكن بنا رحيما يارب العالمين
اللهم امين