مصر موتورز مجتمع السيارات - عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

اقتباس:

المشاركة الأصلية كتبت بواسطة tejani (المشاركة 295802)

سيتروين ax 95 تتظبط ازاي مع الاعتبار اني مش لاقي جنوط 13 سبور 3 خرم

أنا ممكن أقسم التعديل لحضرتك قسمين:-

1- تعديل داخلى : وده هيبقى بتغيير الفرش الداخلى للسيارة لملائة اللون الخارجى أو شراء كسوة جديدة, علشان تحلى شكل الصالون شوية, والكسوة رخيصة فى حدود 200 جنيه, والفرش فى حدود500 فيما فوق, بس أنا أنصح بالكسوة.

شراء دواسات ملونة جديدة, وطارة مومو أسبور, وبكده يبقى شكل الصالون أتقلب تماما, الدواسات مش هتزيد عن 100 جنيه لو بتمشى لوحدها:), والطارة فى حدود 90 الى 120 حجنيه عند الحرامية, بس متنساش الزور بتاعها.

ممكن تغير الكاسيت الموجود لو قديم, بكاسيت ديجيتال من اللى بينور:), لأ بجد, فى عند حضرتك بايونيير, وكينوود اللى بتنزل بيه الشيفروليه لانوس, دول كويسين قوى وفى حدود 500 جنيه, وموجودين عند كل المحلات.

ممكن تغير السماعات الأصلية بسماعات تانية فى حدود 200 الى 300 وات, لو عندك مكان لبيضاوى هات بيضاوى, ولو عندك مكان لمدور, شوف المقاس كام وغير, وهات بايونيير أولا كينوود ثانيا, بلاش صينى خالص, البايونيير المدور فى حدود 150 جنيه والكينوود البيضاوى فى حدود 210 جنيه, وهتسمع صوت كويس أوى, رغم أنى شبه واثق أنك مغير العدة الأصلية.

وطبعا زى الأقتراحات السابقة, 4 شرايط ليدات, واحد تحت كل كرسى من ورا وقدام, وتوصله على نور الصالون عند الكهربائى, هيبقى شكله تحفة بالليل, ومع كارت ليدات ب 10 جنيه لنور الصالون طبعا.

وشماسة دى فى دى للراكب أو السواق, بس دى ملهاش لازمة لو حضرتك العربية عندك تقضية مشاوير ومبتقعدش فيها كتير, ودى بتعمل 500 جنيه وفيها كل حاجة تتخيلها, شاشة وتشغيل أسطوانات ودراعات للعب وusbو ميمورى وهكذا.

2- من بره: زينون ولمض بيضاء, العربية هاتش باك, والزينون هيخلى شكلها تحفة, زينون واطى بس ب 350, عالى وواطى 450, ومع جوز لمض بيضاء ليدات ب 20 جنيه شكل العربية بالليل هيتغير تماما.

الجنط 3 فعلا صعب تلاقى زيه, بس موجود, دور عند أشرفكوا فى أى من فروعه, لو ملقيتش فى فرع معين هيقلك على فرع تانى عنده, هو فتح فرع جديد فى السواح لو جنب حضرتك عدى عليه.

لو ناوى ترش برضه فكر أنك ترش العربية من بره لونين, دور على تصميم كويس, ووريه للبوهيجى وهو هيظبطك, بس تعمله عند حد بيفهم, ولو تصميم بسيط مش هيزيد عن 1000 جنيه, بس لون العربية عنوانها.

لو ركبت الزينون أو العربية نورها قوى, فيم الفوانيس درجة بسيطة, لو لون العربية يليق معاه التفييم.

ومعتقدش أنك هتلاقى ستائر كبس مقاس الزجاج, ممكن تدور بس أحتمال قليل.

ومع علبة ديفل صغيرة على قد الموتور, العربية هتبقى شيطان صغير:).

وشغل الفايبر على العربيات الهاتش غالبا شكله مبيبقاش حلو, لكن لو بتحب الكلام ده الحرفيين مليانة صنايعية, والسعر حسب الشغل هيبدأ من 300 جنيه للأكصدام الواحد مثلا.

وممكن سبويلر على قد العربية من شارع دمشق أو الحرفيين, بس راعى أن نوعه يكون نضيف, شكله حلو ومش مأفور, وأن يكون سعره كويس, وهيبقى فى حدود 200 جنيه بداية من أنواع بير السلم.

وهى عربية جميلة على فكرة, بس مشكلتها فعلا الجنوط ال3 زى معظم العربيات الفرانساوى والأوروبى القديمة, ربنا يخليهالك.

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

انا معايا بولو 99 ال 1000 سىسى متركبلها كاوتش 13 مقاس 175/65 هل ممكن اخليه 175/70 ؟ وهل ده حيضر الجنط ولا لا؟

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

هيغير قراءة السرعة عندك بنسبة 3.1% يعنى مثلا بدل 100 كيلو هتبقى 103.1, بس أنا مش شايف فائدة للموضوع غير أنك قللت مساحة الكاوتش الملامس للأرض ممكن حضرتك تقولى؟

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

انا عربيتى بولو 99 متركبلها كاوتش 13 مقاس 175/65 هل ممكن اركب مكانه 175/70 ولا حيضر حاجه مع العلم ان العربيه 1000 سى سى

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

هى الفكره بس انى عندى فراغ كبير بين الرفرف والكاوتش فقلت ازود الكاوتش شويه يبقى 70 بدلا من 65 كمان فى كتير نصحونى بكده وقالوا ان 70 ده اصلا المقاس الاوريجنال بتعها

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

انا عايز اعدل فرامل النوبيرا2 بالكامل هل اجيب فرامل نوبيرا 2000c.c ولا اجيب ليجانزا ويا ريت تتكلف كام؟؟ و مشكور

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

اقتباس:

المشاركة الأصلية كتبت بواسطة patrek (المشاركة 296392)

هى الفكره بس انى عندى فراغ كبير بين الرفرف والكاوتش فقلت ازود الكاوتش شويه يبقى 70 بدلا من 65 كمان فى كتير نصحونى بكده وقالوا ان 70 ده اصلا المقاس الاوريجنال بتعها

هو -حسب علمى ياباشا- حضرتك كده كبرت الكاوتش من الجنب فقط, يعنى زودت أرتفاع الكاوتش جانبيا عن الجنط, لكن عرض الجنط لسه زى ماهو, وعرض الكاوتش بدل ماكنت واخد منه 65% للكاوتش من الجنب, خدت منه 70 لجنب الكاوتش, فقللت المساحة اللى الكاوتش هيمشى عليها, وبرضه مامليتش الحتة الفاضية فى الرفرف, بالعكس زودتها.

أنما اللى عاوز يعمل زى ماحضرتك بتقول, يبقى تزود حجم الجنط 13 أو 15, وتكبر الأطار كله (ال 175) وتقلل البروفايل (ال 65) , علشان فعلا عرض الأطار بالجنط يزيد ويملا الفراغ.