|
رد: هل من ضرر لو حطيت زيت موبيل دلفاك لموتور بنزين
اقتباس:
بالنسبة للموضوع يا باشا وبالنسبة لمؤشر الحرارة ما شاء الله في مستواه لكن حسيت بحرارة عالية بتطلع من تحت الرفرف لما بتطلع ايدي من الشباك ( موش عارف اوصف ازاى ) ده حتي مره كنت بظبط الكاوتشات الامامية والراجل بيظبطهم لقيته قلى ياااااه اه الصهد ده افتح كده لحسن يكون الرادياتير ناقص ميه ولاحظت ان لما بكون جاى من مشوار بالعربية صوت الماتور بيقي عالى اوى والعربية 2010 وماشية 73 ألف واتمني ان حضرتك تجيب على استفساراتي لان رايك يهمنى اوى :CHUBBY~36: |
رد: هل من ضرر لو حطيت زيت موبيل دلفاك لموتور بنزين
امبارح عربية زميلى عطلت على الصحراوى (لادا 2107 موديل 2007 ) رحتلة لقيت العربية شغالة 2 بوجية بس والاتنين التانيين الموتور مش حاسس بيهم المهم فكيت وصنفرت وفكيت الاسبراتير وظبطة وظبت الكربراتير على اد ما قدرت وبعدها لقيت السير واقع ومقطوع
دورنا العربية ورحنا للميكانيكى عشان نغير طقم سيرفيس واول ما فك العمة لقناها غرقانة زيت نتيجة خرطوم الفايظ تخيل والخرطوم نفسة واحنا بنزود فى المكنة بيطلع دخان كثيف طبعا الميكانيكى قال ان المكنة دى خفيفة وانا عشان اعرف صاحبها انة بيحط موبيل اكس اتش بى قلت للميكانيكى طب اظبط انتى وانا هاروح اجيب حاجة واجى رحت غيرت زيت وحطيت اضافة للزيت لكن مش ابرو لانى ملقهتوش لكن لقيت منتج انجليزى لا اتذكر اسمة وخليت بتاع الزيت يغيير فلتر الزيت وقبل ما نركبة دورت المكنة حوالى 15 ثانية عشان اتخلص من الزيت القديم وركبنا الفلتر والزيت واضافة الزيت ورجعنا للميكانيكى تانى قلتلة شوف كدة خلع الخرطوم واعد يزود جامد جدا والنتيجة ولا واحد فى المية دخة والله على ما اقول شهيد تعالى بقى لمشى العربية اولا الموتور بقى ناعم جداااااااا بشهادة صاحبها وطلعت اجرب على الصحراوى .... بص اقل ما يقال ان العربية بقت متوحشة ومؤشر الحرارة مش عاوز يوصل للاخضر واخت مشوار مثلا 20 كيلو والمروحة مشتغلتش لغاية اما ركنتها |
رد: هل من ضرر لو حطيت زيت موبيل دلفاك لموتور بنزين
القصة الثانية
زميل معاة بى ام موديل 87 لما اشترى العربية كان بيشتكى من صوت كستبانات وكان بيحط زيت التعاون نصحتة بالدلفاك مع الابرو بعد غيار الزيت قابلتة وقالى ان الصوت زاد عن الاول قلتلة اصبر اول الف كيلو رد وقال لا انا هانزل الزيت دة وهاحطة فى النص نقل بتعتى ومع الحاى انة يستمر شوية كمان بالزيت وافق وبعد الـ 500 كيلو قالى العربية الصوت راح تماما والعربية ما بقتش تسخن زى الاول وعشان هو من هواة الخمسات قالى ان المكنة بقت تسمع كلامة اكتر من الاول الغريب بقى انة كان بيظبط حاجة عند الميكانيكى والميكانيكى زعقلة على الزيت وحذرة منة وبالفعل راح منزل الزيت وحط زيت تعاون تخيل صوت الكستبانات رجع تانى دى قصة تانى حصلت بالنص زى ما بحكهالك وانا جربت التوليفة دى فى عربيات كتير والله لكن للامانة لسة مجتليش فرنا عشان انقلك التجربة |
رد: هل من ضرر لو حطيت زيت موبيل دلفاك لموتور بنزين
تمام بس ليه النتيجة بالتجربة العملية موش عندي
بس في ملحوظة على كلام حضرتك يمكن علشان الموتور في العربية اللادا دي خفيف اما لو الموتور موش بياكل زيت او اى شئ فاعتقد ملهاش لازمة الاضافات دي وله الوقاية خير من العلاج موش عارف والله احترت نظريا حاجة وعمليا حاجة تانية ارجو التوضيح وسبب علو الصوت |
رد: هل من ضرر لو حطيت زيت موبيل دلفاك لموتور بنزين
خلاص انا اما غير زيت المره الجايه هحط زيت موبيل دلفاك بس الجركن بكام ؟؟؟؟
وهل لازم اضيف معاه عبوه ايبرو مع انى مش بشتكى من نقص فى الزيت او عيوب فى الشنابر ؟؟؟؟ يالا بسرعه لانكم شوقتونى اجرب بعد التجارب الايجابيه اللى قولتم عليها:CHUBBY~36: |
| الساعة الآن 04:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017