مصر موتورز مجتمع السيارات - المقابله الجاية يوم الجمعة الجاية

مصر موتورز مجتمع السيارات (https://www.masrmotors.com/vb/index.php)

- اﻷنشطة و المقابلات و التعارف (https://www.masrmotors.com/vb/forumdisplay.php?f=96)

- - المقابله الجاية يوم الجمعة الجاية (https://www.masrmotors.com/vb/showthread.php?t=16855)

رد: المقابله الجاية يوم الجمعة الجاية

الف الف سلامة عليك يا استاذ يسرى وقدر الله وماشاء فعل كان نفسنا نشوفك وطبعا بعد ما عرفت من احمد كنت عايز اطمن على حضرتك بس انا كمان روحت واخدت دور برد شكله جامد شوية المهم طمنا عليك ياباشا عملت ايه مع السواق وعلمت ايه فى العربية دلوقتى

رد: المقابله الجاية يوم الجمعة الجاية

سلامتك ياباشمهندس وائل المهم انت صحتك ايه دلوقتى وعلى فكره عدم دخولك كان ملاحظ ان كان فيه حاجه المهم يكون حضرتك بخير ورجاء طمنا عليك

رد: المقابله الجاية يوم الجمعة الجاية

اقتباس:

المشاركة الأصلية كتبت بواسطة يسري أبو الخير http://www.masrmotors.com/vb/AboNoRa...s/viewpost.gif
إعتـذار

للاستاذ / وائل .. و كل الأخوة أعضاء المنتدى .. و المتواجدون الأن بالمقابلة .. لعدم حضوري لقاءكم الرائع .. لأني و أنا جاي للمقابلة .. اصطدمت بسيارتي الدايو لانوس .... سيارة 124 فيات أجرة .. و المشكلة أن السواق مكانش سايقها كان بيزقوه من الخلف .. عشان المارش عنده عطلان .. و طبعا هو بيزق و يركب سيارته و ملوش دعوه بالطريق المقابل بالمرة .. لغاية ما اصطدم بالرفرف الأمامي شمال .. و هشمه بشكل فظيع .. و أضطررت لأخذ السيارة للسمكري على الفور .. و طبعا أنا مكنتش في المود خالص .. و مينفعش اقابلكم بالشكل ده .. ياريت تقبلوا اعتذاري ..

قدر الله و ما شاء فعل يا استاذ يسري
و الحمد لله انك بخير كان نفسنا نشوفك
ان شاء الله تتعوض المره الجايه

رد: المقابله الجاية يوم الجمعة الجاية

اقتباس:

المشاركة الأصلية كتبت بواسطة AboNoRa (المشاركة 110641)

أبو نورا .. ياغالي .. ألف سلامة عليك من البرد .. أوعي يكون بسبب المقابلة .. اللي أتأخرتو فيها .. عموما ألف سلامة عليك ... ..أما يا سيدي موضوع التصادم كان يوم اللقاء الساعة الخامسة و الربع تقريبا .. و أنا في طريقي إليكم .. ماشي في الأتجاه الطبيعي .. فوجئت بسيارة (تاكسي) فيات 124 قديمة و متهالكة للغاية بيزقها سواقها .. و اثنين من الشارع بيساعدوا في الزق و طبعا هما بيزقوا و مش شافين .. و هو ماسك الدركسيون بأيد و فاتح الباب و بيزق معاهم .. عشان يقفز فيها و تدور العربية من غير المارش .. و في كل ده .. هو مش شابف لأن تركيزه على السيارة و ليس على الطريق .. وأفاجأ به في الأتجاه المعاكس داخل على الرفرف الأمامي مباشرة .. ( حاسب .. حاسب .. مفيش فايدة .. يامعلم .. هو شايفني .. و مش قادر يوقف العربية من اللي بيزقوا من الخلف ) .. و أنا لو تقدمت شوية كنت أخدت الخبطه في الباب و كمان الرفرف .. لكنها جت سليمة و كان الرفرف بالكامل هو الضحية .. تيجي تمسك في السواق .. يقولي أنا مش لاقي شغل .. و لسه طالع .. تعال نعمل محضر يقولي لألأ .. نروح عندي السمكري يشوفها تتكلف كام و أدفع أنا النصف وأنت النصف .. مفيش فايدة .. وطبعا الطريق وقف و الناس اللي شافت .. قولوا للسواق أنت غلطان ..والراجل ليس له ذنب .. المهم . لقيته بالفعل حالته لا تسر عدو و لا حبيب .. صعب عليا وكن عايز أديلو فلوس يصلح المارش .. .. المهم أخذت عربيتي و رحت للسمري بتاعي .. و حكيته على اللي حصل .. قاللي فداك .. كله يتظبط .. و متحملش هم .. المهم عايزين 150 جنيه عشان الليلة دي .. قولته ما باليد حيلة .. اشتغل يا معلم .. خلصها ليلتها و السبت صباحا عند ورشة الدوكو يرش الرفرف بالكامل .. و دي كانت نهاية .. حكايتي مع سواق التاكسي .. و لا أركم الله مكروها في سيارة لديكم ....

تحياتي للجميع

رد: المقابله الجاية يوم الجمعة الجاية

اقتباس:

المشاركة الأصلية كتبت بواسطة hazem_khidr (المشاركة 110670)

قدر الله و ما شاء فعل يا استاذ يسري
و الحمد لله انك بخير كان نفسنا نشوفك
ان شاء الله تتعوض المره الجايه

شكرا لك أستاذ حازم لسؤالكم عني .. و اتمني أن نلتقي قريبا .. على خير مع كل الأحبة .. من اعضاء منتدانا المتميز ..

تحياتي للجميع