مصر موتورز مجتمع السيارات - هل يوجد بمصر تقسيط سيارات حلال شرعا وليس ربا ؟؟!!

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

- - هل يوجد بمصر تقسيط سيارات حلال شرعا وليس ربا ؟؟!! (https://www.masrmotors.com/vb/showthread.php?t=19298)

رد: متى يتم توفير البديل الإسلامي وسط المنظومة الربوية؟

شكرا جزيلا على الموضوع
وفعلا انا بردو دايخ على تقسيط اسلااامى فعلا وليس اسما
مش عارف ازاى مفيش اى مكان للتقسيط الاسلامى

رد: متى يتم توفير البديل الإسلامي وسط المنظومة الربوية؟

تشكر و الله علي هذا الموضوع الشيق
للاسف الشديد لا يوجد تقسيط اسلامي وان وجد اسما فقط فهو صوره من صور الربا
انا عن نفسي بعد دراسه الموضوع من كل جوانبه و اللف علي جميع البنوك و الشركات المعارض قررت اشتري عربيه مستعمله علي قد فلوسي والواحد يبعد عن شبهة اي ربا موجود

رد: متى يتم توفير البديل الإسلامي وسط المنظومة الربوية؟

بارك الله فيكم جميعًا .. ونسأل الله أن يكفينا بحلاله عن حرامه ويغنينا بفضله عمن سواه ... والله يوجد أمثالنا كثيرون يريدون أن يشتروا بالتقسيط ولا يجدون إلا الشبهات تحوم حول كل المعاملات .... أما بالنسبة للأخ محمود حفظه الله فجزاك الله خيرًا أنت أردت مشكورًا أن تدل الإخوة على البديل الشرعي حسب اجتهادك، لأن هناك من لا يهمه إلا الفائدة الأقل. والله المستعان

رد: عرض تقسيط وتمويل اسلامى هيكسر الدنيا ضمن حمله "كلنا ضدالبنوك الربويه "

اقتباس:

المشاركة الأصلية كتبت بواسطة محمود مصطفى على (المشاركة 145540)

اولا :- انا عايزاشكر كل الى هيهتم بالحمله ديه لانها فعلا مبنيه على محاربه الفساد المتمثل فى البنوك الربويه
العرض دة عرض حقيقى واعتقد انه بيذاع على اكتر من وسيله اعلانيه وهو عرض مقدم من بنك الوطنى للتنميه سابقا " مصرف ابوظبى الاسلامى حاليا وانا الحمد لله ماشى فى الاجراءات للحصول على التمويل من المصرف دة والعرض عباره عن
1- نظام تمويل السيارات بضمان تحويل المرتب
2- نظام اليسر بضمان تحويل المرتب
- النظام الاول تمويل السياره بضمان تحويل المرتب
معدل عائد : 8.5%
الحد الادنى للدخل 1500جنيه
قيمه القسط : 40% من الراتب الشهرى ودة حد اقصى
المدة :من 1-5 سنوات
الدفعه المقدمه : 20%
- النظام الثانى تمويل اليسر بضمان تحويل المرتب ( المقصود به الحصول على تمويل نقدى يتوافق مع مبادىء الشريعه الاسلاميه ووفقا لنظام المرابحه الاسلاميه )
معدل العائد 9.5%
الحد الادنى للدخل : 1500 جنيه
قيمه القسط : 40% من الراتب الشهرى
المدة : 1-5 سنوات

والعرض دة كله لو حضرتك هتقدر انك تحول الراتب او قيمه القسط فقط للبنك وانا هاحاول ان شاء الله انى اجبلك العرض فى حاله انك مش هتقدر تحول الراتب بتاعك بس اعتقد انه هيبقى بمعدل عائد اكبر

ودة رقم موظف خدمه العملاء الخاص ببنك الوطنى للتنميه " مصرف ابو ظبى الاسلامى " 0123897385
ا/ محمد حجازى

رد: عرض تقسيط وتمويل اسلامى هيكسر الدنيا ضمن حمله "كلنا ضدالبنوك الربويه "

أنا عملت تقسيط اسلامي مع بنك فيصل في شراء عربية بروتون برسونا من سنة والصراحة تكون ليا رأى سيئ جدا عن كل اللي بيكسب باسم الدين وبيسوق الدين على انه ميزة تنافسية فبياخد فايدة أكبر مع نفس الاجراءات
ده أولا أسمه نصب وتدليس وثانيا الاسلام حرم الربا بفلسفة التيسير على المقترض وعدم استغلاله والصراحة أنا شايف إن البنوك الاسلامية بتستغل العميل أسوء من البنوك العادية وكله تحت بند ان العميل مضطر لأنه اسلامي

أولا مافيش أي فرق في الاجراءات تماما غير أن طبعا البنوك العادية أسهل وسعد الفايدة أقل والاجراءات أبسط وبرده فيه فرق التسميات وهي الحاجة الوحيدة المختلفة

معاملة بنك فيصل في حالتي أنا سيئة كذا مرة يسحبوا القسط قبل معاده ومرة جمد فلوسي ونسي يفك التجميد تقريبا أسبوع ولما سألتهم مفيش رد غير معلش

خدمة البنك في منتهى السوء وأكن العميل هو اللي عايزهم مش هما اللي عايزينه بالنسبة طبعا للبنوك التانية بتلاقي موظف بينزل معاك المرور زي العربي الافريقي ويخلص اجراءاتك

عشان كدة أنا بقى ضد النصب باسم البنوك الاسلامية إذا كانو فعلا عاوزين يتعاملوا بالاسلام صح فلازم ييسروا مش يعسروا يعني حد يقدر يقلي ليه هما طلباتهم أكتر وضماناتهم أكتر بكتير وفوايدهم أكثر من البنوك العادية ؟؟؟
هل ده سعر الاسلام ؟؟؟