رد: العربية مش راضية تدور
 

طيب لو كده اعرف ازاى
اعمل ايه ؟
معلش انا كبيرى اكشف على الميه و الزيت
استحملنى و شاكرة جدا لحضرتك
و سؤالى برضه
ده يفسر ان المشكلة تحصل فجأة
و لو المشكلة فى الشفاط
ليه بالبنزين مش بتدور
يعنى فيه عربيات بتدور بدوسة بنزين و مش بيستعملوا الشفاط خالص

معلش هسأل تانى عن العربية اللى مش راضية تدور
 

انا طلبت استشارة فى الرابط ده
http://www.masrmotors.com/vb/showthread.php?t=90794


و بصراحة البشمهندس احمد جاوبنى كثير
بس قلت هنا مناسب اكثر
معلش السيدات لحوحة بطبعها :shyy: و خاصة لما تكون خبرتها بالسالب

شكرا لتعاونكم جميعا

رد: العربية مش راضية تدور
 

ممكن العمة تتفك و يتكشف على الحركة الطبيعية لعمل باب الشفاط
حكاية ليه مبدورش بالبنزين
طيب ما هو سواق التاكس عرف يدورها بالبنزين
هى الفكرة انها متشرقش من كتر المحاولات الغير ناجحة
و كل اللى بقوله احتمالات
الصح يتعرف لما حد يشتغل فعليا

و يا رب خير

رد: العربية مش راضية تدور
 

كلام الاخ احمد علي كله سليم 100% واللي فهمته من كلام حضرتك ان زوجك فك العمه والعربيه اشتغلت لو انتي محتاجه العربيه اوي في يوم او يومين ممكن تشيلي العمه خالص وتمشي بالعربيه مفهاش مشاكل وكده ممكن اكيد فلتر الهواء مسدود ممكن توديه لبتاع الكاوتش ينظفه بالهواء .
ممك تكون المشكله في الموبينه تكون ضعفت وده صعب شويه وده حلها تفتحي لكونتاك وتسيبيه حوالي 20 ثانيه او نص دقيقه وتدوري ازا دارت تبقي الموبيينه تعبت واو ممكن تكون المشكله بوجيهات متسخه وع محاولات الدوارة المتكررره بتدور
في كل الحلات لازم فني يكشف علي العربيه لخبرتك الضعيفه في البحث عن مشاكل السيارات
واخيرا اشكرك علي ثقتك الغاليه بالمنتدي ويا رب نكون افدناكي

رد: العربية مش راضية تدور
 

هى عربية الوالد الفيات 124 كانت بتعمل نفس الفصل ده مرتين. يعنى مش تدور الصبح إلا بعد محاولات مضنية ولما تدور أول اليوم تفضل شغالة عادى طول اليوم. يعنى تركها لفتره سواد الليل تبرشم ومش تشتغل الصبح. المهم بالكشف فى المرة الأول أتضح ان البنزين كان متسخ والفلتر بتاع البنزين كان عاوز يتغير وهذا سبب شئ من الإتساخ فى الكربراتير فكان البنزين لا يصل بسرعة للماتور حتى تستهلك البطارية قبل وصول البنزين.. فكان أحيانا كثيرة يضغط دواسة البنزين كذا مرة قبل التدوير ويترك السيارة فترة نصف ساعة وكانت فى احيان كثيرة بتقوم..

فى مرة ثانية كان السبب هو الدينموا الذى لم يكن يشحن البطارية بكمية كافية فكان طول مدة الترك للسيارة يسرب الكهرباء من السيارة. كما اكتشف الميكانيكى ان السيارة ملمسة ارضى (( مش فاهم يعنى ايه))

الحقيقة التكنولوجيا مفيش احسن منها فى السيارات...

رد: العربية مش راضية تدور
 

:1281F1~121:Wkiss5:

رد: العربية مش راضية تدور
 

فى احتمال بس بيحصل واحد فى المليون:
ان تكون العمة شفطت كيس او قطعة من الورق واتحشر جواها قبل الفلتر وبالتالى بيقلل كمية الهواء اللى داخلة على الموتور وعشان كده لما العمة بتتفك بتدور بسرعة