مصر موتورز مجتمع السيارات - الكاوتش العريض؟؟ما الهدف؟؟

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - الكاوتش العريض؟؟ما الهدف؟؟ (https://www.masrmotors.com/vb/showthread.php?t=99775)

رد: الكاوتش العريض؟؟ما الهدف؟؟

ضد العريض

تماما

absolutely

المهندس اللى عملها حسبها وركبها

يبقى التغيير لازم عيوبه اكثر من مميزاته

ولو كان العكس كان المهندس حطها فى الاوريجينال

رد: الكاوتش العريض؟؟ما الهدف؟؟

اقتباس:

المشاركة الأصلية كتبت بواسطة svneleven (المشاركة 775517)

شوف يا عم روبرت الكاوتش العريض بغض النظر عن منظره الجامد هيديك ثبات أعلي و فرامل أجمد. المشاكل بقي لو عرضت الكاوتش جامد ممكن الدركسيون يتقل معاك و كمان هتحمل علي علبة الدركسيون و طلمبة الباور و يأثر علي عمرهم الافتراضي. بمعني أصح اللي بيتأثر هو مجموعة التوجيه عشان الكاوتش لما بيعرض قوي احتكاكه مع الأرض بيزيد. السوست بقي و المساعدين ما لهاش فيها تقريبا . لكن لو أنت معرض في المعقول مش هتلاقي مشاكل خالص ان شاء الله.

اقتباس:

المشاركة الأصلية كتبت بواسطة فادى (المشاركة 775521)

الكاوتش العريض كأى شىء له ميزات و عيوب,
الميزات :
- ثبات أكبر فى المنحنيات لأن مساحة الاحتكاك أصبحت اكبر بين السيارة و الطريق.
- شكل رياضى للسيارة.

العيوب :
- يؤثر بالسلب على أداء السيارة من حيث التسارع, لأن مقاومة الدوران تكون أكبر, لذا لا ينصح ابدا بتركيبه فى السيارات ذات المحركات الصغيرة.
- يرفع من استهلاك البنزين, لأن مقاومة الدوران أكبر, كما أن يؤثر بالسلب على دينامكية السيارة, و يجعل مقاومة الهواء أعلى.
- أسعاره أغلى كثيرا من الكاوتش العادى.

و فى الاول و الاخر لابد من قراءة كتالوج السيارة بعناية لمعرفة المقاسات المناسبة لها.
تحياتى لك.

الكلام اللي قاله الزملاء ده صح جدا، وأحب أزود عليه كام نقطة:

* الكاوتش العريض لازم يكون متناسق مع الجنط اللي راكب أو حيركب على العجل، لإن كل جنط مسموح يركب عليه مدى ضيق من المقاسات حسب البروفايل بتاع الكاوتش
* أعرض كاوتش ممكن تركبه هو اللي ما يحكش في الرفرف أو المساعدين والسست مع الحركة في المطبات
* راعي إنك لما تعرض الكاوتش تعدل باقي مقاسات الكاوتش عشان تحافظ على القطر الخارجي للفردة... ده شيء مهم جدا... يعني لما العرض حيزيد.. البروفايل لازم يقل في المقابل.
* تأثير الكاوتش العريض على المساعدين ضعيف نسبيا... بس فرصة إنك تاخد مطبات بقت أعلى لإن العجل بقى أعرض.

اقتباس:

المشاركة الأصلية كتبت بواسطة روبرت مجدي (المشاركة 775605)

شكرا لأصحاب الخبرة و الآراء:fun_36_3_1[1]: و لكن:12422A~17:
فيه سؤال :
هل هناك علاقة بين وزن العربية و الكاوتش العريض ؟؟

أكيد ... كل ما وزن العربية علي تبقى محتاجة كاوتش أعرض عشان قوة التصاق الكاوتش بالأرض تبقى أعلى من القوى الديناميكية للعربية، والوزن العالي محتاج كمان عفشة قوية وناشفة نسبيا.

لو عايز معلومات أكتر عن علاقة الوزن بثبات العربية... ادخل على الموضوع ده (المعلومات موزعة على كذا مشاركة داخل الموضوع... يفضل تقراها كلها لحد المشاركة 36):
عربية تقيلة ولا خفيفة؟؟؟ طبعا الخفيفة أحسن

...

رد: الكاوتش العريض؟؟ما الهدف؟؟

اقتباس:

المشاركة الأصلية كتبت بواسطة الهولندى الطائر (المشاركة 775863)

فعلا... المهندس اللي عملها حسبها وركبها ... بس على أساس استخدام معين

المهندس حسب القطر الخارجي للكاوتش على حسب الموتور والجيربوكس اللي راكبين
المهندس حسب عرض الكاوتش على حسب وزن العربية وأقصى سرعة (متوقع) تدخل بيها منحنيات
المهندس حسب قطر الجنط على حسب العربية دي مين حيركبها... وعشان تاخد راحة أكتر مقابل ثبات أقل وسعر مقبول، أو تاخد ثبات عالي مقابل راحة أقل وسعر أغلى

لو حضرتك قررت تغير طريقة استخدام العربية... أكيد حتحتاج تعدل .... أمال التعديلات اللي بتحصل في العربيات دي... اخترعوها ليه؟؟؟

...

رد: الكاوتش العريض؟؟ما الهدف؟؟

اقتباس:

المشاركة الأصلية كتبت بواسطة الهولندى الطائر (المشاركة 775863)

معلش أنا ضد الكلام ده عشان سببين.
أولا المصنع بيكتب أكثر من مقاس للعربية الواحدة و ده معناه أن ما فيش مقاس واحد هو أحسن حاجة لكن فيه أكثر من اختيار و كل واحد له مميزات و عيوب وصاحب العربيه يختار المناسب ليه من كل حاجة.
ثانيا صناع السيارات بيميلو أنهم يوفرو قدر المستطاع من أي حاجة سواء الكاوتش أو خامات العربيه لأن ده هيوفر أرباح طائلة لو وفر قرش واحد في كل عربية. و كمثال سيادتك لو جبت عربية مرسييدس حتي و غيرت الفرامل بتاعتها بفرامل BREMBO طبعا الفرامل هتكون أحسن يبقي مش كل ال أوريجينال هو الأحسن. الأوريجينال بيكون مناسب للعربيه في حدود ثمنها. لكن ده ما يمنعش ان أي تعديل يكون مدروس.

رد: الكاوتش العريض؟؟ما الهدف؟؟

أولا : احب اشكر كل الأخوه AHLNWSHALNاللى شاركونى بالآراء سواء مؤيد او معارض
ثانيا : أنا بقارن العربيات عن طريق الثبات و عرض الكاوتش و قوة الموتور

رد: الكاوتش العريض؟؟ما الهدف؟؟