مصر موتورز مجتمع السيارات - نفسىى اعرف الميه بتروح فين

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - نفسىى اعرف الميه بتروح فين (https://www.masrmotors.com/vb/showthread.php?t=99716)

رد: نفسىى اعرف الميه بتروح فين

اعمل كل النصايح المشار اليها ولو ما فيش نتيجة بامر الله الحل موجود بس ابدا الاول بنصايح الاخوة الزملاء

رد: نفسىى اعرف الميه بتروح فين

اقتباس:

المشاركة الأصلية كتبت بواسطة tata33 (المشاركة 775086)

السلام عليكم . انا نظفت الرادياتير بتاع ال 127 من حوالى اسبوع وحطيت له ميه خضرة وكله تمام . طبعا العربيات دى لانها قديمة فلازم اراقب الميه كل يوم او كل مشوار كبير وفعلا الاقى الميه بتنقص رحت لبتاع الرادياتير شوف ياعم . قالى دا الغطا بتاع الرادياتير مش حابك قوى طب غيره . وجبت واحد جديد وظبط شفة الرادياتير عشان الغطا يحبك عليها . وبرضه مفيش فايدة الغريب ان القربة مليانة لكن مبيسحبش منها ليه مش عارف . الظريف فى الموضوع انى رحت لواحد تاى بتاع رادياتير وحكيت له ولانه راجل طيب قالى تصدق بالله انا عندى فى عربيتى نفس الحكاية ومش لاقى لها حل ياريت تعرف وتقولى . انا فكرت اجيب رادياتير جديد بس خايف تفضل المشكلة زى ماهى وتروح فلوسه على الارض . ياريت اللى عنده فكرة مايبخلش علينا انا وبتاع الرادياتير

بص يا باشا انا الموضوع ده حصل معايا بالظبط من تاني يوم العيد الصغير لما غطا الرادياتير بتاعي اخويا رماه وجبلي واحد جديد قال يعني بيخدمني ومن ساعتها بدأت المأساه العربيه ومتحلتش غير الاسبوع اللي فات
بص انا جبت حوالي 5 غطيان مختلفه ونفس القصه المياه بتنقص ومياه القربه زي ما هيه يعني الرادياتير مش بيسحب من القربه وده لسببين لازم تحلهم
1-اولا معلومه حضرتك لازم تعرفها ان عربياتنا مواتيرها قديمه شويه فطبيعي بتاكل مياه بسيطه مع المشي والقربه بتعوضها لو في تنفيس في دورة المياه يبقي الرادياتير مش هيسحب من القربه

ثانيا والاهم هات غطا رادياتير 0.7 بار وليس 0.9 بار علشان ميكتمش الرادياتير انا روحت لراجل بتاع قطع غيار آمين في التوفيقيه علي شارع رمسيس العمومي وقالي حل المشكله دي انك تجيب غطا البار بتاع اقل اللي هو 0.7 بار ده مش هيخلي العربيه تسخن ويشغل معاك القربه زي الحلاوه واداني نوع ايطالي ب 15 جنيه اسمه هيمكو وخلي بتاع الرادياتير يظبطهولك علي الزور بتاع الرادياتير وعلشان تتأكد انه محكم افتح غطا القربه وانفخ فيه بكل قوتك لو لقيت الدنيا مكتومه يبقي تمام ولو لقيت المياه بتخرج من تحت غطا الرادياتير يبقي تظبط الغطا تاني تدق علي الشفه بتاعته بشاكوش حنين علشان يحكم علي الزور
:fun_36_3_11[1]: :fun_36_3_11[1]: :fun_36_3_11[1]:

رد: نفسىى اعرف الميه بتروح فين

اقتباس:

المشاركة الأصلية كتبت بواسطة أيمن الروبي (المشاركة 775406)

متشكر يااستاذ ايمن على اهتمامك وكلامك منطقى جدا وان شا الله هاعمل اللى قلت عليه

رد: نفسىى اعرف الميه بتروح فين

اقتباس:

المشاركة الأصلية كتبت بواسطة amr elsisi 1 (المشاركة 775203)

حقول لك تجربة حلوة
اعمل مشوار حلو لما العربية تسخن واركن في مكان هدوووووووووووووء
وحاول تسمع اي صوت تنفيس
وحضر معاك مية وصابون وسفنجة واعمل رغاوي كتير
علي غطاء القربة وغطاء الريداتير
وجميع الوصلات المتاحة امامك:waving:

فكرة برضه هحاول اعملها بس متهيالى محتاجة صنايعى هو اللى يعملها

رد: نفسىى اعرف الميه بتروح فين

غطاء الردياتير

رد: نفسىى اعرف الميه بتروح فين

السلام عليكم . الاخوة الكرام انا قلت اعرفكم اللى حصل عشان برضه الكل يستفيد . طبعا انا رحت لواحد بتاع رادياتير غير الاولانى بصراحة هو عقر لما حكيت له على اللى بيحصل بص على الرادياتير بتفحص وبعدين قالى شايف الجزء الفوقانى ده ( يقصد الوش النحاس اللى فوق ) قالى ده عايز يتعاد على اللحام بتاعه طبعا انا كنت يائس وعايز اخلص قلت له ماشى
فى ثوانى كان فاكه وبصراحة الراجل كان شغال باهتمام . طبعا جاب الاذير( معرفش اسمه كده صح ولا ايه) المهم الاذير ده حاجة زى عود الالومنيوم وبيسيحه باللمبة فوق الوش النحاس الفوقانى والتحتانى كمان وبعد كده راح مركب الرادياتير تانى وبعدين جاب لى غطا رادياتير جديد بس مكتوب عليه 9, بار المهم وحطيت ميه عادية لحد ما اشوف المهم جربت بقالى يوم ماشى بيها بصراحة الميه تمام مانقصتش وانا كل شوية ببص عليها ويارب بقى تفضل كده وشكرا لكل الاعضاء الكرام اللى نصحونى

رد: نفسىى اعرف الميه بتروح فين

ألف مبروك. موضوع الميه و السخونيه ده عامل زي الخازوق. تبقي ماشي علي طول علي أعصابك.