المشاركة الأصلية كتبت بواسطة ahmed_eng2001 (المشاركة 774029)

اخى الكريم

نوع عربية حضرتك ايه ؟ و عاوز كوريك نوعه ايه ؟

اغلب الموجود فى السوق صينى .... و فيه انواع تانية مش صينى ... بس حتعوز منك شوية بحث و تدوير

اولا :- الكواريك التمساح

1- كوريك تمساح 1 طن ... و ده طوله تقريبا نصف متر و يصلح للسيارات الملاكى و ده ثمنه حوالى 130 جنيه

2- كوريك تمساح 3 طن .... و طوله تقريبا 1 متر ... و يصلح للسيارات الملاكى و النقل الخفيف .. و ده تمنى حوالى 500 جنيه

3- كوريك تمساح 3 طن .... طوله متر و نصف ... و ده الى تلاقيه عند الميكانيكية .. و يصلح للسيارات الملاكى و النقل الخفيف ... و يفرق عن الى قبله ان بيرفع العربية لارتفاع اكبر

ثانيا :- الكوريك الهايدروليك

و ده حسب الوزن الى بيرفعه .... معاك من 2 طن لغاية 30 طن ( ده الى انا شفته )
انا اشتريت واحد 20 طن ... صينى .... و كان بـ 200 جنيه تقريبا

ثالثا :- الكوريك الميكانيكى
و دى انواع و اشكال ... و اشهرهم الى فيه عمود قلاوظ ... زى الى بيجى مع اللانسر و اللانوس .. و عذرا .. انا معرفش عنهم حاجة

اعتقد ان التمساح الصغير مناسب جدا و يفى بالغرض و صغير الحجم ... و انا ارشحولك
و حتلاقيه عند اغلب الناس الى بتبيع قطع غيار سيارات
SLAM

المشاركة الأصلية كتبت بواسطة michohat (المشاركة 787453)

هل حضرتك الكوريك الهيدروليك افضل ف الاستخدام من التمساح لاني ملاحظ ان سعر ال 20 طن ب 200 جنيه و تقريبا ده قريب من سعر التمساح

وهل الكوريك الهيدروليك هو اللي بيرفع السيارة بالكامل زي الصورة دي
http://1.1.1.4/bmi/www.sptechs.com/e...item413798.gif

المشاركة الأصلية كتبت بواسطة michohat (المشاركة 787648)

للايضاح
هل الكوريك التمساح والكوريك الهيدروليك الاثنين شغالين بضغط الزيت صح ؟
انهي فيهم اصغر ف الحجم
انهي اكتر اعتماديه بصرف النظر عن سهوله الاستخدام

اسئلتي علشان عاوز اشتري كوريك يستحمل اني ارفع عربيتي الملاكي وهيا متحمله حموله كامله بسهوله
وده لان الاحتمال وارد بان اسرتي تكون ف العربية ومحتاج اغير الكاوتش فاكيد مش هنزلهم لو واقف ع طريق