مصر موتورز مجتمع السيارات - ارجو الاجابة والاستشارة من خبراء المنتدى الغالى

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: ارجو الاجابة والاستشارة من خبراء المنتدى الغالى

أنا عملت الكارتيرة بتاعة الفتيس من تحت بالسليكون كحل مؤقت بدل ما أروح للراجل ويفك الكرتيرة وينزل الزيت وجوان جديد ومصنعية فقلت اعمله بالسليكون دلوقتى وأوفر القصة دى دلوقتى .. وبقالى دلوقتى كام يوم بتابع مستوى الزيت من تحت العربية لقيته بينزل نقط بسيطة وبعدين مبقاش ينزل..

رد: ارجو الاجابة والاستشارة من خبراء المنتدى الغالى

اقتباس:

المشاركة الأصلية كتبت بواسطة MEMOAHMED14 (المشاركة 782228)

عشان مستواة قل عن الطبيعى
وكدة غلط

رد: ارجو الاجابة والاستشارة من خبراء المنتدى الغالى

طيب يا مستر استرا .. رأيك أعمل ايه خصوصا ان الفتيس معايه كويس ومفيش مشكلة..

رد: ارجو الاجابة والاستشارة من خبراء المنتدى الغالى

اقتباس:

المشاركة الأصلية كتبت بواسطة MEMOAHMED14 (المشاركة 782341)

طيب يا مستر استرا .. رأيك أعمل ايه خصوصا ان الفتيس معايه كويس ومفيش مشكلة..

مهو للاسف دخلة عيد كل سنة والناس كلها طيبة ومعتقدش ان الواحد ممكن يصرف على العربية وداخل علية عيد

رد: ارجو الاجابة والاستشارة من خبراء المنتدى الغالى

بغض النظر ايه الضرر دلوقتى ... أرجو الإفادة عشان الواحد بيحب يطمن...

رد: ارجو الاجابة والاستشارة من خبراء المنتدى الغالى

حضرتك تروح لميكانيكى كويس ومضمون ويشوف مصدر ترشيح الزيت منين لو طبة محتاجة رباط هتبقى بسيطة ان شاء الله
ونصيحة زيت الفتيس بالنسبة للسيارات الحديثة ما ينفعش يتكشف عليه او يتزود عند محلات الزيوت لازم حضرتك تكشف عليه او تزوده فى محطة بنزين محترمة زى موبيل او شل منعا للتعرض للنصب او وضع زيت غير مناسب لفتيس لعربيتك فيعمل مشاكل لاقدر الله

رد: ارجو الاجابة والاستشارة من خبراء المنتدى الغالى

طيب سؤال لحضرتك با استاذ تونسى...
ايه زيت الفتيس المناسب لعربيتى لانوس 2007 لأن الميكانيكى مرة قالى حط فتيس 90 بس نوعه ايه مش عارف ..
ومعلش سؤال تانى لحضرتك لو كان الزيت نوعه وحش واتحط ده تأثيره ايه على العربية .. لأن الراجل ساعة لما زود قلتله حط زيت فتيس 90 وتقريبا كده حط زيت التعاون .. وبالمرة لو فى ربط انا من يومين كنت رايح الشغل بالعربية الصبح والعربية ميه ميه سحب وجرى اخر تمام .. وانا راجع لقيتها مع زيادة السرعة فى صوت عامل زى صوت عربيات السباق مش عارف ده ايه سواء مع زيادة السرعة او فى حالة المور ... بعد اذنك طمنى لو فى ربط لما ذكرته لحضرتك مع بعض .. ومعلش ربنا يطمنك طمنى .. وشكرا ليك ولكل خبراء المنتدى...