رد: اوبل فكترا 95 عايزه رأيكم فيها
 

نصيحة بلاش
هتصرفى كل الفلوس الى معاكى و العربية مش هتعرفى تركبيها ولسة عتعوز صرف تانى . الالمانى قطع غيارة غالية جدا
مش ممكن 5000 جم تعرفى تغيرى عافشة و سمكرة ودوكو ( و ما خفى كان اعظم )
غير الضريبة 1000 جم فى السنة
اعتقد اصبرى شوية وربنا يفرجها بعدين
وتقبلى مرورى

رد: اوبل فكترا 95 عايزه رأيكم فيها
 

الاوبل عربية جميلة بس قطع غيارها غالية واعطالها كتير
30000ج دول يجيبو
هونداى اكسيل موديل من 94:98 1300او 1500 مكيفة
هونداى اكسنت 99 مكيفة
:Bravo:

رد: اوبل فكترا 95 عايزه رأيكم فيها
 

مع احترامى لكل اللى رد فى مشكله واحده بس و دى اللى تقلق الفكترا aو الكامله لو نضيفه مش بتقل عن 40 الف فالسعر يقلق جدا جدا
ثانيا منصحكيش بالعربيه دى لانها اكيييد هتبقى محتاجه مصاريف كتييير و الاوبل بالذات لو مش نضيف ميتركبش لانها ساعتها هتكرهك فى العربيات كلها
التكيف لو فعلا مش شغال يبقى على الاقل هيصرف 2000 و ممكن توصل ل 3000 ده التكيف بس غير العفشه لو هتجيبى جديد هتدخل فى حدود 1000 المساعدين فى حدود 700 على ما اتذكر و الباقى لو جلب مقصات و باقى حاجات العفشه و ده قدام بس لو ورا كمان الله اعلم هتدخل فى كام
و انا بقول الكلام ده عن تجربه لانى قبل كده جبت واحده اوبل و كانت بردو رخيصه كنت اخدتها ب 31 الف و قعدت معايا سنه فى خلال السنه صرفت 6000 و بعد كده بعتها بخساره لانى اتحنقت منها و من مصاريفها اللى مش بتخلص
فنصيحتى بالمبلغ ده دورى على برايد عصفوره بس مش هتبقى مكيفه ممكن سوزوكى سويفت 93 او 94 هتكون فى الحدود دى و مكيفه اما عن موضوع اوتوماتك فمنصحش بيه فى الفئه السعريه دى

رد: اوبل فكترا 95 عايزه رأيكم فيها
 

انا عندى صبر انى اشتغل عليها لحد ماصلح كل حاجه فيها او على الاقل العفشه والسمكره والباقى شكليات تيجى بعدين انما انا بسأل لو العربيه موتور وفتيس كويس وهاتودينى وتجيبنى مش دى حاجه كويسه ولا من رايكم مش فارقه مع العلم ان حتى العربات اليوسد اللى بتكلمونى عنها بتبقى كلها مشاكل ومتبهدله

رد: اوبل فكترا 95 عايزه رأيكم فيها
 

وعايزه اسأل ا جماعه هى العفشه دى ايه بالظبط وبكام لو حبيت اغيرها كلها ولو قادم بس كده يعنى

رد: اوبل فكترا 95 عايزه رأيكم فيها
 

ارجو مساعدتى من قبل الجميع

رد: اوبل فكترا 95 عايزه رأيكم فيها
 

حضرتك الفيكترا قطع غيارها غالية و سعر العربية الى انتى عايزة تجبيها قليل يعنى العربية عايزة مصاريف جامدة.....عفشة و تكييف بس مش اقل من 4000-5000 جنيه و اكيد فى حاجات تانية كتير....و حضرتك عايزة عربية اوتوماتيك و اهم حاجة تكون قطع غيارها رخيصة و عربية بدون اعطال....هكتب لحضرتك افضل عربيات من 30000الى 35000 و عربيات ممتازة..
1.هيونداى اكسنت 98-99 اوتوماتيك..دى موتورها 1500
2.هيونداى اكسيل...اوتوماتيك..الموتو ر 1500
3.سوزوكى سويفت اوتوماتيك
4.كيا برايد اوتوماتيك....