مصر موتورز مجتمع السيارات - يوم عذاب و سئ في فرع القطامية

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - يوم عذاب و سئ في فرع القطامية (https://www.masrmotors.com/vb/showthread.php?t=99023)

رد: يوم عذاب و سئ في فرع القطامية

اقتباس:

المشاركة الأصلية كتبت بواسطة ehabpopo (المشاركة 770147)

كنت هناك يوم السبت اللى قبل اللى فات ... وكان فية هرجلة واضحة وعدم نظام تقريبا ماشفتهوش قبل كدة ... وكنت بعمل صيانة ال 1000 لعربية ابن خالتى اللى شجعتة على شرائها .... ولطعونا اكتر من ساعتين الا ربع بعد العربية ماخلصت مركونة ... ومحدش بيقرب منها ... مش عارف مركونة لية ...
انا متأكد ان فية ناس محترمة داخل مركز القطامية.... بس مش عارف اية اللى بيحصل ... فعلا فية سوء ادارة لازم كل واحد يعرف مكانة كويس ... الصنايعى فى مكانة والمهندس فى مكانة والادارى فى مكانة ... انا مش فيلسوف ... ولا بعدل على حد ... بس بشوف الناس هناك بتكلم بعض بطريقة مش كويسة

اقتباس:

المشاركة الأصلية كتبت بواسطة hzem (المشاركة 770164)

http://img219.imageshack.us/img219/9615/quote10.png
http://img221.imageshack.us/img221/3964/quote08.png بس حضرتك انا اتفق معاك و انفق مع الأخ اللي قال ان الدنيا هناك مش منظمة بس انا شخصيا احب النقد البناء يعني لو شزفت البوست بتاعي انا اشتكيت من اللي حصل معايا و في الأخر قولت بعد العيوب للتحسين و مش كل العيوب الواحد بيشتري عربية علشان تقعد معاه من 3-5 سنوات دهلو ماكنش اكتر و علشان كده لو العملاء شايفة حاجة غلط لازم نعمل تقويم للمركز اللي بنتعامل معاه علشان نحقق منفعة متبادلة و هنا تكون الكرة في ملعب المركز ان يتقبل الأقتراحات و يبدأ في التعديل و هنا يكسب ثقة العميل و ثقة العربية التي تنعكس علي حجم مبيعاتها و لو التوكيل طنش علي العيوب صراحة التوكيل هو اللي هيخسر في الآخر من مشاكل مع العملاء و مشاكل مع الشركة الأم و مشاكل مع حماية المستهلك و ..................... بس طالما الواحد بيتصل و الناس بتستقبل المكالمة بالحل و الأتفاق فده حل مؤقت حتي يسود النظام و انا اتفق معاك انهم المفروض يعملوا مراقبة علي الصنايعية و اللي مش نافع يمشي و البلد مليانة كتير منهم و عايزين يشتغلوا.

السلام عليكم

والله يا اخوتى الكرام انا على وشك شراء السيارة وكل قلقى وغضبى من التوكيل اللى كل واحد من المالكين للسيارة بيشتكى منه شويه...ولازم تكون متوصى عليك قبل متروح التوكيل ..هوه فى ايه بالضبط ..يا تروح اسكندرية ..يا يعذبوك بالساعات ...
الواحد حاسس انه شحات ..او متسول ..وكأن التوكيل بيوزع العربيات مجانا على العملاء ..........لأ واللى يغيظك يقولك ان ا/ محمد رمضان ...زعلان زعلان جدا جدا
من الناس الوحشة اللى مبتشكرش فى التوكيل والله له حق ( ده التوكيل بيوزع على العملاء بونبون .ولبان و...............) لدرجة انه بيترك العملاء بالساعتين من غير اى خدمه ...........

ياريت توكيل القطامية ..وغيره يكون عللى نفس الدرجة والمسئولية مثل التوكيلات الكبيرة ....هوه توكيل رينو اللى بيشكروا فيه اعضاء قسم اللوجان ...فيه خبراء اجانب ...
وكلمة اخيره الصنايعى او غيره اللى معندوش ضمير عمره ما حينفع على كبر ...
سمعة التوكيل والسيارة على المحك !!!!!!!!!!!
ياريت نسمع ونشوف من التوكيل ورجاله المخلصين.. خطوات ايجابية نحو تغيير العنصر الفاسد فى العمل وذلك حتى يستقيم العمل ...................

رد: يوم عذاب و سئ في فرع القطامية

ربنا يبارك في توكيل رينوو
معامله ادميه فعلا

رد: يوم عذاب و سئ في فرع القطامية

لا تنسوا غبور من دعائكم :hehehe::hehehe::10F925~1 65:

رد: يوم عذاب و سئ في فرع القطامية

اقتباس:

المشاركة الأصلية كتبت بواسطة الاستاذ/ علاء (المشاركة 770305)

========================= ===============
مشكلة التوكيل دى هتلاقيها فى اكثر الانواع يعنى مهما هربت هتلاقيها
بدام مقتنع بالسيارة توكل على الله
العيب مش فى التوكيل العيب فى الحكومة التى ( لاتسمع لاترى لا تتكلم )

رد: يوم عذاب و سئ في فرع القطامية

اقتباس:

المشاركة الأصلية كتبت بواسطة الاستاذ/ علاء (المشاركة 770305)

يا اخى الكريم انا لما قلت ان محمد رمضان زعلان ... كان بسبب الشتيمة والسب .... واكيد انت انسان محترم وعارف ان الشتيمة والسب مش ها يحلو مشكلة ... يعنى انت فى مشاركتك حظرت التوكيل من السمعة السيئة ... وقارنت بينة وبين لوجان ... واظهرت بعض العيوب ... واتمنيت انك تسمع وتشوف خطوات ايجابية ... لاكن ما سبتش ولا شتمت ..
يعنى اقصد ان النقد يكون بناء زى ما الاخ hzem ما قال ... واللى راح التوكيل وقابلتة مشكلة يقولها ... ونساعد بعض فى الحل سواء برة التوكيل او جوة التوكيل ... وفى ناس كتير كان عندها مشاكل وعرضتها على هذا المنتدى ومنتديات اخرى ... وبسرعة اتصلو بيهم مسئولين فى مركز الصيانة ... وحللهم المشكلة ...
ودة بردة ما يمنعش ان فية ناس محترمة هناك ... لاكن الاسوء اكتر ... ودى مشكلة مش ها يقدر يحلها غير ادارة التوكيل ...

رد: يوم عذاب و سئ في فرع القطامية

أنا فى رأيى الشخصى إن مشكلة التوكيل دى تتحل بتفعيل نظام الحجز يعنى كل واحد عارف معاده إمتى ويروح علية والتوكيل عارف قدرتة الإستيعابية كام سيارة فى اليوم ويدى مواعيد على قدها (مع الإحتفاظ بنسبة طبعا للطوارئ) ... بجانب تقسيم مراكز الصيانة بين التاكسى والملاكى زى مثلا تخصيص مركز الشرابية للتاكسى ومركز القطامية للملاكى .. وصدقونى إللى هيحجز مرة وياخد معاد بعد إسبوع ويروح فى ميعادة يخلص كل حاجة بشكل سلس مش هيزعل زى ما ياخد معاد بكرة ويروح يقف فى طابور متعرفش أوله من آخره

رد: يوم عذاب و سئ في فرع القطامية

اقتباس:

المشاركة الأصلية كتبت بواسطة ehabpopo (المشاركة 770776)

السلام عليكم

استاذنا الغالى الكريم / ايهاب ....بارك الله فيك
اخى الكريم انا لم اقصد حضرتك ابدا ....فحضرتك انسان فى قمة الذوق والاحترام وياريت نبقى جزء ولو صغير من اخلاق حضرتك ..........
والله العظيم كل كلامى غيره على السيارة ...لان حضراتكم بتشكروا فيها .........( وعلى فكرة انا لسه بفكر اشتريها ....)
بس مسئولى التوكيل لابد ان يعرفوا ان التجاهل وقلة الضمير وقلة الاهتمام بتجعل الانسان يغضب ...وفى انسان يقدر يعبر عن غضبه بالكلام الشديد اللازع وفى انسان اخر لايملك ذلك فبيضطر للشتيمة ( ولان الشتيمة جابت معاه نتيجة مرة او اتنين ..)
فياريت التوكيل يعمل اللى عليه وساعتها العملاء سوف ينشدون قصائد شعر للتوكيل ..